ແຂວງ ບໍລິຄຳໄຊ

ຂ່າວການເຄື່ອນໄຫວ ແລະ ບົດຄວາມອື່ນໆ

Leave blank for all. Otherwise, the first selected term will be the default instead of "Any".

ກອງປະຊຸມສະຫຼຸບວຽກງານຍຸຕິທຳຮາກຖານ ປະຈຳປີ 2018 ຢູ່ຫ້ອງການຍຸຕິທຳເມືອງ ໄຊຈຳພອນ ແຂວງ ບໍລິຄຳໄຊ

ໃນວັນທີ 22 ມີຖຸນາ 2018 ຜ່ານມາ ຫ້ອງການຍຸຕິທຳເມືອງ ໄຊຈຳພອນ ແຂວງ ບໍລິຄຳໄຊ ໄດ້ຈັດກອງປະຊຸມສະຫຼຸບວຽກງານຮາກຖານ ຂຶ້ນຢູ່ທີ່ສະໂມສອນຂອງເມືອງ ໄຊຈຳພອນ ໂດຍການໃຫ້ກຽດເຂົ້າຮ່ວມ ແລະ ເປັນປະທານຂອງ ທ່ານ ຄຳພັດ ສຸລິຂັນ ວ່າການເລຂາ ພັກເມືອງ, ເຈົ້າເມືອງ ໄຊຈຳພອນ, ມີບັນດາຫົວໜ້າຫ້ອງການ, ພະນັກງານອ້ອມຂ້າງເມືອງ ພ້ອມດ້ວຍນັກສຶກສາກົດໝາຍຊັ້ນຕົ້ນເຂົ້າຮ່ວມຢ່າງພ້ອມພຽງ.

ໜ່ວຍງານວິຊາການ ແຂວງບໍລິຄຳໄຊ ລົງເຄື່ອນໄຫວຈົດທະບຽນສັນຊາດ ຢູ່ ເມືອງວຽງທອງ

ໃນລະຫວ່າງວັນທີ 23-26 ພຶດສະພາ 2018 ຜ່ານມາ. ກົມສົ່ງເສີມລະບົບຍຸຕິທຳ ກະຊວງຍຸຕິທຳ ໄດ້ປະສານສົມທົບກັບຄະນະຮັບຜິດຊອບຈາກແຂວງບໍລິຄຳໄຊ ໄດ້ລົງເຄື່ອນໄຫວຈັດຕັ້ງປະຕິບັດແກ້ໄຂບັນຫາຜູ້ຍົກຍ້າຍຕັ້ງພູມລຳເນົາ ຕາມລຳພັງໃຈ ແລະ ສ້າງຄອບຄົວບໍ່ຖືກຕ້ອງຕາມກົດໝາຍ ຢູ່ຕາມບໍລິເວນຊາຍແດນ ລາວ-ຫວຽດນາມ  ຢູ່ ບ້ານນໍ້າມືດ ແລະ ບ້ານ ໂພນໂຮມ, ເມືອງວຽງທອງ ໂດຍການເຂົ້າຮ່ວມຂອງ ທ່ານ ອາລຸນສັກ ປະທຳມະວົງ ຮອງເຈົ້າເມືອງ ວຽງທອງ, ມີພະນັກງານຈາກກະຊວງຍຸຕິທຳ, ພະແນກຍຸຕິທຳແຂວງ ແລະ ຫ້ອງການຍຸຕິທຳເມືອງ ເຂົ້າຮ່ວມ ຈຳນວນ 25 ທ່ານ, ຍິງ 3 ທ່ານ.

ຫ້ອງການຍຸຕິທຳເມືອງ ໄຊຈຳພອນ ແຂວງບໍລິຄຳໄຊ ລົງໂຄສະນາເຜີຍແຜ່ກົດໝາຍ ແລະ ຊຸກຍູ້ວຽກ ງານຍຸຕິທຳຮາກຖານ ຢູ່ບ້ານໂພນຄຳ.

ໃນວັນທີ 25 ພຶດສະພາ 2018 ຜ່ານມາ ນຳພາໂດຍ ທ່ານ ຄຳສອນ  ສີຫາລາດ ວ່າການຫົວຫນ້າຫ້ອງການຍຸຕິທຳເມືອງ ໄຊຈຳພອນ, ມີຮອງຫົວໜ້າໜ່ວຍງານ, ວິຊາການຫ້ອງການ ແລະ ນັກຮຽນກົດໝາຍຊັ້ນຕົ້ນຂອງບ້ານ, ພ້ອມດ້ວຍຄະນະບ້ານ, ຄະນະໜ່ວຍແກ້ໄຂຂໍ້ຂັດແຍ່ງຂັ້ນບ້ານ, ຈຳນວນພົນເຂົ້າຮ່ວມຮັບຟັງທັງໝົດມີ  30 ທ່ານ, ເປັນຍິງ 5 ທ່ານ.

