ແຂວງ ຫົວພັນ

ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳແຂວງ ຫົວພັນ ລົງຕິດຕາມ ແລະ ປະເມີນຜົນວຽກງານແກ້ໄຂຂໍ້ຂັດແຍ່ງຢູ່ເມືອງ ແລະ ບ້ານ

ລະຫວ່າງວັນທີ 1 ຫາ 11 ກັນຍາ 2019 ທີ່ຜ່ານມາ, ທ່ານ ນາງ ຈ໋າວ ວື ຫົວໜ້າຂະແໜງໂຄສະນາເຜີຍແຜ່ກົດໝາຍ ພ້ອມດ້ວຍຄະນະ ສົມທົບກັບຫ້ອງການຍຸຕິທຳເມືອງ 6 ເມືອງ ລົງຕິດຕາມ ແລະ ປະເມີນຜົນກ່ຽວກັບການຈັດຕັ້ງປະຕິບັດວຽກງານການແກ້ໄຂຂໍ້ຂັດແຍ່ງຂັ້ນເມືອງ ແລະ ໜ່ວຍໄກເກ່ຍຂໍ້ຂັດແຍ່ງຂັ້ນບ້ານ ຊື່ງປະກອບມີ ເມືອງ ແອດ ມີ: ບ້ານ ນາຮ້າ, ບ້ານ ດ່ານ; ເມືອງ ຊຽງຄໍ້ ມີ: ບ້ານ ນາຄ້າງ, ບ້ານ ຊຽງຄໍ້; ເມືອງ ຮ້ຽມ ມີ: ບ້ານ ວຽງທອງ, ບ້ານ ທາດຮ້ຽມ; ເມືອງ ຊ່ອນ ມີ: ບ້ານ ຊ່ອນເໜືອ, ບ້ານ ຊ່ອນໃຕ້; ເມືອງກວັນ ມີ: ບ້ານ ໜອງແຫວນ, ບ້ານ ເມືອງນາ; ເມືອງ ວຽງໄຊມີ: ບ້ານ ປຸງນາຄາວ ແລະ ບ້ານ ຊຽງລວງ.

ໜ່ວຍພັກພະແນກຍຸຕິທຳແຂວງ ຫົວພັນ ສຳເລັດກອງປະຊຸມໃຫຍ່ຄັ້ງທີ 04

ໃນວັນທີ 22 ສິງຫາ 2019 ທີ່ຜ່ານມາ, ຢູ່ທີ່ ຫ້ອງປະຊຸມຂອງພະແນກຍຸຕິທຳແຂວງ ໜ່ວຍພັກພະແນກຍຸຕິທໍາແຂວງ ຫົວພັນ ໄດ້ຈັດກອງປະຊຸມໃຫຍ່ ຄັ້ງທີ 04 ຂອງຕົນຂຶ້ນ, ໂດຍການເປັນປະທານຂອງ ສະຫາຍ ສົມພອນ ອິນຄະວິໄລ ເລຂາໜ່ວຍພັກພະແນກຍຸຕິທຳແຂວງ, ເປັນກຽດເຂົ້າຮ່ວມຂອງສະຫາຍ ຄຳສອນ ເທບວົງຊໍາ ຄະນະປະຈໍາພັກແຂວງ ປະທານກວດກາພັກ, ຫົວໜ້າພະແນກກວດກາລັດແຂວງ ຫົວພັນ, ມີບັນດາສະຫາຍໃນຄະນະໜ່ວຍພັກ, ແຂກຖືກເຊີນຈາກພາກສ່ວນທີ່ກ່ຽວຂ້ອງ ພ້ອມດ້ວຍສະມາຊິກພັກເຂົ້າຮ່ວມ.

