ຢູ່ທີ່ສະໂມສອນກະຊວງຍຸຕິທຳ ໄດ້ຈັດກອງປະຊຸມປາຖະກະຖາ, ເຜີຍແຜ່, ເຊື່ອມຊືມ ບັນດາເອກະສານຂອງຄະນະສູນກາງພັກ ກ່ຽວກັບວຽກງານກວດກາ ປະຈຳປີ 2017 ຂຶ້ນໃນລະຫວ່າງວັນທີ 21-22 ມີນາ 2018 ໂດຍການໃຫ້ກຽດເຂົ້າຮ່ວມເປັນປະທານຂອງ ສະຫາຍ ປອ ເສີມສຸກ ສິມພະວົງ ຮອງຄະນະບໍລິຫານງານພັກກະຊວງ, ຮອງລັດຖະມົນຕີກະຊວງຍຸຕິທຳ, ມີສະຫາຍ ສົມລອນ ບຸນນະວົງ ຫົວໜ້າກົມກວດກາພັກອ້ອມຂ້າງສູນກາງ, ຄະນະບໍລິຫານງານພັກກະຊວງ, ບັນດາເລຂາ, ຮອງເລຂາ, ສະມາຊິກພັກພະນັກງານ-ລັດຖະກອນ ເຂົ້າຮ່ວມຢ່າງພ້ອມພຽງ.