ກອງປະຊຸມທາບທາມປະກອບຄຳເຫັນໃສ່ (ຮ່າງ)ກົດໝາຍວ່າດ້ວຍຄົນພິການຢູ່ ແຂວງບໍລິຄໍາໄຊ

     ໃນຕອນເຊົ້າຂອງວັນທີ 03 ພຶດສະພາ 2018 ຢູ່ທີ່ ຫ້ອງປະຊຸມພະແນກແຜນການ ແລະ ການລົງທືນ ແຂວງ ບໍລິຄຳໄຊ ໄດ້ຈັດກອງປະຊຸມທາບທາມຄຳຄິດຄຳເຫັນໃສ່ (ຮ່າງ) ກົດໝາຍວ່າດ້ວຍ ຄົນພິການ ຂື້ນ ພາຍໃຕ້ການເປັນປະທານ ຂອງ ທ່ານ ຄຳປິງ  ແສງຕານນະລາດ ຫົວໜ້າກົມນະໂຍບາຍຕໍ່ຜູ້ມີຜົນງານ, ພິການ ແລະ ຜູ້ອາຍຸສູງ, ໂດຍເປັນກຽດເຂົ້າຮ່ວມຂອງທ່ານ ປອ. ດວງຕາ ມໍຣະຄາສຸກ ກໍາມະການພັກແຂວງ, ຫົວໜ້າຫ້ອງວ່າການແຂວງ ບໍລິຄຳໄຊ, ມີບັນດາຫົວໜ້າ, ຮອງພະແນກແຮງງານ ແລະ ສະຫັວດດີການສັງຄົມ 05 ແຂວງ ເຂົ້າຮ່ວມຄື: ແຂວງ ຫົວພັນ, ຊຽງຂວາງ, ໄຊສົມບູນ, ຄໍາມ່ວນ ແລະ ບໍລິຄຳໄຊ ພ້ອມດ້ວຍພະແນກການທີ່ກ່ຽວຂ້ອງພາຍໃນແຂວງເຂົ້າຮ່ວມຢ່າງພ້ອມພຽງ.

ກອງປະຊຸມສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ IIIໃນລະຍະ 3 ປີຜ່ານມາ ແລະ ວາງທິດທາງແຜນການ 2 ປີ ຕໍ່ໜ້າຂອງພະແນກຍຸຕິທຳແຂວງບໍລິຄຳໄຊ

    ພະແນກຍຸຕິທຳແຂວງບໍລິຄຳໄຊໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ IIIໃນລະຍະ 3 ປີຜ່ານມາແລະວາງທິດທາງແຜນການ 2 ປີຕໍ່ໜ້າຂຶ້ນ, ໃນຕອນເຊົ້າຂອງວັນທີ 5 ມັງກອນ 2018 ຜ່ານມາ ຢູ່ທີ່ຫ້ອງປະຊຸມສານປະຊາຊົນແຂວງ ບໍລິຄຳໄຊ. ໂດຍການເປັນປະທານຂອງ ທ່ານ ສະພັງທອງ ພົມມະຈັກ ຮັກສາການເລຂາໜ່ວຍພັກພະແນກຍຸຕິທຳແຂວງ,  ໃຫ້ກຽດເຂົ້າຮ່ວມຂອງ ທ່ານ ປອ ສຸວັນນີ ໄຊຊະນະ ຮອງເລຂາພັກແຂວງ ປະທານສະພາປະຊາຊົນແຂວງບໍລິຄຳໄຊ ແລະ ທ່ານ ຄຳຜັນ ສິດໄຊຍະສານ ວ່າການຫົວໜ້າພະແນກຍຸຕິທຳແຂວງ, ມີຫົວໜ້າ, ຮອງຫົວໜ້າ ຫ້ອງການພ້ອມດ້ວຍພະນັກງານ-ລັດຖະກອນຂອງພະແນກຍຸຕິທຳແຂວງ ແລະ ແຂກຖືກເຊີນເຂົ້າຮ່ວມ.

Pages