ແຂວງ ອຸດົມໄຊ

ຂ່າວການເຄື່ອນໄຫວ ແລະ ບົດຄວາມອື່ນໆ

ພິທີປິດການຮຽນ-ການສອນກົດໝາຍໄລຍະສັ້ນ 45 ວັນ ໃຫ້ແກ່ພະນັກງານຫຼັກແຫຼ່ງຫ້ອງການອ້ອມຂ້າງ ແລະ 22 ບ້ານເທດສະບານ ຂອງເມືອງ ໄຊ

          ໃນຕອນເຊົ້າວັນທີ 31 ສິງຫາ 2021 ຢູ່ທີ່ສະໂມສອນເມືອງ ໄຊ ໄດ້ຈັດພິທີປິດການຮຽນ-ການສອນກົດໝາຍໄລຍະສັ້ນ 45 ວັນ ໃຫ້ແກ່ພະນັກງານຫຼັກແຫຼ່ງຫ້ອງການອ້ອມຂ້າງເມືອງ ແລະ 22 ບ້ານເທດສະບານຂອງ ເມືອງ ໄຊ ແຂວງ ອຸດົມໄຊ.

ຫ້ອງການຍຸຕິທໍາເມືອງ ໄຊ ໄດ້ຈັດພິທີປະກາດ-ຮັບຮອງເອົາຄອບຄົວ ແລະ ບ້ານແບບຢ່າງປະຕິບັດກົດໝາຍ 3 ບ້ານໃນເມືອງ ໄຊ ແຂວງ ອຸດົມໄຊ

          ພີທີປະກາດ-ຮັບຮອງເອົາຄອບຄົວ ແລະ ບ້ານແບບຢ່າງປະຕິບັດກົດໝາຍ ຈໍານວນ 3 ບ້ານຄື: ບ້ານ ກອນແກ່ນ, ບ້ານ ນາມົນ ແລະ ບ້ານ ນາຮ້ວງ ເມືອງ ໄຊ ແຂວງ ອຸດົມໄຊ, ໄດ້ຈັດຂື້ນ ໃນຕອນເຊົ້າຂອງວັນທີ 26 ສິງຫາ 2021 ທີ່ຜ່ານມານີ້, ທີ່ສະໂມສອນບ້ານ ກອນແກ່ນ, ເປັນກຽດເຂົ້າຮ່ວມ ພິທີມີ ທ່ານ ພັທ ສົມເພັດ ສຸລິວັນ ຄະນະປະຈໍາພັກເມືອງ ຫົວໜ້າກອງບັນຊາການ ທະຫານເມືອງ ໄຊ, ມີທ່ານ ບຸນຈັນ ສີບຸນຕາ ຮອງຫົວໜ້າພະແນກຍຸຕິທໍາແຂວງ, ທ່ານ ວຽງເງິນ ວົງລັດສະໝີ ຫົວໜ້າຫ້ອງການຍຸຕິທໍາເມືອງ ໄຊ, ການຈັດຕັ້ງຂັ້ນເມືອງພ້ອມດ້ວຍເລຂາພັກເຂດ, ອໍານາດການປົກຄອງ ແລະ ພໍ່ແມ່ປະຊາຊົນພາຍໃນ 3 ບ້ານດັ່ງກ່າວເຂົ້າຮ່ວມ.

ຊາວໜຸ່ມໜ່ວຍຮາກຖານພະແນກຍຸຕິທໍາແຂວງ ອຸດົມໄຊ ເປີດກອງປະຊຸມສະຫຼູບວຽກງານການເຄື່ອນໄຫວ 6 ເດືອນຕົ້ນປີ, ວາງທິດທາງແຜນການ 6 ເດືອນທ້າຍປີ 2021 ແລະ ເຊື່ອມຊືມເອກະສານທີ່ສໍາຄັນ

          ໃນຕອນເຊົົ້າຂອງວັນທີ 26 ສິງຫາ 2021 ຜ່ານມາ ຢູ່ທີ່ຫ້ອງປະຊຸມພະແນກຍຸຕິທໍາແຂວງ ໄດ້ຈັດກອງປະຊຸມສະຫຼຸບຜົນງານ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2021 ແລະ ເຊື່ອມຊືມເອກະສານສໍາຄັນ ໂດຍການເປັນທານຂອງ ສະຫາຍ ສີຖານ ມະນີໄຊ ຮອງເລຂາໜ່ວຍພັກ ຮອງຫົວໜ້າພະແນກຍຸຕິທໍາ ມີຮອງເລຂາໜ່ວຍຮາກຖານຊາວໜຸ່ມ, ຄະນະຊາວໜຸ່ມ ແລະ ສະມາຊິກຊາວໜຸ່ມໜ່ວຍຮາກຖານພະແນກຍຸຕິທໍາເຂົ້າຮ່ວມທັງໝົດ 15 ຄົນ, ຍິງ 5 ຄົນ.

ບ້ານ ນາງີ້ວ ຖືກຮັບຮອງເປັນບ້ານວັດທະນະທຳ ແລະ ບ້ານແບບຢ່າງປະຕິບັດກົດໝາຍ

          ພິທີດັ່ງກ່າວໄດ້ຈັດຂຶ້ນຕອນເຊົ້າວັນທີ 26 ສິງຫາ 2021 ຜ່ານມານີ້ ຊຶ່ງເປັນບ້ານວັດທະນະທຳ ບ້ານທີ 60 ຂອງເມືອງ ໄຊ ແລະ ບ້ານແບບຢ່າງປະຕິບັດກົດໝາຍ. ພາຍໃຕ້ການເປັນປະທານຂອງທ່ານ ວາລີ ຈືນໍເຢັງ ກຳມະການພັກແຂວງ ເລຂາພັກເມືອງ ເຈົ້າເມືອງໆໄຊ, ມີທ່ານ ມະ ຫາໄຊ ເກດບຸນພັນ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງ ອຸດົມໄຊ, ມີບັນດາກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການທີ່ກ່ຽວຂ້ອງ, ແຂກຖືກເຊີນຈາກຫ້ອງການອ້ອມຂ້າງເມືອງ, ອົງການປົກຄອງບ້ານ ແລະ ພໍ່,ແມ່ ປະຊາຊົນພາຍໃນບ້ານເຂົ້າຮ່ວມ.

Pages