ໃນວັນທີ 5 ທັນວາ 2018 ຢູ່ທີ່ຫ້ອງປະຊຸມຫອງວ່າການ ເມືອງ ບຸນເໜືອ, ແຂວງ ຜົ້ງສາລີ ໄດ້ເປີດຝຶກອົບຮົມວຽກງານເຜີຍແຜ່ກົດໝາຍ ເພື່ອຕ້ານ ແລະ ການສະກັດກັ້ນການຄ້າມະນຸດ ຂຶ້ນໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ຊາຍຄຳ ຄຸນສີວິໄລ ຮອງເລຂາພັກເມືອງ, ຮອງເຈົ້າເມືອງ ບຸນເໜືອ ຜູ້ຊີ້ນຳວຽກງານຍຸຕິທຳ, ທ່ານ ນາງ ສີສຸດາ ໂສພາວັນດີ ຮອງຫົວໜ້າກົມໂຄສະນາເຜີຍແຜ່ກົດໝາຍ, ທ່ານ ທອງຄຳ ສີລິວົງ ຮອງຫົວໜ້າພະແນກຍຸຕິທຳ ແຂວງ ຜົ້ງສາລີ, ຫົວໜ້າ, ຮອງຫົວໜ້າຫ້ອງວ່າການເມືອງບຸນເໜືອ, ຫົວໜ້າຫ້ອງການຍຸຕິທຳເມືອງ, ບັນດາຄູ-ອາຈານ ທີ່ມາຈາກສູນກາງ ພ້ອມດ້ວຍນັກສຳມະນາກອນຈາກຂະແໜງການອ້ອມຂ້າງເຂົ້າຮ່ວມ ຈຳນວນ 35 ທ່ານ, ຍິງ 11 ທ່ານ.