ແຂວງ ຊຽງຂວາງ

ຂ່າວການເຄື່ອນໄຫວ ແລະ ບົດຄວາມອື່ນໆ

ເປີດຊຸດຝຶກອົບຮົມກົດໝາຍ ແລະ ການນໍາໃຊ້ທີ່ດິນນກະສິກຳ ໃຫ້ປະຊາຊົນບ້ານ ມອນ ເມືອງ ແປກ ແຂວງ ຊຽງຂວາງ

          ໃນວັນທີ 15 ທັນວາ 2021 ຢູ່ທີ່ຫ້ອງການບ້ານ ໂພນສະຫວັນເໜືອ ເມືອງ ແປກ ແຂວງ ຊຽງຂວາງ ໄດ້ເປີດຊຸດຝຶກອົບຮົມກົດໝາຍ ແລະ ການນໍາໃຊ້ທີ່ດິນກະສິກໍາໃຫ້ປະຊາຊົນ ໂດຍການເປັນປະທານຂອງທ່ານ ບົວລອຍ ຈັນທະວົງ ຮອງເຈົ້າເມືອງ ເມືອງ ແປກ, ມີທ່ານ ຄຳຫຼ້າ ສີບົວທອງ ຮອງຫົວໜ້າໜ່ວຍງານກົດໝາຍ ແລະ ໂຄສະນາເຜີຍແຜ່ກົດໝາຍຫ້ອງການຍຸຕິທໍາເມືອງ ແປກ ພ້ອມດ້ວຍຄະນະ ແລະ ປະຊາຊົນບ້ານມອນ ເຂົ້າຮ່ວມ.

ກອງປະຊຸມຝຶກອົບຮົມທັກສະການໄກ່ເກ່ຍຂໍ້ຂັດແຍ່ງຂັ້ນບ້ານ

          ໃນລະຫວ່າງວັນທີ 23 - 26 ພະຈິກ 2021 ຢູ່ຫ້ອງການກຸ່ມນຳ້ແທ້ ເມືອງ ຄຳ ແຂວງ ຊຽງຂວາງ ໄດ້ເປີດຊຸດຝຶກອົບຮົມທັກສະການໄກ່ເກ່ຍຂໍ້ຂັດແຍ່ງຂັ້ນບ້ານຂຶ້ນ ໂດຍການເປັນປະທານຂອງທ່ານ ນາງ ແສງຈັນ ວົງສຸລິດ ຮອງເລຂາພັກເມືອງ ມີຜູ້ຕາງໜ້າອົງການມິດຕະພາບເມັນໂນນາຍ Mennonite Central Committee, ຄູຝຶກ ຄະນະຮັບຜິດຊອບການຝຶກອົບຮົມ ແລະ ຄະນະໄກ່ເກ່ຍຂໍ້ຂັດແຍ່ງຂັ້ນບ້ານເຂົ້າຮ່ວມ.

ຊາວໜຸ່ມພະແນກຍຸຕິທຳແຂວງ ສ້າງຂະບວນການອອກແຮງງານ

          ເພື່ອເປັນການສະເຫຼີມສະຫຼອງວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 46 ປີ ( 2 ທັນວາ 1975 - 2 ທັນວາ 2021 ) ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 101 ປີ ແລະ ວັນສ້າງຕັ້ງກອງເຍົາວະຊົນທັນວາ ຄົບຮອບ 66 ປີ ຊາວໜຸ່ມພະແນກຍຸຕິທຳແຂວງ ຊຽງຂວາງ ນຳໂດຍທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ, ມີ ທ່ານນາງ ບົວວັນ ວົງວຽງຄຳ ຄະນະບໍລິຫານງານຊາວໜຸ່ມແຂວງ, ເລຂາຊາວໜຸ່ມພະແນກຍຸຕິທຳ ພ້ອມດ້ວຍຄະນະ ແລະ ສະມາຊິກ ໄດ້ສ້າງຂະບວນການອອກແຮງງານຂຶ້ນ ໃນວັນທີ 25 ພະຈິກ 2021 ເພື່ອອະນາໄມ, ປັດກວດພາຍໃນ - ພາຍນອກອາຄາສະຖານທີ່ອ້ອມຂ້າງຫ້ອງການ, ຮ່ອງລະບາຍນໍ້າເປື້ອນ ພ້ອມທັງບົວລະບັດຕ

