ກົມກົດໝາຍ

ຂ່າວການເຄື່ອນໄຫວ ແລະ ບົດຄວາມອື່ນໆ

ກອງປະຊຸມກວດກາຄວາມສອດຄ່ອງຂອງ (ຮ່າງ) ກົດໝາຍວ່າດ້ວຍ ການກັນ ແລະ ຄວບຄຸມພະຍາດຕິດຕໍ່

     ກົມກົດໝາຍ ກະຊວງຍຸຕິທຳ ໄດ້ຈັດກອງປະຊຸມກວດກາຄວາມສອດຄ່ອງ (ຮ່າງ) ກົດໝາຍວ່າດ້ວຍ ການກັນ ແລະ ຄວບຄຸມພະຍາດຕິດຕໍ່ຂຶ້ນ ໃນວັນທີ 15 ມິຖຸນາ 2017 ຢູ່ທີ່ກະຊວງຍຕິທຳ ໂດຍມີທ່ານຫົວໜ້າກົມ,  ຮອງຫົວໜ້າກົມ ພ້ອມດ້ວຍລັດຖະກອນວິຊາການຂອງກົມກົດໝາຍ ກະຊວງຍຸຕິທຳ ແລະ ຄະນະຮັບຜິດຊອບຮ່າງກົດໝາຍສະບັບດັ່ງກ່າວ, ມີທ່ານຜູ້ຕາງໜ້າຈາກກົມກົດໝາຍ ແລະ ກົມທີ່ກ່ຽວຂອງຫ້ອງວ່າການສຳນັກ ງານນາຍົກລັດຖະມົນຕີ ແລະ ສະພາແຫ່ງຊາດ ເຂົ້າຮ່ວມ.

ການຝຶກອົບຮົມກ່ຽວກັບການສ້າງນິຕິກຳ ແລະ ການປະເມີນຜົນກະທົບຂອງຮ່າງນິຕິກຳ

     ເພື່ອເຮັດໃຫ້ການສ້າງ ແລະ ປັບປຸງນິຕິກຳ ມີຄວາມເປັນເອກະພາບ ແລະ ຖືກຕ້ອງຕາມຫຼັກການທີ່ກຳນົດໄວ້ໃນການສ້າງນິຕິກຳ. ໃນວັນທີ 31 ພຶດສະພາ 2017 ຢູ່ທີ່ກະຊວງຍຸຕິທຳ, ກົມກົດໝາຍ ໄດ້ຈັດ ການຝຶກອົບຮົມເຕັກນິກການສ້າງນິຕິກຳ ແລະ ການປະເມີນຜົນກະທົບຂອງຮ່າງນິຕິກຳ ໃຫ້ແກ່ພະນັກງານ-ລັດຖະກອນ ພາຍໃນກະຊວງຍຸຕິທຳຂຶ້ນ ໂດຍການເປັນປະທານຂອງ ທ່ານ ອິນທະປັນຍາ ຂຽວວົງພະ ຈັນ ຫົວໜ້າກົມກົດໝາຍ ກະຊວງຍຸຕິທຳ, ມີວິທະຍາກອນຈາກກົມກົດໝາຍ ແລະ ສຳມະນາກອນ ຕາງໜ້າຈາກບັນດາກົມ, ຫ້ອງການ, ສະຖາບັນຍຸຕິທຳແຫ່ງຊາດ ແລະ ສູນແກ້ໄຂຂໍ້ຂັດແຍ່ງທາງດ້ານເສດຖະ ກິດ ພາກສ່ວນລະສອງທ່ານເຂົ້າຮ່ວມ.

ກະຊວງຍຸຕິທຳ ຈັດກອງປະຊຸມຄົ້ນຄວ້າ, ປຶກສາຫາລື ແລະ ປະກອບຄຳເຫັນໃສ່ ຮ່າງດຳລັດວ່າດ້ວຍ ການປະເມີນສິ່ງແວດລ້ອມແບບຍຸດທະສາດ

     ໃນ​ຕອນເຊົ້າ​ຂອງວັນ​ທີ 10 ຕຸ​ລາ 2016, ກະ​ຊວງ​ຍຸ​ຕິ​ທຳ​ ຮ່ວມ​ກັບ ກະ​ຊວງ​ຊັບ​ພະ​ຍາ​ກອນທຳ​ມະ​ຊາດ ແລະ ສິ່ງ​ແວດ​ລ້ອມ ໄດ້​ຈັດ​ກອງ​ປະ​ຊຸມ​ຄົ້ນ​ຄວ້າ​, ປຶກ​ສາ​ຫາ​ລື ແລະ ປະ​ກອບ​ຄຳ​ເຫັນ​ໃສ່​ຮ່າງ​ດຳ​ລັດ​ວ່າ​ດ້ວຍ ການ​ປະ​ເມີນ​ສິ່ງ​ແວດ​ລ້ອມ​ແບບ​ຍຸດ​ທະ​ສາດ ຢູ່​ທີ່ຫ້ອງ​ປະ​ຊຸມ​​ກະ​ຊວງ​ຍຸ​ຕິ​ທຳ ພາຍ​ໃຕ້​ການ​ເປັນ​ປະ​ທານ​ຂອງ ​ທ່ານ ສ​ຈ. ເກດ ກຽດ​ຕິ​ສັກ ຮອງ​ລັດ​ຖະ​ມົນ​​ຕີ​ກະ​ຊວງ​ຍຸ​ຕິ​ທຳ, ມີ​ບັນ​ດາ​ທ່ານຫົວ​ໜ້າ​ກົມ, ຮອງ​ຫົວ​ໜ້າ​ກົມ, ຫົວ​ໜ້າ​ພະ​ແນກ, ຮອງ​ຫົວ​ໜ້າ​ພະ​ແນກ ແລະ ພະ​ນັກ​ງານ​ວິ​ຊາ​ການ​ຂອງ​ສອງ​ກະ​ຊວງ​ເຂົ້າ​ຮ່ວມ.

