ກົມໂຄສະນາເຜີຍແຜ່ກົດໝາຍ

ຂ່າວການເຄື່ອນໄຫວ ແລະ ບົດຄວາມອື່ນໆ

ກົມໂຄສະນາເຜິຍແຜ່ກົດໝາຍກະຊວງຍຸຕິທຳ ຈັດຊຸດຝຶກອົບຮົມການໂຄສະນາເຜີຍແຜ່ກົດໝາຍ ແລະ ນິຕິກຳກ່ຽວກັບການຕ້ານການຄ້າມະນຸດ ຢູ່ເມືຶອງ ນາແລ ແຂວງ ຫຼວງນ້ຳທາ

ຊຸດຝຶກອົບຮົມດັ່ງກ່າວໄດ້ຈັດຂຶ້ນໃນຕອນເຊົ້າຂອງວັນທີ 28 ພະຈິກ 2018 ຢູ່ທີ່ ຫ້ອງການສາທາລະນະສຸກ, ເມືອງ ນາແລ, ແຂວງ ຫຼວງນ້ຳທາ, ໂດຍການເຂົ້າຮ່ວມ ແລະ ເປັນປະທານຂອງ ທ່ານ ຂັດ ໝັ້ນທະໄລ ຮອງເຈົ້າເມືອງ ເມືອງ ນາແລ, ທ່ານ ຄຳໝັ້ນ ວັນຄຳ ຫົວໜ້າພະແນກຍຸຕິທຳແຂວງ, ທ່ານ ນາງ ຄອນສະຫວັນ ສາວະລີ ຮອງຫົວໜ້າກົມໂຄສະນາເຜີຍແຜ່ກົດໝາຍ ກະຊວງຍຸຕິທຳ, ມິຫົວໜ້າຫ້ອງການຍຸຕິທຳເມືອງ ແລະ ນັກສຳມະນາກອນເຂົ້າຮ່ວມທັງໝົດ 38 ທ່ານ, ຍິງ 15 ທ່ານ.

ເປີດຝຶກອົບຮົມວຽກງານໂຄສະນາເຜີຍແຜ່ກົດໝາຍ ແລະ ນິຕິກຳກ່ຽວກັບການຕ້ານການຄ້າມະນຸດ ທີ່ແຂວງ ສະຫວັນນະເຂດ

ພາຍຫຼັງທີ່ໄດ້ຈັດຝຶກອົບຮົມວຽກງານໂຄສະນາເຜີຍແຜ່ກົດໝາຍ ແລະ ນິຕິກຳກ່ຽວກັບການຕ້ານການຄ້າມະນຸດຢູ່ທີ່ ພາກໃຕ້ ເມືອງສຸຂຸມາ, ແຂວງຈຳປາສັກ, ໃນຄັ້ງວັນທີ 7-9 ພະຈິກ 2018 ຜ່ານມາ. ຈາກນັ້ນ, ກະຊວງຍຸຕິທຳ ຈຶ່ງໄດ້ຈັດຊຸດຝຶກອົບຮົມວຽງກງານໂຄສະນາເຜີຍແຜ່ກົດໝາຍ ແລະ ນິຕິກຳກ່ຽວກັບການຕ້ານການຄ້າມະນຸດ ຂຶ້ນໃນຕອນເຊົ້າຂອງວັນທີ 12 ພະຈິກ 2018 ຢູ່ທີ່ຫ້ອງປະຊຸມຫ້ອງວ່າການປົກຄອງເມືອງ ສອງຄອນ, ແຂວງ ສະຫວັນນະເຂດ ໂດຍການໃຫ້ກຽດເຂົ້າຮ່ວມເປັນປະທານຂອງ ທ່ານ ປອ.

ກະຊວງຍຸຕິທຳ ເປີດຊຸດຝຶກອົບຮົມວຽກງານໂຄສະນາເຜີຍແຜ່ກົດໝາຍໃຫ້ແກ່ພະນັກງານຂອງຂະແໜງຍຸຕິທຳທົ່ວປະເທດ

