ແຂວງ ສະຫວັນນະເຂດ

ຂ່າວການເຄື່ອນໄຫວ ແລະ ບົດຄວາມອື່ນໆ

Leave blank for all. Otherwise, the first selected term will be the default instead of "Any".

ໜ່ວຍພັກພະແນກຍຸຕິທຳແຂວງ ສະຫວັນນະເຂດ ຈັດພິທີມອບ ບັດສະມາຊິກພັກສົມບູນ ຊຸດທີ II.

ໃນຕອນແລງຂອງ ວັນທີ 5 ຕຸລາ 2018 ທີ່ພະແນກຍຸຕິທຳແຂວງ ສະຫວັນນະເຂດ ໄດ້ມີພິທີມອບບັດສະມາຊິກພັກໃຫ້ແກ່ສະມາຊິກພັກສົມບູນ ຂອງໜ່ວຍພັກພະແນກຍຸຕິທຳແຂວງ ໃຫ້ກຽດເຂົ້າຮ່ວມເປັນປະທານກອງປະຊຸມ ແລະ ມອບໂດຍ ສະຫາຍ ທອງທ່ຽງ ສີດາວົງ ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງ, ເຂົ້າຮ່ວມຄັ້ງນີ້ມີບັນດາສະຫາຍຄະນະພັກ, ບັນດາແຂກຈາກພະແນກການອ້ອມຂ້າງແຂວງ ພ້ອມທັງສະຫາຍສະມາຊິກພັກທັງໝົດໃນພະແນກຍຸຕິທຳແຂວງ ຊຶ່ງມີຈຳນວນທັງໝົດ 35 ສະຫາຍ, ຍິງ 10 ສະຫາຍ.

ກົມສົ່ງເສີມລະບົບຍຸຕິທຳ ຈັດຕັ້ງເຜີຍແຜ່ ດຳລັດວ່າດ້ວຍ ການຊ່ວຍເຫຼືອທາງດ້ານກົດໝາຍ ຢູ່ພະແນກຍຸຕິທຳແຂວງ ສະຫວັນນະເຂດ.

ໃນຕອນເຊົ້າ ວັນທີ 4 ຕຸລາ 2018 ທີ່ພະແນກຍຸຕິທຳແຂວງ ສະຫວັນນະເຂດ ໄດ້ຈັດຕັ້ງເຜີຍແຜ່ ດຳລັດຂອງລັດຖະບານ ສະບັບເລກທີ່ 77/ລບ, ລົງວັນທີ 28 ກຸມພາ 2018 ວ່າດ້ວຍ ການຊ່ວຍເຫຼືອທາງດ້ານກົດໝາຍ ແລະ ຄຳແນະນຳ ຂອງລັດຖະມົນຕີ ກະຊວງຍຸຕິທຳ ສະບັບເລກທີ 1077/ກຍ, ລົງວັນທີ 3 ກັນຍາ 2018 ກ່ຽວກັບ ການຈັດຕັ້ງປະຕິບັດ ດຳລັດວ່າດ້ວຍ ການຊ່ວຍເຫຼືອທາງດ້ານກົດໝາຍ.

ຮາກຖານຊາວໜຸ່ມພະແນກຍຸຕິທຳແຂວງສະຫວັນນະເຂດ ຈັດພິທີມອບໃບຢັ້ງຢືນ ນາມມະຍົດ ຮາກຖານຊາວໜຸ່ມ 4 ບຸກ ສະໄໝທີ III ແລະ ໜ່ວຍຊາວໜຸມ 4 ບຸກ ສະໄໝທີ II

