ກະຊວງ

Weight: 
0

ພິທີມອບ-ຮັບປຶ້ມປະມວນກົດໝາຍອາຍາ ແຫ່ງ ສປປ ລາວ ຢູ່ທີ່ໂຮງແຮມ ຄຣາວພຣາຊາ

ຢູ່ທີ່ໂຮງແຮມຄຣາວພຣາຊາ ນະຄອນຫຼວງວຽງຈັນ ກະຊວງຍຸຕິທຳ ຮ່ວມກັບ ອີຢູ ແລະ ລຸກຊຳບວກ ໄດ້ຈັດພິທີມອບ-ຮັບປຶ້ມປະມວນກົດໝາຍອາຍາ ແຫ່ງ ສປປ ລາວ ຂຶ້ນໃນວັນທີ 10 ກັນຍາ 2019 ໂດຍໃຫ້ກຽດເປັນປະທານຮ່ວມຂອງ ທ່ານ ໄຊສີ ສັນຕິວົງ ລັດຖະມົນຕີກະຊວງຍຸຕິທຳ ແຫ່ງ ສປປ ລາວ, ທ່ານ ເນເວັນ ມິມິຊາ ຄະນະກຳມາທິການເພື່ອການຮ່ວມມື ແລະ ພັດທະນາສາກົນ ຂອງສະຫະພາບເອີຣົບ ແລະ ທ່ານ ນາງ ພໍເລັດຕ໌ ເລເນີດ ລັດຖະມົນຕີວ່າການກະຊວງການຮ່ວມມືເພື່ອການພັດທະນາ ແລະ ວຽກມະນຸດສະທຳ ແຫ່ງ ລາຊະອານາຈັກລຸກຊຳບວກ, ມີຜູ້ເຂົ້າຮ່ວມຈຳນວນ 100 ທ່ານ ທີ່ມາຈາກສະພາແຫ່ງຊາດ, ອຳນາດການປົກຄອງລັດ, ຄູ່ຮ່ວມພັດທະນາ ແລະ ອົງການຈັດຕັ້ງສັງຄົມ.

ກອງປະຊຸມປຶກສາຫາລື ຄວາມສອດຄ່ອງ (ຮ່າງ) ກົດໝາຍວ່າດ້ວຍກິລາ-ກາຍຍະກຳ (ສະບັບປັບປຸງ)

ໃນຕອນເຊົ້າວັນທີ 9 ກັນຍາ 2019 ກະຊວງຍຸຕິທຳ ຮ່ວມກັບ ກະຊວງສຶກສາທິການ ແລະ ກິລາ ໄດ້ຈັດກອງປະຊຸມປຶກສາຫາລື ຄວາມສອດຄ່ອງກ່ຽວກັບ (ຮ່າງ) ກົດໝາຍວ່າດ້ວຍກິລາ-ກາຍຍະກຳ ຂຶ້ນ ໂດຍການເປັນປະທານຮ່ວມຂອງທ່ານ ປອ. ເສີມສຸກ ສິມພະວົງ ຮອງລັດຖະມົນຕີກະຊວງຍຸຕິທຳ ແລະ ທ່ານ ບົວລານ ສີລິປັນຍາ ຮອງລັດຖະມົນຕີກະຊວງສຶກສາທິການ ແລະ ກິລາ, ຜູ້ເຂົ້າຮ່ວມມີ ທ່ານ ອິນທະປັນຍາ ຂຽວວົງພະຈັນ ຫົວໜ້າກົມກົດໝາຍ ກະຊວງຍຸຕິທຳ, ທ່ານ ແສງພອນ ພົມອາມາດ ຫົວໜ້າກົມກິລາລະດັບສູງ, ຮອງຫົວໜ້າກົມ, ຫົວໜ້າພະແນກ, ຮອງຫົວໜ້າພະແນກ ພ້ອມດ້ວຍພະນັກງານວິຊາການ ທັງສອງພາກສ່ວນເຂົ້າຮ່ວມຈຳນວນ 27 ທ່ານ, ຍິງ 8 ທ່ານ.

Subscribe to RSS - ກະຊວງ