ກຳມະບານຮາກຖານພະແນກຍຸຕິທຳແຂວງຫົວພັນ ສະຫຼຸບວຽກງານປະຈຳປີ 2019 ແລະ ວາງທິດທາງປະຈຳປີ 2020

ໃນວັນທີ 07 ສິງຫາ 2019 ນີ້. ກຳມະບານຮາກຖານພະແນກຍຸຕິທຳ ແຂວງຫົວພັນ ໄດ້ຈັດກອງປະຊຸມປະເມີນຜົນຂໍ້ແຂ່ງຂັນ 5 ເປັນເຈົ້າ ປະຈຳປີ 2019 ແລະ ວາງທິດທາງປະຈຳປີ 2020 ຂຶ້ນ ຢູ່ທີ່ຫ້ອງປະຊຸມຊັ້ນ II ຂອງພະແນກຍຸຕິທຳແຂວງ ໂດຍກຽດເປັນປະທານຮ່ວມຂອງ ສະຫາຍ ສົມພອນ ອິນຄະວິໄລ ເລຂາໜ່ວຍພັກ, ຫົວໜ້າພະແນກຍຸຕິທຳແຂວງ, ຜູ້ຕາງໜ້າຈາກໜ່ວຍສະຫະພັນແມ່ຍິງ, ໜ່ວຍຊາວໜຸ່ມພະແນກ ແລະ ສະມາຊິກກຳມະບານຮາກຖານແນກຍຸຕິທຳແຂວງເຂົ້າຮ່ວມຢ່າງພ້ອມພຽງ.

ໜ່ວຍຊາວໜຸ່ມພະແນກຍຸຕິທໍາແຂວງ ຫົວພັນ ແລະ ໜ່ວຍຊາວໜຸ່ມບ້ານ ຫາດກອກ ແລກປ່ຽນ ບົດຮຽນຊຶ່ງກັນ ແລະ ກັນ

ໃນວັນທີ 29 ພຶດສະພາ 2019 ນີ້, ໜ່ວຍຊາວໜຸ່ມພະແນກຍຸຕິທໍາແຂວງ ຫົວພັນ ແລະ ໜ່ວຍຊາວໜຸ່ມບ້ານ ຫາດກອກໄດ້ຈັດພິທີແລກປ່ຽນບົດຮຽນເຊິ່ງກັນ ແລະ ກັນຂຶ້ນຢູ່ທີຫ້ອງປະຊຸມພະແນກຍຸຕິທໍາແຂວງ ພາຍໃຕ້ການເປັນປະທານຂອງ ສະຫາຍ ວົງເພັດ ຄໍາບຸນມີ ເລຂາ ຄະນະບໍລິຫານງານຊາວໜຸ່ມແຂວງ. ຜູ້ເຂົ້້າຮ່ວມຂອງ ສະຫາຍ ສົມພອນ ອິນຄະວິໄລ ເລຂາໜ່ວຍພັກ ຫົວໜ້າພະແນກຍຸຕິທໍາແຂວງ, ສະຫາຍ ປັນ ຍາຈິດ ກໍາມະການພັກເມືອງ ເລຂາຄະນະບໍລິຫານງານຊາວໜຸ່ມເມືອງ ຊໍາເໜືອ, ທ່ານ ເຂັມທອງ ເມືອງວັນໄຊ ນາຍບ້ານ ຫາດກອກ, ມີຜູ້ຕາງໜ້າມາຈາກ ສະພາປະຊາຊົນແຂວງ, ອົງການໄອຍະການແຂວງ ແລະ ສານປະຊາຊົນແຂວງ ພ້ອມດ້ວຍສະມາຊິກຊາວໜຸ່ມທັງສອງຝ່າຍເຂົ້້າຮ່ວມ.

ສອງແຂວງ ຫົວພັນ-ເຊີນລາ ລົງເຄື່ອນໄຫວໂຄສະນາເຜີຍແຜ່ກົດໝາຍໃຫ້ແກ່ປະຊາຊົນຢູ່ເຂດຊາຍແດນ ລາວ-ຫວຽດນາມ, ຫວຽດນາມ-ລາວ

ເພື່ອເປັນການຈັດຕັ້ງປະຕິບັດຕາມບົດບັນທຶກການແລກປ່ຽນບົດຮຽນ ແລະ ການເຮັດວຽກຮ່ວມກັນລະຫວ່າງ ພະແນກຍຸຕິທຳແຂວງ ຫົວພັນ ສປປ ລາວ ກັບ ພະແນກຍຸຕິທຳແຂວງ ເຊີນລາ ສສ ຫວຽດນາມ. ໃນວັນທີ 27 - 30 ພຶດສະພາ 2019 ນີ້.