ກົມກົດໝາຍ ກະຊວງຍຸຕິທຳ ຈັດກອງປະຊຸມຜ່ານຮ່າງດຳລັດວ່າດ້ວຍກອງທຶນສ້າງ ແລະ ພັດທະນາສີມືແຮງງານ

     ໃນ​ວັນ​ທີ 29 ກັນ​ຍາ 2016 ຢູ່​ທີ່​ຫ້ອງ​ປະ​ຊຸມ​ຂອງ​ກະ​ຊວງ​ຍຸ​ຕິ​ທຳ ໄດ້​ຈັດ​ກອງ​ປະ​ຊຸມ​ຜ່ານ​ຮ່າງ​ດຳ​ລັດ​ວ່າ​ດ້ວຍກອງ​ທຶນ​​ສ້າງ ແລະ ພັດ​ທະ​ນາ​ສີ​ມື​ແຮງ​ງານ ໂດຍ​ການ​ເປັນ​ປະ​ທານ​ຂອງ ​ທ່ານ ອິນ​ທະ​ປັນ​ຍາ ຂຽວ​ວົງ​ພະ​ຈັນ ຫົວ​ໜ້າ​ກົມ​ກົດ​ໝາຍ​, ກະ​ຊວງ​ຍຸຕ​ິ​ທຳ ເປັນ​ກຽດ​ເຂົ້າ​ຮ່ວມ​ຂອງ​ ທ່ານ ພູ​ວັນ​ ຈັນ​ທະ​ວົງ ຫົວ​ໜ້າ​ກົມ​ພັດ​ທະ​ນາ​ສີ​ມື​ແຮງ​ງານ ແລະ ຈັດຫາ​ງານ, ກະ​ຊວງແຮງ​ງານ ແລະ ສະ​ຫວັດ​ດີ​ການ​ສັງ​ຄົມ, ຜູ້ເຂົ້າຮ່ວມກອງປະຊຸມຄັ້ງນີ້ມີ​ທ່ານຮອງ​ຫົວ​ໜ້າ​ກົມ, ຫົວ​ໜ້າ​ພະ​ແນກ, ຮອງ​ຫົ​ວ​ໜ້າພະ​ແນກ ພ້ອມ​ດ້ວຍ​ພະ​ນັກ​ງານ​ວິ​ຊາ​ການ ຂອງກະ​ຊວງ​ຍຸ​ຕິ​ທຳ ແລະ ພາກ​ສ່ວນ​ທີ່​ກ່ຽວ​ຂ້ອງ​ເຂົ້າ​ຮ່ວມ.

ພິທີມອບ-ຮັບ ໜ້າທີຫົວໜ້າກົມກົດໝາຍ ກະຊວງຍຸຕິທຳ

ທ່ານ ໄຊສີ ສັນຕິວົງ

     ຕອນບ່າຍຂອງວັນທີ 13 ພຶດສະພາ 2016 ຢູ່ທີ່ຫ້ອງປະຊຸມຂອງກະຊວງຍຸຕິທຳ ໄດ້ມີພິທີມອບ-ຮັບ ໜ້າທີຫົວໜ້າກົມກົດໝາຍ, ກະຊວງຍຸຕິທຳ ລະຫວ່າງ ທ່ານ ນາງ ບຸນພອນ ເຮືອງມະນີ ຫົວໜ້າກົມກົດໝາຍ (ຜູ້ເກົ່າ) ແລະ ທ່ານ ອິນທະປັນຍາ ຂຽວວົງພະຈັນ ຮັກສາການຫົວໜ້າກົມກົດໝາຍ (ຜູ້ໃໝ່); ໃຫ້ກຽດເປັນປະທານໂດຍ ທ່ານ ໄຊສີ ສັນຕິວົງ ລັດຖະມົນຕີກະຊວງຍຸຕິທຳ, ມີທ່ານ ຮອງລັດຖະມົນຕີ,  ທ່ານ ຫົວໜ້າຫ້ອງການ, ບັນດາຫົວໜ້າກົມ, ຫົວໜ້າສູນແກ້ໄຂຂໍ້ແຍ່ງທາງດ້ານເສດ ຖະກິດ, ຫົວໜ້າສະຖາບັນຍຸຕິທຳແຫ່ງຊາດ ພ້ອມດ້ວຍພະນັກງານວິຊາການກົມກົດໝາຍເຂົ້າຮ່ວມເປັນສັກຂີພິຍານ.

Pages