ໃນຕອນເຊົ້າຂອງວັນທີ 10 ສິງຫາ 2018 ຢູ່ທີຫ້ອງປະຊຸມພະແນກຍຸຕິທຳແຂວງ ສະຫວັນນະເຂດ ຮາກຖານຊາວໜຸ່ມພະແນກຍຸຕິທຳແຂວງ ໄດ້ຈັດພິທີປະກາດ ນາມມະຍົດ ຊາວໜຸ່ມ 4 ບຸກ ສະໄໝທີ III ແລະ ໜ່ວຍ ຊາວໜຸ່ມ 4 ບຸກ ສະໄໝທີ II ຂື້ນ ພາຍໃຕ້ການເປັນປະທານຂອງທ່ານ ອຸດອນ ສີສົມບັດ ຄະນະບໍລິຫານງານ ຊາວໜຸ່ມ ແຂວງ ສະຫວັນນະເຂດ ແລະ ທ່ານ ອຸໄພວັນ ໄຊຍະວົງ ເລຂາໜ່ວຍພັກ, ຫົວໜ້າພະແນກຍຸຕິທຳແຂວງ, ເຂົ້າຮ່ວມໃນຄັ້ງນີ້ ມີບັນດາແຂກອ້ອມຂ້າງແຂວງ ແລະ ສະມາຊິກຊາວໜຸ່ມພະແນກຍຸຕິທຳເຂົ້າຮ່ວມ ທັງໝົດ 44 ທ່ານ, ຍິງ 18 ທ່ານ.

ພະແນກຍຸຕິທຳ ແຂວງ ສະຫວັນນະເຂດ ຈັດຕັ້ງເຜີຍແຜ່ ຄຳສັ່ງຂອງ ນາຍົກລັດຖະມົນຕີ ສະບັບເລກທີ 03/ນຍ ແລະ ເອກະສານຄວາມເປັນຈິງກ່ຽວກັບຈຸດຄົງຄ້າງເສັ້ນຊາຍແດນ ລາວ-ກຳປູເຈຍ

ໃນຕອນເຊົ້າ ວັນທີ 24 ມີຖຸນາ 2018 ທີ່ພະແນກຍຸຕິທຳ ແຂວງ ສະຫວັນນະເຂດ ໄດ້ຈັດຕັ້ງເຜີຍແຜ່ ຄຳສັ່ງ ຂອງນາຍຍົກລັດຖະມົນຕີ ສະບັບເລກທີ 03/ນຍ, ລົງວັນທີ 09 / ກຸມພາ / 2018. ໃຫ້ກຽດເຜີຍແຜ່ໂດຍທ່ານ ມະນີວັນ ແກ້ວພິກຸນ ຮອງຫົວໜ້າພະແນກຍຸຕິທຳແຂວງ ສະຫວັນນະເຂດ ມີບັນດາຄະນະພັກ-ຄະນະນຳ ແລະ ພະນັກງານ-ລັດຖະ ກອນ ພະແນກຍຸຕິທຳແຂວງ ຈຳນວນ 49 ທ່ານ, ຍິງ 20 ທ່ານ ເຂົ້າຮ່ວມຢ່າງພ້ອມພຽງ.

ປິດຊຸດບຳລຸງກົດໝາຍໄລຍະສັ້ນ 45 ວັນ ຊຸດທີ VI ປີ 2018 ແລະ ມອບ-ຮັບໃບຢັ້ງຢືນ ໃຫ້ແກ່ພະນັກງານຫຼັກແຫຼ່ງ, ພະແນກການ, ອົງການທຽບເທົ່າຂັ້ນແຂວງ ແລະ ຂັ້ນເມືອງ

ຜ່ານການຈັດຕັ້ງປະຕິບັດຊຸດບຳລຸງກົດໝາຍໄລຍະສັ້ນ 45 ວັນ ຊຸດທີ VI ປີ 2018 ໃນເວລາອັນເຄັ່ງຮ້ອນ ແລະ ເຕັມໄປດ້ວຍຄວາມຮັບຜິດຊອບສູງ ຂອງຄະນະຮັບຜິດຊອບ ແລະ ຄູ-ອາຈານ ນັກສຳມະນາກອນຈາກພາກສ່ວນຕ່າງໆທີ່ກ່ຽວຂ້ອງ ຊຶ່ງໄດ້ເອົາໃຈໃສ່ຢ່າງຕັ້ງໜ້າ, ເຮັດໃຫ້ຊຸດບຳລຸງໃນຄັ້ງນີ້ໄດ້ດຳເນີນໄປຕາມແຜນການ ແລະ ສຳເລັດຕາມຈຸດປະສົງ ແລະ ລະດັບຄາດໝາຍທີ່ກຳນົດໄວ້.