ສະຖາບັນຍຸຕິທຳແຫ່ງຊາດເຄື່ອນໄຫວລົງຕິດຕາມນັກສຶກສາລົງຝຶກງານຢູ່ ແຂວງ ຫົວພັນ

ໃນວັນທີ 29 ມີນາ 2019 ຜ່ານມານີ້ ສະຖາບັນຍຸຕິທໍາແຫ່ງຊາດໄດ້ຈັດກອງປະຊຸມລົງຕິດຕາມ ນັກສຶກສາລົງຝຶກງານຢູ່ແຂວງ ຫົວພັນ ຢູ່ທີ່ຫ້ອງປະຊຸມຂອງພະແນກຍຸຕິທຳແຂວງ ໂດຍພາຍໃຕ້ການເປັນປະທານຂອງ ທ່ານ ປທ ບຸນຕາ ສ.ຜາບມີໄຊ ຄະນະພັກກະຊວງຍຸຕິທຳ, ຫົວໜ້າສະຖາບັນຍຸຕິທຳແຫ່ງຊາດ, ເປັນກຽດເຂົ້າຮ່ວມຂອງ ທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທຳ ແຂວງຫົວພັນ, ມີຜູ້ຕາງໜ້າຈາກອົງການໄອຍະການປະຊາຊົນແຂວງ, ສານປະຊາຊົນແຂວງ, ຫ້ອງການຍຸຕິທຳເມືອງ ຊຳເໜືອ ແລະ ນັກສຶກສາລົງຝຶກງານເຂົ້າຮ່ວມນຳ.

ພະແນກຍຸຕິທຳແຂວງຫົວພັນສະຫຼຸບການຈັດຕັ້ງປະຕິບັດວຽກງານ ປະຈໍາປີ 2018 ແລະ ກຳນົດທິດທາງແຜນການ ປະຈໍາປີ 2019

ໃນວັນທີ 20 ກຸມພາ 2019 ພະແນກຍຸຕິທໍາແຂວງຫົວພັນສໍາເລັດກອງປະຊຸມສະຫຼຸບວຽກງານຍຸຕິທໍາທົ່ວແຂວງ ປະຈໍາປີ 2018 ຂຶ້ນຢູ່ທີ່ຫ້ອງປະຊຸມຊັ້ນ 5 ຂອງວ່າການປົກຄອງແຂວງ, ໂດຍການເປັນປະທານຂອງທານ ສົມພອນ ອິນຄະວິໄລ ຫົວໜ້າພະແນກຍຸຕິທໍາແຂວງ, ເປັນກຽດເຂົ້າຮ່ວມຂອງທ່ານ ນາງ ແພງ ກັນຍາພິມ ຮອງເລຂາພັກແຂວງ, ຮອງເຈົ້າແຂວງຫົວພັນ, ມີບັນດາທ່ານຜູ້ຕາງໜ້າຈາກອົງການພາຄີເປັນຕົ້ນສະພາປະຊາຊົນ, ສານປະຊາຊົນ, ອົງການໄອຍະການປະຊາຊົນ, ປກສ ແຂວງ, ເຈົ້າເມືອງ, ຮອງເຈົ້າເມືອງ,ຫົວໜ້າ, ຮອງຫົວໜ້າຫ້ອງການຍຸຕິທໍາ10 ເມືອງທົ່ວແຂວງຫົວພັນ ແລະ ພ້ອມດ້ວຍພະນັກງານ-ລັດຖະກອນຢ່າງພ້ອມພຽງ.

ພິທີປິດຊຸດຝຶກອົບຮົມກົດໝາຍໄລຍະສັ້ນ 45 ວັນ ໃຫ້ແກ່ພະນັກງານຫຼັກແຫຼ່ງຊຸດທີ I ປະຈຳປີ 2018 ຢູ່ເມືອງ ຫົວເມືອງ ແຂວງ ຫົວພັນ.

