ກົມສົ່ງເສີມລະບົບຍຸຕິທຳ

ຂ່າວການເຄື່ອນໄຫວ ແລະ ບົດຄວາມອື່ນໆ

ການເຄື່ອນໄຫວວຽກງານທາງລັດຖະການ ຢູ່ແຂວງ ສະຫວັນນະເຂດ ແລະ ແຂວງ ເຊກອງ

     ໃນລະຫວ່າງວັນທີ 22-27 ສິງຫາ 2016 ຜ່ານມາ ກົມຄຸ້ມຄອງລະບົບຍຸຕິທຳ, ກະຊວງຍຸຕິທຳ ໄດ້ລົງເຄື່ອນໄຫວວຽກງານທາງລັດຖະການ ຢູ່ແຂວງ ສະຫວັນນະເຂດ ແລະ ແຂວງ ເຊກອງ ໂດຍການນຳພາຄະນະຂອງ ທ່ານ ປທ ບຸນຕາ ສ.ຜາບມີໄຊ ຫົວໜ້າກົມຄຸ້ມຄອງລະບົບຍຸຕິທຳ, ກະຊວງຍຸຕິທຳ.

ກອງປະຊຸມປັບປຸງຮ່າງດຳລັດວ່າດ້ວຍກອງທຶນຊ່ວຍເຫຼືອທາງດ້ານກົດໝາຍ

   ໃນລະຫວ່າງວັນທີ 30 ສິງຫາ ຫາ 2 ກັນຍາ 2016 ກົມຄຸ້ມຄອງລະບົບຍຸຕິທຳ, ກະຊວງຍຸຕິທໍາ ໄດ້ຈັດກອງປະຊຸມປັບປຸງຮ່າງດຳລັດວ່າດ້ວຍກອງທຶນຊ່ວຍເຫຼືອທາງດ້ານກົດໝາຍ ທີບ້ານພັກຄູນຊັບ. ເມືອງ ແກ້ວອຸດົມ,​ ແຂວງ ວຽງຈັນ ໂດຍການເປັນປະທານ ຂອງ ທ່ານ ປທ ບຸນຕາ ສ.ຜາບມີໄຊ ຫົວໜ້າກົມຄຸ້ມຄອງລະບົບຍຸຕິທຳ, ກະຊວງຍຸຕິທຳ ມີຜູ້ເຂົ້າຮ່ວມທີ່ມາຈາກ ກະຊວງຍຸຕິທຳ, ສານປະຊາຊົນສູງສຸດ, ອົງການໄອຍະການປະຊາຊົນສູງສຸດ ແລະ ສະພາທະນາຍຄວາມ ລວມທັງໝົດ 13 ທ່ານ, ຍິງ 03 ທ່ານ, ໂດຍໄດ້ຮັບການສະ ໜັບສະໜູນຈາກ ອົງການ ມູນນິທິເອເຊຍ ປະຈໍາ ສປປ ລາວ.

ໜ່ວຍພັກກົມຄຸ້ມຄອງລະບົບຍຸຕິທຳ ເປີດບັ້ນດຳເນີນຊີວິດການເມືອງພັກ ປີ 2016

         ໂດຍປະຕິບັດຕາມມະຕິຕົກລົງ ຂອງຄະນະພັກກະຊວງຍຸຕິທຳ ສະບັບເລກທີ 133/ຄພກຍ, ລົງວັນທີ 27 ກໍລະກົດ 2016 ວ່າດ້ວຍການເປີດບັ້ນດຳເນີນການກວດກາຕີລາຄາຈັດແບ່ງປະເພດ ໜ່ວຍພັກ, ສະມາຊິກພັກເຂັ້ມແຂງ-ຮູ້ນຳພາຮອບດ້ານ ປະຈຳປີ 2016.

