ແຂວງ ຫົວພັນ

ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳເຄື່ອນໄຫວ ແລະ ເຮັດວຽກຢູ່ເມືອງຊ່ອນ

     ພະແນກຍຸຕິທຳແຂວງຫົວພັນ ໄດ້ລົງເຄື່ອນໄຫວ ແລະ ເຮັດວຽກຢູ່ເມືອງຊ່ອນ ໃນວັນທີ 24 ມັງກອນ 2017 ໂດຍການນຳພາຂອງ ທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທຳແຂວງ ພ້ອມດ້ວຍຄະນະ. ໃນ ການເຄື່ອນໄຫວ ແລະ ລົງເຮັດວຽກໃນຄັ້ງນີ້ ຄະນະໄດ້ຮັບຟັງການລາຍງານສະພາບຂອງການຈັດຕັ້ງປະຕິບັດວຽກງານຮອບດ້ານຂອງຫ້ອງການຍຸຕິທຳເມືອງ ຊື່ງໄດ້ຍົກໃຫ້ເຫັນຜົນງານດ້ານດີທີ່ຍາດມາໄດ້ໃນລະຍະຜ່ານມາ ແລະ ດ້ານອ່ອນທີ່ຈະຕ້ອງໄດ້ປັບປຸງແກ້ໄຂໃນຕໍ່ໜ້າ.

ກົມກວດກາ ກະຊວງຍຸຕິທຳ ເຄື່ອນໄຫວ ແລະ ເຮັດວຽກຢູ່ແຂວງ ຫົວພັນ

     ກົມກວດກາກະຊວງຍຸຕິທຳ ໄດ້ລົງເຄື່ອນໄຫວ ແລະ ເຮັດວຽກຢູ່ແຂວງ ຫົວພັນ ໃນລະຫວ່າງວັນທີ 26 ຫາ 30 ທັນວາ 2016 ໂດຍການນຳພາຂອງ ທ່ານ ຄຳເພັດ ອຸ່ນເຮືອນ ຮອງຫົວໜ້າກົມກວດກາ ພ້ອມດ້ວຍ ຄະນະ.

ພະແນກຍຸຕິທຳແຂວງຫົວພັນ ປະເມີນຜົນການຈັດຕັ້ງປະຕິບັດວຽກງານຂອງພະນັກງານລັດຖະກອນ ປະຈຳປີ 2015

ໃນວັນທີ 4 ທັນວາ 2015 ຜ່ານມານີ້, ພະແນກຍຸຕິທຳແຂວງຫົວພັນ ໄດ້ຈັດກອງປະຊຸມປະເມີນຜົນການ ຈັດຕັ້ງປະຕິບັດວຽກງານຂອງພະນັກງານລັດຖະກອນ ປະຈຳປີ 2015 ຢູ່ທ່ີຫ້ອງປະຊຸມຂອງພະແນກດັ່ງກ່າວ; ໂດຍການເປັນ ປະທານຂອງ ທ່ານ ສົມພອນ ອິນຄະວິໄລ ຮອງຫົວໜ້າພະແນກຍຸຕິທຳແຂວງ, ມີຜູ່ຕາງໜ້າມາຈາກຄະນະກວດກາ ພັກ-ລັດແຂວງ, ພະແນກພາຍໃນແຂວງ, ມີບັນດາຫົວໜ້າຫ້ອງການ, ຮອງຫົວໜ້າຫ້ອງການ ແລະ ພະນັກງານວິຊາການເຂົ້າ ຮ່ວມທັງໝົດ 33 ສະຫາຍ, ຍິງ 13 ສະຫາຍ.

ໜ່ວຍກຳມະບານພະແນກຍຸຕິທຳສຳເລັດກອງປະຊຸມໃຫຍ່ຄັ້ງ II

ໃນວັນ​ທີ 16 ທັນວາ 2015 ຜ່ານ​ມານີ້ ໜ່ວຍ​ກຳມະບານ​ພະ​ແນ​ກຍຸຕິ​ທຳ​ແຂວງ ຫົວພັນ ໄດ້​ສຳ​ເລັດກອງ​ປະຊຸມ​ໃຫຍ່ ​ຄັ້ງທີ II ໂດຍ​ພາຍ​ໃຕ້​ການການ​ເປັນ​ປະທານ​ຂອງ ​ສະຫາຍ ດອນ​ສະຫວັນ ດວງ​ສິດ ຮອງ​ປະທານ​ສະຫະພັນ​ກຳມະບານແຂວງ, ມີ​ສະຫາຍ ສົມ​ພອນ ອິນ​ຄະ​ວິ​ໄລ ຮອງ​ຫົວໜ້າ​ພະ​ແນ​ກຍຸຕິ​ທຳ​ແຂວງ; ມີ​ຜູ່ຕາງໜ້າ​ມາ​ຈາກອົງການ​ພາຄີ​ສານ​ປະຊາຊົນ​ແຂວງ, ​ອົງການໄອ​ຍະ​ການ​ປະຊາຊົນ​ແຂວງ, ສະພາ​ເຂດ​ເລືອກຕັ້ງທີ 8 ແຂວງຫົວພັນ​ ​ແລະ ສະມາຊິກ​ກຳມະບານ​ຂອງ​ພະ​ແນ​ກ​ເຂົ້າ​ຮ່ວມ​ຢ່າງ​ພ້ອມພຽງ.

Pages