ປີ 2018 ເມືອງ ສອງຄອນ ແຂວງ ສະຫວັນນະເຂດ ສຳເລັດການຮຽນ-ການສອນ ກົດໝາຍຊັ້ນຕົ້ນ ລະບົບ 3 ເດືອນ

        ຜ່ານການດຳເນີນ ແລະ ຈັດຕັ້ງປະຕິບັດໂຄງການກົດໝາຍຊັ້ນຕົ້ນ ລະບົບ 3 ເດືອນ ໃນເວລາອັນເຄັ່ງຮ້ອນ ແລະ ເຕັມໄປດ້ວຍຄວາມຮັບຜິດຊອບສູງ ຂອງຄະນະຮັບຜິດຊອບ, ຄູ-ອາຈານ ແລະ ນັກຮຽນກົດໝາຍຊັ້ນຕົ້ນ ຊຶ່ງໄດ້ເອົາໃຈໃສ່ຢ່າງຕັ້ງໜ້າ, ເຮັດໃຫ້ຊຸດຮຽນໃນເທື່ອນີ້ໄດ້ດຳເນີນໄປຕາມແຜນການ ແລະ ສຳເລັດຕາມຈຸດປະສົງ ແລະ ເປົ້າໝາຍທີ່ກຳນົດໄວ້.

ເມືອງ ພະລານໄຊ ເປີດການຮຽນ - ການສອນກົດໝາຍຊັ້ນຕົ້ນ ຊຸດທີ IV ປີ 2018

ເພື່ອປະຕິບັດຕາມແຜນຍຸດທະສາດການສ້າງລັດທີ່ປົກຄອງດ້ວຍກົດໝາຍ ກໍຄືແຜນການວຽກງານຍຸຕິທຳຮາກຖານ ທີ່ທາງກະຊວງຍຸຕິທຳວາງອອກ ພະແນກຍຸຕິທຳແຂວງສະຫວັນນະເຂດ ສົມທົບກັບການນຳຂອງເມືອງ ພະລານໄຊ ແລະ ຫ້ອງການຍຸຕິທຳເມືອງ ໄດ້ກຳນົດແຜນການຈັດຕັ້ງປະຕິບັດວຽກງານຍຸຕິທຳຮາກຖານ ໂດຍສະເພາະວຽກງານການຮຽນ-ສອນ ກົດໝາຍຊັ້ນຕົ້ນ ປະຈຳປີ 2018 ຊຶ່ງໄດ້ກຳນົດເອົາ ກຸ່ມບ້ານ ບຶງທະເລ (ກຸ່ມທີ 3) ຂອງເມືອງ ພະລານໄຊ ເປັນຈຸດເປີດການຮຽນ-ການສອນກົດໝາຍ ຊັ້ນຕົ້ນ.

ແຂວງສະຫວັນນະເຂດ ເປີດຊຸດບຳລຸງກົດໝາຍໄລຍະສັ້ນ 45 ວັນ ຊຸດທີ VI ປະຈຳປີ 2018 ໃຫ້ແກ່ພະນັກງານຫຼັກແຫຼ່ງຂັ້ນແຂວງ ແລະ ຂັ້ນເມືອງ

