ແຂວງ ອັດຕະປື

ຂ່າວການເຄື່ອນໄຫວ ແລະ ບົດຄວາມອື່ນໆ

ກຳມະບານຮາກຖານແຂວງອັດຕະປື ສ້າງຂະບວນອອກແຮງງານຂໍ່ານັບຮັບຕ້ອນວັນກຳມະກອນສາກົນ

ໃນຕອນເຊົ້າຂອງວັນທີ 26 ເມສາ 2019  ສະຫາພັນກໍາມະບານ ແຂວງອັດຕະປື ນໍາໂດຍ ສະຫາຍ ສຸດໃຈ ກົມມະເມືອງ ຄະນະບໍລິຫານງານສະຫະພັນກໍາມະບານແຂວງ ໄດ້ນໍາພາສະມາຊິກໍາມະບານ ແລະ ບັນດາໜ່ວຍກໍາມະບານຮາກຖານອ້ອມຂ້າງແຂວງ ປະກອບມີ ໜ່ວຍຮາກຖານກໍາມະບານພະແນກຍຸຕິທຳ, ພະແນກອຸດສາຫະກຳ ແລະ ການຄ້າ, ອົງການໄອຍະການປະຊາຊົນ, ສານປະຊາຊົນ, ອົງການກາແດງ ແລະ ພະແນກພົວພັນການຕ່າງປະເທດ ອອກແຮງງານອະນາໄມລວມ.

ຮອງລັດຖະມົນຕີກະຊວງຍຸຕິທໍາ ລົງເຄື່ອນໄຫວຊີ້ນໍາວຽກງານຢູ່ພະແນກຍຸຕິທໍາ ແຂວງອັດຕະປື

ວັນທີ 8 ເມສາ 2019 ທີ່ຜ່ານມາທ່ານ ບຸນສະຫວາດ ບຸບຜາ ຮອງລັດຖະມົນຕີກະຊວງຍຸຕິທໍາ ພ້ອມດ້ວຍຄະນະ ໄດ້ລົງເຄື່ອນໄຫວຊີ້ນໍາວຽກງານ ຢູ່ພະແນກຍຸຕິທໍາ ແຂວງອັດຕະປື. ໃຫ້ກຽດຕ້ອນຮັບໂດຍ ທ່ານ ສີໄລ ສີສະແຫວງສຸກ ເລຂາໜ່ວຍພັກ ຫົວໜ້າພະແນກຍຸຕິທໍາແຂວງອັດຕະປື. ມີຄະນະພັກ, ຄະນະພະແນກ, ຫົວໜ້າ ແລະ ຮອງຫົວໜ້າຂະແໜງ ເຂົ້າຮ່ວມຢ່າງພ້ອມພຽງ. 

ຄະນະພັກພະແນກຍຸຕິທຳແຂວງ ອັດຕະປື ລົງເປີດໜ່ວຍງານທະບຽນສານຢູ່ 2 ເມືອງ.

ໃນລະຫວ່າງວັນທີ 28-29 ມີນາ 2019 ທີ່ຜ່ານມານີ້ ທ່ານ ຄຳໄໝ ແສງມະນີ ຮອງຫົວໜ້າພະແນກຍຸຕິທຳແຂວງ ອັດຕະປືພ້ອມດ້ວຍຄະນະ ໄດ້ລົງເຄື່ອນໄຫວເປີດກອງປະຊຸມວຽກງານສ້າງຕັ້ງໜ່ວຍງານທະບຽນສານ ໂດຍໃຫ້ກຽດຕ້ອນຮັບຄັ້ງນີ້ແມ່ນທ່ານຫົວໜ້າຫ້ອງການຍຸຕິທຳເມືອງ ພູວົງ ແລະ ເມືອງ ສາມັກຄີໄຊ.

ພະແນກຍຸຕິທຳແຂວງ ອັດຕະປື ສົມທົບກັບ ຄະນະ: ນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ລົງເຄື່ອນໄຫວວຽກງານໂຄສະນາເຜີຍແຜ່ກົດໝາຍ.

    ໃນຕອນເຊົ້າຂອງວັນທີ 23 ເມສາ 2018 ເວລາ 8 ໂມງ 00 ນາທີ ທ່ານ ພູວົງ ວິໄລແສງ ຮອງຄະນະບໍດີ ຄະນະ: ນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ເປັນຫົວໜ້າທິມງານສູນກົດໝາຍເພື່ອປະຊາຊົນ ໄດ້ເຂົ້າພົບທ່ານ ບຸນຮຽນ ແກ້ວບົດພາດ ຄະນະປະຈຳພັກແຂວງ, ປະທານກວດກາພັກ, ຫົວໜ້າພະແນກກວດກາລັດ, ຫົວໜ້າອົງການຕ້ານການສໍ້ລາດບັງຫຼວງ ທັງເປັນຜູ້ຊີ້ນຳວຽກງານຂົງເຂດຕຸລາການ ແລະ ທ່ານ ສີໄລ ສີສະແຫວງສຸກ ສະມາຊິກສະພາປະຊາຊົນແຂວງ, ເລຂາໜ່ວຍພັກ, ຫົວໜ້າພະແນກຍຸຕິທຳແຂວງ ອັດຕະປື.

ແຂວງອັດຕະປື ເປີດຊຸດຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ VI ປີ 2018

          ຊຸດຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ VI ປີ 2018 ໄດ້ໄຂຂື້ນຢ່າງເປັນທາງການໃນເວລາ 13 ໂມງ 30 ນາທີ ຂອງວັນທີ 05 ມິຖຸນາ 2018 ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ບຸນຮຽນ ແກ້ວບົວພາດ ຄະນະປະຈຳພັກແຂວງ, ປະທານກວດກາພັກ, ຫົວໜ້າພະແນກກວດກາລັດ, ຫົວໜ້າອົງການຕ້ານການສໍ້ລາດບັງຫຼວງ, ຜູ້ຊີ້ນຳວຽກງານຍຸຕິທຳ ພ້ອມດ້ວຍຄະນະຮັບຜິດຊອບ, ອາຈານສອນ ແລະ ນັກສຳມະນາກອນທີ່ມາຈາກຄະນະພະແນກ, ອົງການທຽບເທົ່າ, ກຳລັງປກສ, ປກຊ ແລະ ບັນດາ 05 ຕົວເມືອງຂອງແຂວງອັດຕະປືເຂົ້າຮ່ວມ.

Pages