ໃນວັນທີ 17 ຕຸລາ 2018 ນີ້. ຫ້ອງການຍຸຕິທຳເມືອງ ຫົວເມືອງ ໄດ້ຈັດພິທີປິດຊຸດຝຶກອົບຮົມກົດໝາຍໄລຍະສັ້ນ 45 ວັນ ຂຶ້ນຢູ່ທີ່ສະໂມສອນຂອງເມືອງ ຫົວເມືອງ ແຂວງ ຫົວພັນ ໂດຍພາຍໃຕ້ການເປັນປະທານຂອງ ທ່ານ ພຸດພັນ ແກ້ວວົງໄຊ ເລຂາພັກເມືອງ ເຈົ້າເມືອງ ຫົວເມືອງ ເປັນກຽດເຂົ້າຮ່ວມຂອງທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທຳແຂວງ, ມີບັນດາທ່ານຫົວໜ້າ, ຮອງຫົວໜ້າຫ້ອງການອ້ອມຂ້າງເມືອງ, ແຂກຖືກເຊີນ, ຄະນະຮັບຜິດຊອບ, ຄູ-ອາຈານ ພ້ອມດ້ວຍນັກຝຶກອົບຮົມເຂົ້າຮ່ວມຢ່າງພ້ອມພຽງ.

ກະຊວງຍຸຕິທໍາເຜີຍແຜ່ດໍາລັດ, ຄໍາແນະນໍາການຊ່ວຍເຫຼືອທາງດ້ານກົດໝາຍ ແລະ ເປີດຫ້ອງການຊ່ວຍເຫຼືອທາງດ້ານກົດໝາຍ.

ພິທີເຜີຍແຜ່ ແລະ ເປີດຫ້ອງການຊ່ວຍເຫຼືອທາງດ້ານກົດໝາຍໄດ້ຈັດຂື້ນ ໃນຕອນເຊົ້າຂອງວັນທີ 19 ຕຸລາ 2018 ນີ້ ຢູ່ທີ່ຫ້ອງປະຊຸມຫ້ອງວ່າການປົກຄອງແຂວງ ຫົວພັນ.

ກົມສົ່ງເສີມລະບົບຍຸຕິທໍາ ຈັດຝຶກອົບຮົມກ່ຽວກັບ ວຽກງານແກ້ໄຂຂໍ້ຂັດແຍ່ງຂັ້ນບ້ານໃຫ້ຄູຝຶກ 3 ແຂວງ.

ໃນວັນທີ 15 - 18 ຕຸລາ 2018 ນີ້ ກົມສົ່ງເສີມລະບົບຍຸຕິທໍາກະຊວງຍຸຕິທໍາ ຮ່ວມກັບອົງການມິດຕະພາບເມັນໂນນາຍປະຈໍາ ສປປ ລາວ ໄດ້ຈັດການຝຶກອົບຮົມກ່ຽວກັບວຽກງານແກ້ໄຂຂໍ້ຂັດແຍ່ງຂັ້ນບ້ານໃຫ້ ຄູຝຶກຂັ້ນສູນກາງ, ຂັ້ນແຂວງ ແລະ ຂັ້ນເມືອງຄື: ແຂວງ ຫົວພັນ, ແຂວງ ຊຽງຂວາງ ແລະ ແຂວງ ວຽງຈັນ ຂື້ນຢູ່ທີ່ຫ້ອງປະຊຸມຂອງພະແນກຍຸຕິທໍາແຂວງ ຫົວພັນ ໂດຍການເປັນປະທານຂອງທ່ານ ວິກອນ ບຸນວິໄລ ຮອງຫົວໜ້າກົມສົ່ງເສີມລະບົບຍຸຕິທໍາ, ເປັນກຽດເຂົ້້າຮ່ວມຂອງ ທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທໍາ ແຂວງ ຫົວພັນ ພ້ອມດ້ວຍຄູຝຶກທັງ 3 ແຂວງ ເຂົ້າຮ່ວມ.

Pages