ກົມຄຸ້ມຄອງການປະຕິບັດຄຳຕັດສິນຂອງສານ

ຂ່າວການເຄື່ອນໄຫວ ແລະ ບົດຄວາມອື່ນໆ

ກອງປະຊຸມສະຫຼຸບການໄປຖອດຖອນບົດຮຽນກ່ຽວກັບວຽກງານປະຕິບັດຄໍາຕັດສີນຂອງສານ ຢູ່ທີ່ປະເທດຝຣັ່ງ

       ໃນວັນທີ 30 ມິຖຸນາ 2016 ທີ່ກົມຄຸ້ມຄອງປະຕິບັດຄຳຕັດສີນຂອງສານ, ທ່ານ ຄໍາພອນ ສີປະເສີດ ຫົວໜ້າກົມກົມຄຸ້ມຄອງການປະຕັດຄໍາຕັດສີນຂອງສານ ໄດ້ຕ້ອນຮັບທ່ານຜູ້ຕາງໜ້າທີ່ມາຈາກໂຄງການສະໜັບສະໜູນການຈັດຕັ້ງປະຕິບັດແຜນແມ່ບົດພັດທະນາລັດແຫ່ງກົດໝາຍ (SPLSMP) ແລະ ຫົວໜ້າແຕ່ລະແຜນງານ ທີ່ເຂົ້າຮ່ວມກອງປະຊຸມສະຫຼຸບຖອດຖອນບົດຮຽນ. ຈຸດປະສົງຂອງກອງປະຊຸມໃນຄັ້ງນີ້ ເພື່ອສະຫຼຸບຜົນຂອງການໄປຖອດຖອນບົດຮຽນກ່ຽວກັບວຽກງານປະຕິບັດຄໍາຕັດສີນຂອງສານ ຢູ່ທີ່ປະເທດຝຣັ່ງ ໃນລະຫວ່າງ ວັນທີ 23 ພະຈິກ ຫາ ວັນທີ 2 ທັນວາ 2015 ທີ່ຜ່ານມາ ໂດຍການສະໜັບສະໜູນຂອງໂຄງການ (SPLSMP).

ກົມຄຸ້ມຄອງການປະຕິບັດຄໍາຕັດສີນຂອງສານສ້າງຂະບວນການເນື່ອງໃນວັນປູກຕົ້ນໄມ້ແຫ່ງຊາດ

        ເນື່ອງໃນໂອກາດວັນທີ 1 ມິຖຸນາ ແມ່ນວັນປູກຕົ້ນໄມ້ແຫ່ງຊາດ ຊຶ່ງທຸກອົງການຈັດຕັ້ງຂອງພັກ-ລັດ ແລະ  ປະຊາຊົນບັນດາເຜົ່າທົ່ວປະເທດ ໄດ້ພ້ອມກັນສ້າງຂະບວນການປູກຕົ້ນໄມ້ຢ່າງຟົດຟື້ນ ແລະ ເບີກບານມ່ວນຊື່ນ ເພື່ອຄວາມຮົ່ມເຢັນ ແລະ ຮັກສາໄດ້ຄວາມອຸດົມສົມບູນຂອງທໍາມະຊາດ. ໃນວັນທີ 31 ພຶດສະພາ 2016 ກົມຄຸ້ມຄອງການປະຕິບັດຄໍາຕັດສີນຂອງສານ ໄດ້ສ້າງຂະບວນການປູກຕົ້ນໄມ້ ຊຶ່ງຕົ້ນໄມ້ທີ່ນໍາມາປູກ ແມ່ນຕົ້ນຝາງແດງ ຊຶ່ງໄດ້ຮັບຈາກ ທ່ານ ສຈ ເກດ ກຽດຕິສັກ ຮອງລັດ ຖະມົນຕີ ກະຊວງຍຸຕິທໍາ ຈໍານວນ 25 ຕົ້ນ.

Pages