ຄະນະພະແນກຍຸຕິທຳແຂວງ ເຂົ້າຮ່ວມກອງປະຊຸມລະບົບອອນລາຍ

          ໃນວັນທີ 23 - 24 ພະຈິກ 2021 ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ ຊຽງຂວາງ ພ້ອມດ້ວຍຄະນະ ແລະ ບັນດາຂະແໜງການທີ່ກຽ່ວຂ້ອງ ໄດ້ເຂົ້າຮ່ວມກອງປະຊຸມ ( ດ້ວຍລະບົບອອນລາຍ ) ເພື່ອເຜີຍແຜ່ຜັນຂະຫຍາຍແຜນພັດທະນາ ຂະແໜງຍຸຕິທຳ ປີ 2021-2025, ແຜນພັດທະນາບຸກຄະລາກອນ 5 ປີ ພາຍໃຕ້ການເປັນປະທານ ແລະ ບັນຍາຍໂດຍທ່ານ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທຳ ( ຊຶ່ງຜ່ານລະບົບອອນລາຍ ) ໃນກອງປະຊຸມໄດ້ຮັບຟັງການຜ່ານຂໍ້ຕົກລົງ ວ່າດ້ວຍການຄຸ້ມຄອງການຊ່ວຍເຫຼືອຂອງຕ່າງປະເທດ ແລະ ອົງການຈັດຕັ້ງສາກົນ ໃຫ້ແກ່ຂະແໜງຍຸຕິທຳ ແລະ ບັນດາຄູ່ຮ່ວມພັດທະນາ ເພື່ອເປັນການດຶງດູດ ແລະ ຍາດແຍ່ງເອົາການຊ່ວຍເຫຼືຈາກຕ່າງປະເທດ

ແຂວງ ຊຽງຂວາງ ສ້າງຄວາມເຂັ້ມແຂງໃຫ້ກັບການໄກ່ເກ່ຍຂໍ້ຂັດແຍ່ງຂັ້ນບ້ານ ໃນບົດບາດຍິງ-ຊາຍ

          ໃນລະຫວ່າງວັນທີ 16-19 ພະຈິກ 2021 ພະແນກຍຸຕິທຳແຂວງ ຊຽງຂວາງ, ກະຊວງຍຸຕິທຳ ແລະ ອົງການມິດຕະພາບເມັນໂນນາຍ ໄດ້ຈັດກອງປະຊຸມອອນລາຍຂຶ້ນ ພາຍໃຕ້ການເປັນປະທານຂອງທ່ານ ທອງດີ ພົນອາສາ ຮອງຫົວໜ້າພະແນກຍຸຕິທຳແຂວງ, ມີຜູ້ຕາງໜ້າອົງການມິດຕະພາບເມັນໂນນາຍ Mennonite Central Committee, ວິຊາການພະແນກຍຸຕິທຳແຂວງ, ພະນັກງານຫ້ອງການຍຸຕິທຳເມືອງ ແລະ ສະຫະພັນແມ່ຍິງເມືອງ ສາມ ເມືອງຄື: ເມືອງ ຄຳ, ເມືອງ ຄູນ ແລະ ເມືອງ ພູກູດ ເຂົ້າຮ່ວມທັງໝົດ 10 ທ່ານ.

ເປີດຊຸດເຝິກອົບຮົມກົດໝາຍ ແລະ ການນໍາໃຊ້ທີ່ດິນກະສິກຳ ໃຫ້ປະຊາຊົນ ບ້ານ ຍອດງື່ມ ເມືອງ ແປກ ແຂວງ ຊຽງຂວາງ

          ໃນວັນທີ 9 ພະຈິກ 2021 ທີ່ຫ້ອງການບ້ານ ຍອດງື່ມ ເມືອງ ແປກ ແຂວງ ຊຽງຂວາງ ໄດ້ເປີດຊຸດຝຶກອົບຮົມກົດໝາຍ ແລະ ການນໍາໃຊ້ທີ່ດິນກະສິກໍາໃຫ້ປະຊາຊົນບ້ານ ຍອດງື່ມ ຂຶ້ນ ໂດຍການເປັນປະທານຂອງ ທ່ານ ບົວລອຍ ຈັນທະວົງ ຮອງເຈົ້າເມືອງ ແປກ, ມີທ່ານ ຄຳຫຼ້າ ສີບົວທອງ ຮອງຫົວໜ້າໜ່ວຍງານກົດໝາຍ ແລະ ໂຄສະນາເຜີຍແຜ່ກົດໝາຍ ຫ້ອງການຍຸຕິທໍາເມືອງ ແປກ ພ້ອມດ້ວຍຄະນະ ແລະ ປະຊາຊົນ ບ້ານ ຍອດງື່ມ ເຂົ້າຮ່ວມ.

