ກະຊວງ

Weight: 
0

ກະຊວງຍຸຕິທຳ ຈັດກອງປະຊຸມເພື່ອກວດກາຕີລາຄາການຈັດຕັ້ງປະຕິບັດຜັນຂະຫຍາຍສອງວາລະແຫ່ງຊາດ

          ໃນວັນທີ 31 ພຶດສະພາ 2022 ກະຊວງຍຸຕິທຳ ຈັດກອງປະຊຸມ ເພື່ອກວດກາຕີລາຄາການຈັດຕັ້ງປະຕິບັດຜັນຂະຫຍາຍສອງວາລະແຫ່ງຊາດທີ່ຕິດພັນກັບຂະແໜງຍຸຕິທຳ ຂຶ້ນ ໂດຍການເປັນປະທານຂອງ ສະຫາຍ ໄພວີ ສີບົວລິພາ ກຳມະການສູນກາງພັກ ເລຂາຄະນະບໍລິຫານງານພັກກະຊວງ ລັດຖະມົນຕີກະຊວງຍຸຕິທຳ, ມີ ຮອງລັດຖະມົນຕີ, ເລຂາໜ່ວຍພັກ, ສະມາຊິກພັກສົມບູນ ແລະ ສຳຮອງເຂົ້າຮ່ວມ.

ຮອງລັດຖະມົນຕີກະຊວງຍຸຕິທໍາ ຕ້ອນຮັບການເຂົ້າຢ້ຽມຢາມຂອງ ທ່ານ ຫວໍ ຄັກ ຮວານ ອຳນວຍການວິທະຍາໄລກົດໝາຍພາກກາງ ຂອງ ສສ ຫວຽດນາມ ພ້ອມດ້ວຍຄະນະ

          ໃນຕອນບ່າຍ ວັນທີ 23 ພຶດສະພາ 2022 ທີ່ຫ້ອງຮັບແຂກ ກະຊວງຍຸຕິທໍາ ທ່ານ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທໍາ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຢາມ ຂອງ ທ່ານ ຫວໍ ຄັກ ຮວານ ອຳນວຍການວິທະຍາໄລກົດໝາຍພາກກາງ ຂອງ ປະເທດ ສສ ຫວຽດນາມ ພ້ອມດ້ວຍຄະນະ.

ພິທີເຊັນບົດບັນທຶກຄວາມເຂົ້າໃຈ ລະຫວ່າງ ກະຊວງຍຸຕິທຳ ແລະ ອົງການປົກຄອງ ແຂວງ ຈຳປາສັກ ກ່ຽວກັບການສົ່ງເສີມ ແລະ ສ້າງຄວາມເຂັ້ມແຂງໃຫ້ວຽກງານຍຸຕິທຳແຂວງ ຈຳປາສັກ

          ພິທີດັ່ງກ່າວຈັດຂຶ້ນໃນວັນທີ 12 ພຶດສະພາ 2022 ຢູ່ທີ່ຫ້ອງປະຊຸມຊັ້ນ III ຂອງກະຊວງຍຸຕິທຳ ຕາງໜ້າໃຫ້ກະຊວງຍຸຕິທຳໃນການລົງນາມໃນຄັ້ງນີ້ ໂດຍ ທ່ານ ໄພວີ ສີບົວລິພາ ກຳມະການສູນກາງພັກ, ເລຂາຄະນະບໍລິຫານງານພັກກະຊວງ ລັດຖະມົນຕີກະຊວງຍຸຕິທຳ ພ້ອມດ້ວຍຄະນະ, ຕາງໜ້າໃຫ້ແກ່ອົງການປົກຄອງແຂວງ ຈຳປາສັກໃນການລົງນາມ ໂດຍ ທ່ານ ປອ. ວິໄລວົງ ບຸດດາຄຳ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ຈຳປາສັກ ພ້ອມດ້ວຍຄະນະ.

ທ່ານລັດຖະມົນຕີເຄື່ອນໄຫວວຽກງານຍຸຕິທໍາ ຢູ່ ແຂວງ ຫຼວງພະບາງ

          ໃນລະຫວ່າງວັນທີ 9-11 ພຶດສະພາ 2022 ທີ່ຜ່ານມາ ທ່ານ ໄພວີ ສີບົວລິພາ ກໍາມະການສູນກາງພັກ, ລັດຖະມົນຕີກະຊວງຍຸຕິທໍາ, ພ້ອມດ້ວຍຄະນະໄດ້ລົງເຄື່ອນໄຫວວຽກງານຍຸຕິທໍາ ຢູ່ ແຂວງ ຫຼວງພະບາງ.
          ໃນໂອກາດລົງເຄື່ອນໄຫວວຽກງານຄັ້ງນີ້ ທ່ານ ລັດຖະມົນຕີກະຊວງ ຍຸຕິທໍາ ພ້ອມດ້ວຍຄະນະໄດ້ເຂົ້າພົບ ທ່ານ ຄໍາຂັນ ຈັນທະວີສຸກ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ຫຼວງພະບາງ, ເພື່ອແຈ້ງຈຸດປະສົງໃນການລົງເຄື່ອນໄຫວວຽກງານໃຫ້ທ່ານ ເຈົ້າແຂວງ ໄດ້ຮັບຊາບໂດຍສະເພາະແມ່ນການຊຸກຍູ້ການຈັດຕັ້ງປະຕິບັດວຽກງານຍຸຕິທຳຕິດພັນກັບ 2 ວາລະແຫ່ງຊາດ.
Subscribe to RSS - ກະຊວງ