ໃນຕອນເຊົ້າຂອງວັນທີ 6 ທັນວາ 2017 ທີ່ຜ່ານມາຢູ່ທີ່ພະແນກຍຸຕິທຳແຂວງຜົ້ງສາລີ ໄດ້ຈັດກອງປະຊຸມເຊື່ອມຊຶມຂໍ້ຕົກລົງຂອງລັດຖະມົນຕີກະຊວງຍຸຕິທໍາ ສະບັບເລກທີ 1268/ກຍ, ລົງວັນທີ 16 ພະຈິກ 2017 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງພະແນກຍຸຕິທຳແຂວງໃຫ້ແກ່ພະນັກງານ-ລັດຖະກອນຂອງພະແນກຍຸຕິທໍາແຂວງຜົ້ງສາລີຂຶ້ນ. ໂດຍການເປັນປະທານຂອງທ່ານ ທອງຄໍາ ລີລາວົງ ຮອງຫົວໜ້າພະແນກຍຸຕິທໍາແຂວງ, ມີພະນັກງານ-ລັດຖະກອນ ຂອງພະແນກຍຸຕິທຳ ເຂົ້າຮ່ວມຈໍານວນທັງໝົດ 28 ທ່ານ, ຍິງ 15 ທ່ານ.