ແຂວງ ໄຊຍະບູລີ

ຂ່າວການເຄື່ອນໄຫວ ແລະ ບົດຄວາມອື່ນໆ

ຮອງຫົວໜ້າພະແນກຍຸຕິທໍາແຂວງ ໄຊຍະບູລີ ລົງຕິດຕາມຊຸກຍູ້ຊຸດຝຶກອົບຮົມກົດໝາຍ 45 ວັນ

          ໃນວັນທີ 27 ເມສາ 2022 ຜ່ານມາ ທ່ານ ສົມລິດ ອ່ອນຕາ ຮອງຫົວໜ້າພະແນກຍຸຕິທໍາແຂວງ ໄຊຍະບູລີ ໄດ້ລົງຕິດຕາມຊຸດຝຶກອົບຮົມກົດໝາຍຂັ້ນພື້ນຖານລະບົບບຳລຸງ 45 ວັນ ທີ່ສະໂມສອນຫ້ອງການບ້ານ ທ່ານາ ເມືອງ ໄຊຍະບູລີ, ມີຄະນະຮັບຜິດຊອບຊຸດຝຶກອົບຮົມ ແລະ ນັກຝຶກອົບຮົມ ໃຫ້ກຽດຕ້ອນຮັບ.

ກອງປະຊຸມເຜີຍແຜ່ເອກະສານກ່ຽວກັບການສ້າງນິຕິກໍາ ຂັ້ນເມືອງ ທີ່ ເມືອງ ຄອບ ແຂວງ ໄຊຍະບູລີ.

          ໃນວັນທີ 26 ເມສາ 2022 ທີ່ຫ້ອງປະຊຸມຫ້ອງວ່າການປົກຄອງເມືອງ ຄອບ ແຂວງ ໄຊຍະບູລີ ໄດ້ຈັດກອງປະຊຸມເຜີຍແຜ່ ກ່ຽວກັບວຽກງານການສ້າງນິຕິກໍາ ຂັ້ນເມືອງ. ໂດຍການເປັນປະທານ ຮ່ວມ ລະຫວ່າງ ທ່ານ ກາວີ ເກດດົມລິ ຫົວໜ້າພະແນກຍຸຕິທໍາແຂວງ ແລະ ທ່ານ ສົມນືກ ສິງຄໍາ ຮອງເລຂາພັກເມືອງ, ມີ ຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ກົມກອງ, ນັກທຸລະກິດ, ນາຍບ້ານ 4 ບ້ານເທດສະບານ ພ້ອມດ້ວຍພະນັກງານຫ້ອງການຍຸຕິທໍາເມືອງເຂົ້າຮ່ວມທັງໝົດ 70 ທ່ານ, ຍິງ 15 ທ່ານ.

ພະແນກຍຸຕິທໍາແຂວງ ໄຊຍະບູລີ ຕີລາຄາຄືນວຽກງານກໍາມະບານຮາກຖານ

          ໃນຕອນເຊົ້າຂອງ ວັນທີ 20 ເມສາ 2022 ຢູ່ຫ້ອງປະຊຸມພະແນກຍຸຕິທໍາແຂວງ ໄຊຍະບູລີ ໄດ້ເປີດກອງປະຊຸມ ສະຫຼຸບຕີລາຄາຄືນ ການຈັດຕັ້ງປະຕິບັດວຽກງານກໍາມະບານຂອງຮາກຖານກໍາມະບານພະແນກຍຸຕິທໍາແຂວງ ແລະ ການຜ່ານຂໍ້ຕົກລົງ ວ່າດ້ວຍການນະໂຍບາຍຊ່ວຍເຫຼືອ ເຊິ່ງກັນ ແລະ ກັນ ພາຍໃນ ຮາກຖານກໍາມະບານພະແນກຍຸຕິທໍາ (ກອງທຶນ).ໂດຍການເປັນປະທານຂອງ ສະຫາຍ ສົມລິດ ອ່ອນຕາ ຄະນະພັກ, ຮອງຫົວໜ້າພະແນກ ຜູ້ຊີ້ນໍາວຽກງານອົງການຈັດຕັ້ງມະຫາຊົນ, ມີປະທານ, ຮອງປະທານ, ຄະນະ ແລະ ພ້ອມດ້ວຍສະມາຊິກກໍາມະບານ ເຂົ້້າຮ່ວມຢ່າງພ້ອມພຽງ.

ຫ້ອງການຍຸຕິທຳເມືອງ ຊຽງຮ່ອນ ແຂວງ ໄຊຍະບູລີ ເປີດຊຸດຝຶກອົບຮົມກົດໝາຍ 45 ວັນ

          ໃນວັນທີ 22 ມີນາ 2022 ເມືອງ ຊຽງຮ່ອນ ແຂວງ ໄຊຍະບູລີ ໄດ້ເປີດຊຸດຝຶກອົບຮົມກົດໝາຍຂັ້ນພຶ້ນຖານ ລະບົບບຳລຸງ 45 ວັນ ຊຸດທີ V ປະຈຳປີ 2022 ໃຫ້ແກ່ອຳນາດການປົກຄອງບ້ານເຂດມົກສະຕຸ ຈຳນວນ 6 ບ້ານ ໃຫ້ກຽດເຂົ້າຮ່ວມເປັນປະທານໂດຍ ທ່ານ ຖາວອນ ເລື່ອນແກ້ວ ຮອງເລຂາພັກເມືອງ, ສະມາຊິກສະພາປະຊາຊົນແຂວງ, ປະທານກວດກາພັກເມືອງ, ມີພະນັກງານຊີ້ນຳບ້ານ, ຫ້ອງການຍຸຕິທຳເມືອງ, ອຳນາດການປົກຄອງບ້ານ ທັງ 6 ບ້ານ ເຂົ້າຮ່ວມທັງໝົດຈຳນວນ 48 ທ່ານ, ຍິງ 10 ທ່ານ; ໃນນັ້ນ ມີນັກຝຶກອົບຮົມເຂົ້າຮ່ວມ ຈຳນວນ 36 ທ່ານ, ຍິງ 10 ທ່ານ.

Pages