ໃນຕອນເຊົ້າຂອງວັນທີ 12 ພະຈິກ 2018 ທີ່ສະຖາບັນຍຸຕິທຳແຫ່ງຊາດ ກະຊວງຍຸຕິທຳ ໄດ້ເປີດຊຸດຝຶກອົບຮົມວຽກງານໂຄສະນາເຜີຍແຜ່ກົດໝາຍໃຫ້ແກ່ພະນັກງານຂອງຂະແໜງຍຸຕິທຳທົ່ວປະເທດຂຶ້ນ ໂດຍການເປັນປະທານຂອງ ທ່ານ ໄພວີ ສີບົວລິພາ ຮອງລັດຖະມົນຕີກະຊວງຍຸຕິທຳ, ມີບັນດາຫົວໜ້າ-ຮອງຫົວໜ້າຫ້ອງການ, ບັນດາກົມ, ສູນ, ສະຖາບັນຍຸຕິທຳແຫ່ງຊາດ, ຕະຫຼອດຮອດຜູ້ເຂົ້າຮ່ວມຝຶກອົບຮົມຈາກບັນດາກະຊວງ, ອົງການລັດທຽບເທົ່າ, ພະແນກຍຸຕິທຳແຂວງ, ນະຄອນຫຼວງ ແລະ ບັນດາກົມທີ່ກ່ຽວຂ້ອງເຂົ້າຮ່ວມ 65 ທ່ານ, ຍິງ 25 ທ່ານ.

ພິທີເປີດໂຕແອັບກົດໝາຍລາວ (version 3)

ໂດຍປະຕິບັດຕາມການແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 1753/ຫສນຍ,ກໝ, ລົງວັນທີ 10 ພະຈິກ 2016 ໄດ້ເຫັນດີໃຫ້ກະຊວງຍຸຕິທຳເປີດນຳໃຊ້ແອັບກົດໝາຍ ແລະ ແອັບຄຳສັບກົດໝາຍ ພ້ອມເປີດນຳໃຊ້ແອັບກົດໝາຍ ຢ່າງເປັນທາງການໃນວັນທີ 5 ທັນວາ 2016 ຊຶ່ງແອັບດັ່ງກ່າວແມ່ນຢູ່ພາຍໃຕ້ການຄຸ້ມຄອງ ແລະ ການພັດທະນາຂອງກະຊວງຍຸຕິທຳ ແລະ ໃນຕອນເຊົ້າຂອງວັນທີ 2 ພະຈິກ 2018 ຢູ່ທີ່ໂຮງແຮມດອນຈັນພຣາເລດ ໄດ້ຈັດພິທີເປີດໂຕແອັບກົດໝາຍລາວ (version 3) ແຫ່ງ ສປປ ລາວ ຂຶ້ນ ໂດຍພາຍໃຕ້ການໃຫ້ກຽດ ເຂົ້າຮ່ວມເປັນປະທານຮ່ວມຂອງ ທ່ານ ປອ.

ເປີດກອງປະຊຸມສະຫຼຸບຜົນສໍາເລັດການຝຶກອົບຮົມທົດລອງໂຄສະນາເຜີຍແຜ່ກ່ຽວກັບ ການສົ່ງເສີມໃຫ້ປະຊາຊົນເຂົ້າເຖິງກົດໝາຍ ແລະ ຂະບວນການຍຸຕິທໍາ

ໃນຕອນເຊົ້າຂອງວັນທີ 1 ພະຈິກ 2018 ກົມໂຄສະນາເຜີຍແຜ່ກົດໝາຍໄດ້ເປີດກອງປະຊຸມສະຫຼຸບຜົນສໍາເລັດການຝຶກອົບຮົມທົດລອງໂຄສະນາເຜີຍແຜ່ ກ່ຽວກັບ ການສົ່ງເສີມໃຫ້ປະຊາຊົນເຂົ້າເຖິງກົດໝາຍ ແລະ ຂະບວນການຍຸຕິທໍາ ເຊີ່ງໄດ້ເປີດຂຶ້ນຢູ່ໂຮງແຮມລັດສະເໝີ ພລາຊາ ໂດຍການໃຫ້ກຽດ ແລະ ເປັນປະທານຮ່ວມຂອງທ່ານ ພູທອນ ແກ້ວດວງມະນີ ຫົວໜ້າກົມໂຄສະນາເຜີຍແຜ່ກົດໝາຍ ກະຊວງຍຸຕິທຳ ແລະ ທ່ານ ຣິຊາດ ຣິດສ ຄະນະກໍາມະການຄຸ້ມຄອງໂຄງການໄລ ຫົວໜ້າອົງການບ້ານຈຸດສຸມສາກົນ, ມີບັນດາຮອງກົມ, ຫົວໜ້າພະແນກ, ຮອງພະແນກ, ຄະນະຮັບຜິດຊອບ ແລະ ແຂກຖືກເຊີນເຂົ້າຮ່ວມທັງໝົດ 70 ທ່ານ.

Pages