ຫ້ອງການຍຸຕິທຳເມືອງຫາດຊາຍຟອງຈັດພິທີເປີດ ການຮຽນ-ການສອນກົດໝາຍຊັ້ນຕົ້ນ ຊຸດທີ VI ປະຈຳສົກປີ 2017
Submitted by xaiyphimphone on
ໃນວັນທີ 25 ມັງກອນ 2017 ຫ້ອງການຍຸຕິທຳເມືອງຫາດຊາຍຟອງ ໄດ້ຈັດພິທີເປີດການຮຽນ-ການສອນກົດໝາຍຊັ້ນຕົ້ນ ຊຸດທີ VI ຢູ່ທີ່ສະມສອນເມືອງຫາດຊາຍຟອງ ໃຫ້ແກ່ເລຂາພັກບ້ານ, ນາຍບ້ານ ແລະ ພະນັກ ງານຫຼັກແຫຼ່ງພາຍໃນເມືອງ ໂດຍການເປັນປະທານຂອງ ທ່ານ ທອງສັນ ແກ້ວປະເສີດ ຮອງຫົວໜ້າພະແນກຍຸຕິທຳນະຄອນຫຼວງວຽງຈັນ, ເປັນກຽດເຂົ້າຮວ່ມຂອງ ທ່ານ ຄຳແກ່ງ ດວງພະຈັນ ຄະນະປະຈຳພັກເມືອງ, ຮອງເຈົ້າເມືອງຫາດຊາຍຟອງ, ມີບັນດາຫົວໜ້າ, ຮອງຫົວໜ້າຫ້ອງການ, ເລຂາພັກບ້ານ, ນາຍບ້ານ ຕະຫຼອດພະນັກງານ-ລັດຖະກອນພາຍໃນເມືອງ ເຂົ້າຮວ່ມຢ່າງພ້ອມພຽງ.