ໃນວັນທີ 16-17 ມັງກອນ 2020 ທີ່ຜ່ານມາ, ພະແນກຍຸຕິທຳແຂວງ ຫົວພັນ ແລະ ພະແນກຍຸຕິທຳແຂວງ ຊຽງຂວາງໄດ້ຈັດກອງປະຊຸມແລກປ່ຽນບົດ ແລະ ທັດສະນະສຶກສາກ່ຽວກັບວຽກງານການແກ້ໄຂຂໍ້ຂັດແຍ່ງຂັ້ນບ້ານ ຂຶ້ນຢູທີ່ ສະໂມສອນບ້ານກາງ ເມືອງ ຊຳເໜືອ ແຂວງ ຫົວພັນ ໂດຍພາຍໃຕ້ການເປັນປະທານຮ່ວມ ຂອງທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທຳແຂວງ ຫົວພັນ ແລະ ທ່ານ ທອງດີ ພົນອາສາ ຮອງຫົວໜ້າພະແນກຍຸຕິທຳແຂວງ ຊຽງຂວາງ, ມີບັນດາທ່ານຄະນະຮັບຜິດຊອບໂຄງການ MCC ທັງສອງແຂວງ, ຜູ້ຕາງໜ້າຈາກ 3 ເມືອງ ແລະ 6 ບ້ານເປົ້າໝາຍຂອງແຂວງ ຊຽງຂວາງ, ຜູ້ຕາງໜ້າຈາກບ້ານ ສະເຫຼີ້ຍ ແລະ ບ້ານ ກາງເຂົ້້າຮ່ວມ.