ກົມຄຸ້ມຄອງລະບົບຍຸຕິທຳໄດ້ຮັບເຄື່ອງຊ່ວຍເຫຼືອຈາກອົງການມູນນິທິເອເຊຍ

          ໃນຕອນເຊົ້າຂອງວັນທີ 5 ສິງຫາ 2016 ເວລາ 8:30 ໂມງ, ກົມຄຸ້ມຄອງລະບົບຍຸຕິທຳ ກະຊວງຍຸຕິທຳ ໄດ້ມີພິທິມອບ-ຮັບເຄື່ອງໃຊ້ຫ້ອງການ ຊຶ່ງໄດ້ຮັບການຊ່ວຍເຫຼືອຈາກ ອົງການມູນນິເອເຊຍ ປະຈຳ ສປປ ລາວ. ການມອບ-ຮັບເຄື່ອງດັ່ງກ່າວ ແມ່ນປະຕິບັດຕາມບົດບັນທຶກຄວາມເຂົ້າໃຈ ລະຫວ່າງ ກົມຄຸ້ມຄອງລະບົບຍຸຕິທຳ ຕາງໜ້າໃຫ້ກະຊວງຍຸຕິທຳ ແລະ ອົງການມູນນິທິເອເຊຍ ປະຈຳ ສປປ ລາວ ກ່ຽວກັບການສະໜັບສະໜຸນວຽກງານຊ່ວຍເຫຼືອລ້າ ດ້ານກົດໝາຍ ໂດຍເປັນກຽດມອບຂອງ ທ່ານ ນາງ ນັງ ປຸຍ ຊານ ໂກນິເລຍ, ຊ່ຽວຊານຂອງອົງການມູນນິທິເອເຊຍ ປະຈຳ ສປປ ລາວ ແລະ ກ່າວຮັບໂດຍ ທ່ານ ປທ. ບຸນຕາ ສ.ຜາບມີໄຊ, ຫົວໜ້າກົມຄຸ້ມຄອງລະບົບຍຸຕິທຳ ກະຊວງ ຍຸຕິທຳ ພ້ອມດ້ວຍພະນັກງານທັງສອງຝ່າຍເຂົ້າຮ່ວມ.

ການເຄື່ອນໄຫວຢ້ຽມຢາມ ແລະ ແລກປ່ຽນບົດຮຽນ ຢູ່ ສສ ຫວຽດນາມ

          ໃນລະຫວ່າງວັນທີ 26-30 ກໍລະກົດ 2016 ຜ່ານມານີ້ ກົມຄຸ້ມຄອງລະບົບຍຸຕິທຳ ໄດ້ໄປເຄື່ອນໄຫວຢ້ຽມຢາມ ແລະ ເຮັດວຽກຢູ່ ສສ ຫວຽດນາມ ໂດຍການນຳພາຄະນະຂອງ ທ່ານ ປທ ວິກອນ ບຸນວິໄລ ຮອງຫົວໜ້າກົມ ຄຸ້ມຄອງລະບົບຍຸຕິທຳ ກະຊວງຍຸຕິທຳ ພ້ອມດ້ວຍພະນັກງານຂັ້ນພະແນກ ຈຳນວນ 12 ທ່ານ, ຍິງ 7 ທ່ານ. ຈຸດປະສົງຂອງການຢ້ຽມຢາມ ແລະ ເຮັດວຽກຢູ່ ສສ ຫຽວດນາມ ຄັ້ງນີ້ ແມ່ນເພື່ອຜັນຂະຫຍາຍເນື້ອໃນຈິດໃຈຂອງບົດ ບັນທຶກການຮ່ວມມື ລະຫວ່າງ ກະຊວງຍຸຕິທຳ ແຫ່ງ ສປປ ລາວ ແລະ ກະຊວງຍຸຕິທຳ ແຫ່ງ ສສ ຫວຽດນາມ ໃນຂົງເຂດກົດໝາຍ-ຍຸຕິທຳ ໄລຍະປີ 2015-2020.

Pages