ພິທີມອບ-ຮັບອຸປະກອນຮັບໃຊ້ຫ້ອງການຢູ່ ບ້ານ ໂງຍເມືອງ ແປກ ແຂວງ ຊຽງຂວາງ

          ໃນວັນທີ 19 ພະຈິກ 2021 ຢູ່ທີ່ຫ້ອງການ ບ້ານໂງຍ ເມືອງ ແປກ ແຂວງ ຊຽງຂວາງ ພະແນກຍຸຕິທໍາແຂວງ ແລະ ອົງການໄອຍະການປະຊາຊົນແຂວງ ຊຽງຂວາງ ໄດ້ນໍາອຸປະກອນຮັບໃຊ້ຫ້ອງການ ມອບໃຫ້ຫ້ອງການປົກຄອງບ້ານ ໂງຍ ໂດຍການເປັນປະທານຮ່ວມຂອງ ທ່ານ ສິນທະວົງ ພີມມະວົງ ຮອງເລຂາພັກເມືອງ ປະທານກວດກາພັກ ຫົວໜ້າອົງການກວດກາລັດເມືອງ ແປກ, ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ, ທ່ານ ຄຳເພັດ ກູດໄພບານ ຮອງຫົວໜ້າອົງການໄອຍະການປະຊາຊົນແຂວງ ຊຽງຂວາງ ເຂົ້າຮ່ວມພິທີ ມີ ຫົວໜ້າຫ້ອງການຍຸຕິທຳເມືອງ ແປກ, ຫົວໜ້າອົງການໄອຍະການປະຊາຊົນເຂດ 1, ອົງການປົກຄອງບ້ານ ແລະ ປະຊາຊົນ.

ພະແນກຍຸຕິທຳແຂວງ ຊຽງຂວາງ ຕີລາຄາສະມາຊິກພັກ ແລະ ໜ່ວຍພັກ

          ໃນວັນທີ 17-18 ພະຈິກ 2021 ຢູ່ທີ່ພະແນກຍຸຕິທຳແຂວງ ຊຽງຂວາງ ໄດ້ຈັດກອງປະຊຸມເຊື່ອມຊືມເອກະສານຕີລາຄາ ແລະ ແບ່ງປະເພດສະມາຊິກພັກ, ໜ່ວຍພັກຂຶ້ນ ພາຍໃຕ້ການເປັນປະທານຂອງສະຫາຍ ມົນຕີ ສີອຸດົມ ເລຂາໜ່ວຍພັກ, ຫົວໜ້າພະແນກຍຸຕິທຳແຂວງ, ມີຄະນະພັກ, ສະມາຊິກພັກສົມບູນ ແລະ ສຳຮອງເຂົ້າຮ່ວມ.

ພະແນກຍຸຕິທຳແຂວງ ປະເມີນລັດຖະກອນຂັ້ນແຂວງ

          ໃນວັນທີ 15 ພະຈິກ 2021 ຢູ່ທີ່ພະແນກຍຸຕິທຳແຂວງ ຊຽງຂວາງ ໄດ້ຈັດພິທີປະເມີນຜົນການຈັດຕັ້ງປະຕິບັດວຽກງານຂອງພະນັກງານ-ລັດຖະກອນປະຈຳປີ 2021 ຂຶ້ນ ໂດຍເປັນປະທານຂອງ ທ່ານ ສີວິໄລ ແສງຈະເລີນ ກຳມະການພັກແຂວງ, ຮອງເຈົ້າແຂວງ ຊຽງຂວາງ ຜູ້ຊີ້ນຳວຽກງານຂົງເຂດກົດໝາຍ, ມີຄະນະພະແນກ, ຫົວໜ້າ, ຮອງຫົວໜ້າຂະແໜງ ແລະ ວິຊາການ ເຂົ້າຮ່ວມ.

Pages