ແຂວງ ບໍລິຄຳໄຊ

ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທໍາແຂວງ ບໍລິຄໍາໄຊ ເຂົ້າຮ່ວມກອງປະຊຸມທາງໄກ ກ່ຽວກັບການແລກປ່ຽນບົດຮຽນຄົ້ນຄວ້າກົດໝາຍ

          ໃນວັນທີ 22 ທັນວາ 2021 ຜ່ານມາ ທ່ານນາງ ວັນນາ ປະເສີດກຸນ ຫົວໜ້າພະແນກຍຸຕິທໍາແຂວງ ບໍລິຄໍາໄຊ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມ ທາງໄກ ກ່ຽວກັບການແລກປ່ຽນບົດຮຽນຄົ້ນຄວ້າກົດໝາຍ ລະຫວ່າງ ກະຊວງຍຸຕິທຳ ສປປ ລາວ ແລະ ກະຊວງຍຸຕິທຳ ສສ ຫວຽດນາມ ໂດຍການເປັນປະທານຂອງທ່ານ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທຳ.

ໜ່ວຍພັກຮາກຖານພະແນກຍຸຕິທຳແຂວງ ເປີດບັ້ນດຳເນີນຊີວິດການເມືອງກວດກາໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ປະຈຳປີ 2021

          ບັ້ນດຳເນີນຊີວິດການເມືອງກວດກາໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ຂອງໜ່ວຍພັກຮາກຖານພະແນກຍຸຕິທຳແຂວງ ບໍລິຄຳໄຊ ໄດ້ຈັດຂຶ້ນໃນຕອນເຊົ້າຂອງວັນທີ 16 ທັນວາ 2021 ຢູ່ພະແນກຍຸຕິທໍາແຂວງ ໂດຍການເປັນປະທານຂອງ ສະຫາຍ ນາງ ວັນນາ ປະເສີດກຸນ ເລຂາໜ່ວຍພັກຮາກຖານພະແນກຍຸຕິທຳແຂວງ ບໍລິຄໍາໄຊ, ມີຄະນະພັກ, ສະມາຊິກພັກ, ຄະນະຮັບຜິດຊອບຂັ້ນແຂວງ ແລະ ພະນັກງານ-ລັດຖະກອນ ພາຍໃນພະແນກເຂົ້າຮ່ວມທັງໝົດ 35 ສະຫາຍ, 12 ຍິງ ສະຫາຍ.

ພະແນກຍຸຕິທໍາແຂວງ ບໍລິຄຳໄຊ ຈັດກອງປະຊຸມ ຕິດຕາມ, ຊຸກຍູ້ການປະຕິບັດລັດຖະທໍາມະນູນ ແລະ ກົດໝາຍ

          ໃນວັນທີ 9 ທັນວາ 2021 ທີ່ຜ່ານມາ ຢູ່ທີ່ ຫ້ອງປະຊຸມພະແນກຍຸຕິທໍາແຂວງ ບໍລິຄໍາໄຊ ໄດ້ເປີດກອງປະຊຸມ ສ່ອງແສງ ລາຍງານການເຄື່ອນໄຫວວຽກງານໃນໄລຍະຜ່ານມາ ໃນການປະຕິບັດລັດຖະທໍາມະນູນ ແລະ ກົດໝາຍຂອງພະແນກຍຸຕິທໍາແຂວງ ໂດຍການເປັນປະທານ ຂອງທ່ານ ເລື່ອນວິໄລ ຈັນທະລາພັນ ຄະນະປະຈໍາພັກແຂວງ ຮອງປະທານສະພາປະຊາຊົນແຂວງ ມີທ່ານ ນາງ ວັນນາ ປະເສີດກຸນ ຫົວໜ້າພະແນກຍຸຕິທໍາແຂວງ ,ມີບັນດາທ່ານຄະນະທີ່ຮັບຜິດຊອບຈາກສະພາປະຊາຊົນແຂວງ,ມີຫົວໜ້າ ແລະ ຮອງຫົວໜ້າຂະແໜງພາຍໃນພະແນກເຂົ້າຮ່ວມຈຳນວນ 17 ທ່ານ ຍິງ 4 ທ່ານ.

ກອງປະຊຸມປະກອບຄໍາເຫັນໃສ່ຮ່າງຂໍ້ຕົກລົງຂອງທ່ານເຈົ້າແຂວງ

          ໃນຕອນເຊົ້າຂອງວັນທີ 25 ພະຈິກ 2021 ນີ້ ທີ່ຫ້ອງປະຊຸມຂອງພະແນກຍຸຕິທໍາແຂວງ ບໍລິຄຳໄຊ ໄດ້ເປີດກອງປະຊຸມປະກອບຄໍາເຫັນໃສ່ຮ່າງ ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງການລົງທຶນດ້ານກະສິກໍາຕາມຮູບແບບສັນຍາຂອງແຂວງ ໂດຍການເປັນ ປະທານຂອງ ທ່ານ ສະພັງທອງ ພົມມະຈັກ ຫົວຫນ້າຂະແຫນງຈັດຕັ້ງ ພະແນກຍຸຕິທຳແຂວງ ບໍລິຄຳໄຊ ໂດຍການເຂົ້າຮ່ວມຂອງທ່ານ ສອນໄຊ ພົມມະວົງ ຮອງຫົວໜ້າພະແນກກະສິກຳ-ປ່າໄມ້ ແຂວງ ພ້ອມດ້ວຍຄະນະຮັບຜິດຊອບ ແລະ ມີພະນັກງານວິຊາການກົດໝາຍພາຍໃນພະແນກຍຸຕິທໍາ ເຂົ້າຮ່ວມ.

ຫົວໜ້າພະແນກຍຸຕິທໍາແຂວງ ບໍລິຄຳໄຊ ເຂົ້າຮ່ວມປະຊຸມ ຜ່ານລະບົບທາງໄກ

          ໃນວັນທີ 23 - 24 ພະຈິກ 2021 ຜ່ານມານີ້ ທ່ານ ນາງ ວັນນາ ປະເສີດກຸນ ຫົວໜ້າພະແນກຍຸຕິທໍາແຂວງ ບໍລິຄຳໄຊ ພ້ອມດ້ວຍຫົວໜ້າຂະແໜງການທີ່ກ່ຽວຂ້ອງໄດ້ເຂົ້າຮ່ວມປະຊຸມເຜີຍແຜ່ແຜນຜັນຂະຫຍາຍພັດທະນາ 5 ປີ ແລະ ແລກປ່ຽນບົດຮຽນວຽກງານຮ່ວມມືສາກົນປະຈໍາປີ ໂດຍການເປັນປະທານຂອງ ທ່ານ ເກດສະຫນາ ພົມມະຈັນ ຮອງລັດຖະມົນຕີ ກະຊວງຍຸຕິທໍາ (ຜ່ານລະບົບປະຊຸມທາງໄກ) ຈັດໂດຍ ກະຊວງຍຸຕິທໍາ.

Pages