ແຂວງ ຫຼວງນ້ຳທາ

ຂ່າວການເຄື່ອນໄຫວ ແລະ ບົດຄວາມອື່ນໆ

ໜ່ວຍພັກພະແນກຍຸຕິທຳແຂວງ ຫຼວງນ້ຳທາ ປະເມີນຜົນກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ແລະ ວາງທິດທາງແຜນການປະຈຳປີ 2022

          ໃນຕອນເຊົ້າວັນທີ 21 ທັນວາ 2021 ທີ່ຫ້ອງປະຊູມ ພະແນກຍຸຕິທຳແຂວງ ຫຼວງນ້ຳທາ ໄດ້ເປີດພິທີປະເມີນຜົນກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ, ຄັ້ງທີ IV ຮອບທີ IV ປະຈຳປີ 2021 ແລະ ທິດທາງແຜນການ ປະຈຳປີ 2022 ຂອງໜ່ວຍພັກພະແນກຍຸຕິທໍາ ພາຍໃຕ້ການເປັນປະທານຂອງ ສະຫາຍ ນາງ ມາລີພອນ ນາບູນແພງ ກຳມະການພັກແຂວງ ເລຂາໜ່ວຍພັກ ຫົວໜ້າພະແນກຍຸຕິທຳ, ຕາງໜ້າ 3 ອົງການຈັດຕັ້ງພັກ, ຕາງໜ້າຄະນະໜ່ວຍພັກໄອຍະການ, ມີຮອງເລຂາ, ຄະນະໜ່ວຍພັກ ຫຼອດຮອດສະມາຊີກພັກພາຍໃນໜ່ວຍເຂົ້າຮ່ວມ.

ພະແນກຍຸຕິທໍາແຂວງ ຫຼວງນໍ້າທາ ຝຶກອົບຮົມວຽກງານການໄກ່ເກ່ຍຂໍ້ຂັດແຍ່ງຂັ້ນບ້ານ

          ໃນຕອນເຊົ້າວັນທີ 14 ທັນວາ 2021 ຢູ່ທີ່ ສະໂມສອນ ເມືອງ ສິງ ແຂວງ ຫຼວງນໍ້າທາ ພະແນກຍຸຕິທໍາແຂວງ ຫຼວງນໍ້າທາ ໄດ້ຈັດຝຶກອົບຮົມວຽກງານການໄກ່ເກ່ຍຂໍ້ຂັດແຍ່ງຂັ້ນບ້ານ ໃຫ້ແກ່ກຸ່ມບ້ານ ເທດສະບານ ເມືອງ ສິງ ໂດຍການເປັນປະທານ ຂອງທ່ານ ເພັດສະຫັວນ ສີພົມມະຈັນ ຮອງຫົວໜ້າພະແນກຍຸຕິທໍາແຂວງ, ມີຫົວໜ້າຫ້ອງການຍຸຕິທໍາເມືອງ, ຮອງຫົວໜ້າຫ້ອງການ, ຄູຝຶກ, ຄະນະຮັບຜິດຊອບການຝຶກອົບຮົມ ແລະ ໜ່ວຍໄກ່ເກ່ຍຂໍ້ຂັດແຍ່ງຂັ້ນບ້ານເຂົ້າຮ່ວມ 30 ທ່ານ, ຍິງ 5 ທ່ານ.

ຫົວໜ້າພະແນກຍຸຕິທໍາແຂວງ ຫຼວງນໍ້າທາ ລົງຕິດຕາມຊຸກຍູ້ການຮຽນ-ການສອນ ກົດໝາຍ 45 ວັນ

          ໃນວັນທີ 25 ພະຈິກ 2021 ທ່ານ ນາງ ມາລີພອນ ນາບຸນແພງ ຫົວໜ້າພະແນກຍຸຕິທໍາແຂວງ ຫຼວງນໍ້າທາ ພ້ອມດ້ວຍຄະນະ ໄດ້ລົງຕິດຕາມຊຸກຍູ້ ການຮຽນ-ການສອນ ກົດໝາຍ 45 ວັນ ຢູ່ທີ່ ເມືອງ ວຽງພູຄາ ໂດຍການຕ້ອນຮັບຂອງ ທ່ານ ແສງຍີ ສິດຕິພອນ ຫົວໜ້າຫ້ອງການຍຸຕິທໍາເມືອງ ວຽງພູຄາ ພ້ອມດ້ວຍຄະນະຮັບຜິດຊອບການຮຽນ-ການສອນ ຊຸດຝຶກອົບຮົມ

ປະເມີນຜົນການຈັດຕັ້ງປະຕິບັດວຽກງານ ຂອງຄະນະພະແນກຍຸຕິທຳແຂວງ ຫຼວງນ້ຳທາ

          ກອງປະຊຸມປະເມີນຜົນການຈັດຕັ້ງປະຕິບັດວຽກງານ ຂອງຄະນະພະແນກຍຸຕິທຳແຂວງ ຫຼວງນ້ຳທາ ໄດ້ຈັດຂຶ້ນ ວັນທີ 22 ພະຈິກ 2021 ທີ່ຫ້ອງປະຊູມພະແນກຍຸຕິທຳແຂວງ ຫຼວງນ້ຳທາ ໂດຍການເປັນປະທານຂອງ ທ່ານ ຄຳຟອງ ອີນມານີ ຮອງເລຂາພັກແຂວງ ປະທານສະພາປະຊາຊົນແຂວງ ຜູ້ຊີ້ນຳຂົງເຂດຍຸຕິທຳ, ມີຄະນະພະແນກຍຸຕິທຳ, ຫົວໜ້າ ແລະ ຮອງຂະແໜງເຂົ້າຮ່ວມ.

ຫ້ອງການຍຸຕິທໍາເມືອງ ນາແລ ລົງໂຄສະນາເຜີຍແຜ່ກົດໝາຍ ໃຫ້ປະຊາຊົນ

          ໃນວັນທີ່ 10 - 26 ສິງຫາ 2021 ທີ່ຜ່ານມາ ຫ້ອງການຍຸຕິທໍາເມືອງ ນາແລ ແຂວງ ຫຼວງນ້ຳທາ ໄດ້ລົງໂຄສະນາເຜີຍແຜ່ກົດໝາຍໃຫ້ປະຊາຊົນ ໄດ້ 18 ບ້ານ ໃນນັ້ນມີພະນັກງານ, ເລຂາໜ່ວຍພັກບ້ານ, ນາຍບ້ານ, ຮອງນາຍບ້ານ ມີອົງການຈັດຕັ້ງຂອງບ້ານ ແລະ ປະຊາຊົນເຂົ້າຮ່ວມຮັບຟັງທັງໝົດ 1,191 ຄົນ, ຍິງ 599 ຄົນ ແລະ ເດັກ ທີ່ມີອາຍຸແຕ່ 13-18ປີ ມີ 184 ຄົນ.

Pages