ເພື່ອເປັນການຜັນຂະຫຍາຍເນື້ອໃນຈິດໃຈຄຳແນະນຳຂອງລັດຖະມົນຕີກະຊວງຍຸຕິທຳ, ສະບັບເລກທີ 1387/ກຍ, ລົງວັນທີ 5 ທັນວາ 2017 ກ່ຽວກັບການຈັດຕັ້ງປະຕິບັດວຽກງານຍຸຕິທຳຮາກຖານປີ 2018, ແຈ້ງການຂອງຫົວໜ້າຄະນະຈັດຕັ້ງແຂວງ, ສະບັບເລກທີ 0094/ ຄຈ.ສຂ, ລົງວັນທີ 16 ມັງກອນ 2018, ຂໍ້ຕົກລົງຂອງທ່ານເຈົ້າແຂວງສະຫວັນນະເຂດ, ສະບັບເລກທີ 0607/ຈຂ.ສຂ, ວ່າດ້ວຍການອະນຸຍາດໃຫ້ພະນັກງານຫຼັກແຫຼ່ງຂັ້ນແຂວງ, ຂັ້ນເມືອງ ເຂົ້າຮັບການບຳລຸງກົດໝາຍໄລຍະສັ້ນ 45 ວັນ ຊຸດທີ 6 ແລະ ຂໍ້ຕົກລົງສະບັບເລກທີ 0608/ຈຂ.ສຂ, ລົງວັນທີ 30 ມີນາ 2018 ວ່າດ້ວຍການອະນຸມັດໃຫ້ພະແນກຍຸຕິທຳແຂວງສະຫວັນນະເຂດ ເປີດຊຸດຮຽນບຳລຸງກົດໝາຍໄລຍະສັ້ນ 45 ວັນຂື້ນຢ່າງເປັນທາງການ.

ຫ້ອງການຍຸຕິທຳ ເມືອງ ພີນ ສ້າງຕັ້ງໜ່ວຍງານທະບຽນສານ ແລະ ເປີດໃຫ້ບໍລິການແລ້ວ

ເພື່ອເປັນການຕອບສະໜອງຄວາມຮຽກຮ້ອງຕ້ອງການຂອງສັງຄົມ ຕໍ່ວຽກງານທະບຽນສານໃຫ້ມີຄວາມສະດວກ ແລະ ວ່ອງໄວ້ ຮັບປະກັນຄວາມຖ້ອງຕ້ອງ ແລະ ຍຸຕິທຳ ພ້ອມທັງເປັນການຈັດຕັ້ງຜັນຂະຫຍາຍ ຄຳສັ່ງຂອງນາຍົກລັດຖະມົນຕີ ສະບັບເລກທີ 10/ນຍ, ລົງວັນທີ 1 ເມສາ 2016 ວ່າດ້ວຍ ການເພີ່ມທະວີຄວາມເອົາໃຈໃສ່ ຕໍ່ວຽກງານທະບຽນສານ.

ກຳມະບານຮາກຖານພະແນກຍຸຕິທຳ ແຂວງສະຫວັນນະເຂດ ເປີດກອງປະຊຸມໃຫຍ່ຄັ້ງທີ V ແລະ ພິທີມອບໃບຢັ້ງຢືນ 5 ເປັນເຈົ້າ

ໃນບັນຍາກາດທີ່ທົ່ວພັກ, ທົ່ວກອງທັບ, ທົ່ວປວງຊົນ, ທົ່ວຊົ້ນຊັ້ນກຳມະກອນ ພວມຈັດຕັ້ງຜັນຂະຫຍາຍ ເນື້ອໃນ ແລະ ຈິດໃຈຂອງມະຕິກອງປະຊຸມໃຫຍ່ຄັ້ງທີ X ຂອງສູນກາງພັກ, ມະຕິກອງປະຊຸມໃຫຍ່ຄັ້ງທີ VII ຂອງສະຫະພັນກຳມະບານລາວ ກໍຄືມະຕິກອງປະຊຸມໃຫຍ່ຄັ້ງທີ VII ຂອງສະຫະພັນກຳມະບານແຂວງ ສະຫວັນນະເຂດຢ່າງເປັນຂະບວນຟົດຟື້ນ.

Pages