ໃນຕອນບ່າຍຂອງວັນທີ 1 ກຸມພາ 2019 ທີ່ຜ່ານມາ ຢູ່ທີ່ສະໂມສອນຂອງກະຊວງຍຸຕິທໍາ ໄດ້ປິດຊຸດຝຶກອົບຮົມທິດສະດີການເມືອງ-ການປົກຄອງໄລຍະສັ້ນ 45 ວັນ ຊຸດທີ Vll ໃຫ້ພະນັກງານຫຼັກແຫຼ່ງກະຊວງຍຸຕິທໍາຂຶ້ນ ໂດຍໃຫ້ກຽດເປັນປະທານຂອງ ສະຫາຍ ປອ. ເສີມສຸກ ສິມພະວົງ ຮອງເລຂາຄະນະບໍລິຫານງານພັກກະຊວງ, ຮອງລັດຖະມົນຕີກະຊວງຍຸຕິທໍາ, ມີສະຫາຍ ປອ ນາງໄກສອນ ຈັນສີນາ ຮັກສາການຫົວໜ້າກົມວິຊາການສະຖາບັນການເມືອງ-ການປົກຄອງແຫ່ງຊາດ, ບັນດາສະຫາຍເລຂາໜ່ວຍພັກ, ຄະນະຮັບຜິດຊອບຊຸດຝຶກອົບຮົມຂອງກະຊວງຍຸຕິທໍາ ແລະ ສະຖາບັນການເມືອງ-ການປົກຄອງແຫ່ງຊາດ ພ້ອມດ້ວຍນັກຝຶກອົບຮົມເຂົ້າຮ່ວມຈໍານວນ 44 ສະຫາຍ, ຍິງ 21 ສະຫາຍ.