ແຂວງ ບໍລິຄຳໄຊ

ຂ່າວການເຄື່ອນໄຫວ ແລະ ບົດຄວາມອື່ນໆ

ຫ້ອງການຍຸຕິທໍາເມືອງ ບໍລິຄັນ ເຜີຍແຜ່ບັນດານິຕິກຳ

          ໃນວັນທີ 31 ສິງຫາ 2021 ທ່ານ ພອນຊົງ ເພຍເຊຍຕູ ຫົວໜ້າຫ້ອງການຍຸຕິທຳເມືອງ ບໍລິຄັນ ແຂວງ ບໍລິຄຳໄຊ ໄດ້ລົງເຜີຍແຜ່ກົດໝາຍ ແລະ ກົດລະບຽບພັກປະຊາຊົນ ປະຕິວັດລາວ ສະໄໝທີ XI ໃຫ້ເລຂາຄະນະພັກຮາກຖານ ນາຍບ້ານ ຫາດດອນຄູນ, ມີສະມາຊິກພັກ ແລະ ປະຊາຊົນຈຳນວນໜຶ່ງເຂົ້າຮ່ວມທັງໝົດ 58 ທ່ານ, ຍິງ 10 ທ່ານ.

ພະນັກງານພະແນກຍຸຕິທໍາແຂວງ ໄດ້ເຊື່ອມຊຶມວັນລັດຖະທໍາມະນູນຄົບຮອບ 30 ປີ

          ໃນວັນທີ 13 ສິງຫາ 2021 ຜ່ານມາ ຢູ່ຫ້ອງປະຊຸມສະພາປະຊາຊົນ ແຂວງ ບໍລິຄຳໄຊ ພະນັກງານ-ລັດຖະກອນພາຍໃນພະແນກຍຸຕິທໍາແຂວງ ໄດ້ເຂົ້າຮ່ວມຮັບຟັງພິທີປາຖະກະຖາວັນສ້າງຕັ້ງລັດຖະທຳມະນູນຄົບຮອບ 30 ປີ ເພື່ອຫວນຄືນມູນເຊື້ອປະຫວັດຄວາມເປັນມາ, ຄວາມໝາຍ ແລະ ຄວາມສຳຄັນ ຂອງວັນລັດຖະທຳມະນູນໃຫ້ກຽດເປັນປະທານໂດຍ ທ່ານ ເລື່ອນວິໄລ ຈັນທະລາພັນ ຄະນະປະຈໍາພັກແຂວງ ຮອງປະທານປະຊາຊົນແຂວງ ບໍລິຄໍາໄຊ, ມີພະນັກງານສະພາປະຊາຊົນແຂວງ, ສານປະຊາຊົນ, ໄອຍະການປະຊາຊົນ ເຂົ້າຮ່ວມ.

ພະແນກຍຸຕິທຳແຂວງ ບໍລິຄຳໄຊ ເຊື່ອມຊືມເອກະສານທີ່ສຳຄັນຂອງພັກ

          ໃນວັນທີ 9 ສິງຫາ 2021 ຢູ່ທີ່ຫ້ອງປະຊູມ ຂອງພະແນກຍຸຕິທຳແຂວງ ບໍລິຄຳໄຊ. ໜ່ວຍພັກພະແນກຍຸຕິທໍາແຂວງ ໄດ້ຈັດພິທີປະຖະກະຖາເຊື່ອມຊືມເອກະສານທີ່ສຳຄັນຂອງພັກ ແລະ ຂອງຊາດຂຶ້ນ ພາຍໃຕ້ການເປັນປະທານ ແລະ ໃຫ້ກຽດເຊື່ອມຊຶມຂອງສະຫາຍ ນາງ ວັນນາ ປະເສີດກຸນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ, ມີຄະນະພັກ, ຄະນະພະແນກ, ພ້ອມດ້ວຍສະມະຊີກພັກພາຍໃນພະແນກຍຸຕິທໍາ ເຂົ້າຮ່ວມຈຳນວນ 26 ສະຫາຍ, ຍິງ 11 ສະຫາຍ.

ຫ້ອງການຍຸຕິທໍາເມືອງ ໄຊຈຳພອນ ລົງເຄື່ອນໄຫວວຽກງານຍຸຕິທໍາຮາກຖານ

          ໃນລະຫວ່າງວັນທີ 14 - 28 ກໍລະກົດ 2021 ຜ່ານມາ ຫ້ອງການຍຸຕິທຳເມືອງ ໄຊຈຳພອນ ແຂວງ ບໍລິຄຳໄຊ ໄດ້ລົງເຄື່ອນໄຫວວຽກງານຍຸຕິທຳຮາກຖານ ຢູ່ 7 ບ້ານຄື: ບ້ານໂພນຄໍາ, ບ້ານສົບເຕິງ, ບ້ານເມືອງຈໍາ,ບ້ານໂພນເມືອງ, ບ້ານສົບຂອນ, ບ້ານພຽງດີ ແລະ ບ້ານສົບຄີ ນໍາໂດຍ ທ່ານ ສອນໄຊ ໄຊຍະທິຈັກ ຫົວໜ້າຫ້ອງການຍຸຕິທໍາເມືອງ ພ້ອມດ້ວຍຄະນະ ມີຄະນະພັກບ້ານ, ຄະນະໜ່ວຍໄກ່ເກ່ຍ ຂໍ້ຂັດແຍ່ງຂັ້ນບ້ານຕະຫຼອດຮອດພໍ່ແມ່ປະຊາຊົນບັນດາເຜົ່າພາຍໃນ 07 ບ້ານ ເຂົ້າຮ່ວມຮັບຟັງທັງໝົດ ຈຳນວນ 306 ທ່ານ ຍິງ 76 ທ່ານ.

ຫ້ອງການຍຸຕິທໍາເມືອງ ຄຳເກີດ ລົງເຄື່ອນໄຫວວຽກງານຍຸຕິທໍາຮາກຖານ

          ໃນວັນທີ່ 27 ກໍລະກົດ 2021 ຢູ່ທີ່ ຫ້ອງການກຸ່ມບ້ານ ຄໍາມ່ວນ ເມືອງ ຄໍາເກີດ ແຂວງ ບໍລິຄໍາໄຊ; ທ່ານ ຄຳໝັ້ນ ໄຊມູນວົງ ກຳມະການພັກເມືອງ ຫົວໜ້າຫ້ອງການຍຸຕິທໍາເມືອງ ຄຳເກີດ ພ້ອມດ້ວຍຄະນະໄດ້ລົງເຄື່ອນໄຫວໂຄສະນາເຜີຍແຜ່ກົດໝາຍ ແລະ ເຜີຍແຜ່ເອກະສານວຽກງານງານຍຸຕິທໍາຮາກຖານໃຫ້ປະຊາຊົນ ຢູ່ 05 ບ້ານພາຍໃນກຸ່ມບ້ານ ຄຳມ່ວນ ເມືອງ ຄຳເກີດ ແຂວງ ບໍລິຄຳໄຊ ມີນາຍບ້ານ, ຮອງນາຍບ້ານພ້ອມດ້ວຍພໍ່ແມ່ປະຊາຊົນເຂົ້າຮ່ວມທັງໝົດ 97 ຄົນ, ຍິງ 25 ຄົນ,

Pages