ແຂວງ ສະຫວັນນະເຂດ

ຂ່າວການເຄື່ອນໄຫວ ແລະ ບົດຄວາມອື່ນໆ

ເມືອງສອງຄອນ ເປີດການຮຽນ - ການສອນກົດໝາຍຊັ້ນຕົ້ນ ຊຸດທີ V

ໃນວັນທີ 19 ມີນາ 2018 ທີ່ເມືອງສອງຄອນ, ແຂວງ ສະຫວັນນະເຂດ ໄດ້ເປີດການຮຽນ-ການສອນ ກົດໝາຍຊັ້ນຕົ້ນ 3 ເດືອນຂື້ນຢ່າງເປັນທາງການ ພາຍໃຕ້ການເປັນປະທານຮ່ວມຂອງ ທ່ານ ນັນ ສິດສານຸພາບ ກຳມະການພັກແຂວງ, ເລຂາພັກເມືອງ, ເຈົ້າເມືອງໆ ສອງຄອນ ແລະ ທ່ານ ມະນີວັນ ແກ້ວພິກຸນ ຮອງເລຂາໜ່ວຍພັກ, ຮອງຫົວໜ້າພະແນກຍຸຕິທຳແຂວງ, ເຂົ້າຮ່ວມປະກອບດ້ວຍບັນດາແຂກທີ່ມາຈາກຫ້ອງການອ້ອມຂ້າງເມືອງ, ຫ້ອງການຍຸຕິທຳເມືອງ ພ້ອມດ້ວຍນັກສຳມະນາກອນ ທີ່ມາຈາກກຸ່ມບ້ານ ແລະ ບ້ານອ້ອມຂ້າງເທດສະບານເມືອງ ນອກຈາກນີ້ຍັງມີພະນັງານທີ່ມາຈາກກະຊວງຍຸຕິທຳເຂົ້າຮ່ວມໃນພິທີຄັ້ງນີ້ດ້ວຍ, ຈຳນວນຜູ່ເຂົ້າຮຽນທັງໝົດ 41 ຄົນ, ຍິງ 09 ຄົນ.

ພະແນກຍຸຕິທຳແຂວງສະຫວັນນະເຂດ ເປີດກອງປະຊຸມສະຫຼຸບວຽກງານຍຸຕິທຳທົ່ວແຂວງ ປະຈຳປີ 2017 ແລະ ວາງທິດທາງແຜນການ ປີ 2018

ໃນທ່າມກາງບັນຍາກາດ ທີ່ທົ່ວພັກ, ທົ່ວລັດ ແລະ ທົ່ວປວງຊົນລາວບັນດາເຜົ່າ ພວມອອກແຮງແຂ່ງຂັນຈັດຕັ້ງປະຕິບັດ ແລະ ຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ, ແຜນພັດທະນາເສດຖະກິດ-ສັງຄົມ ຄັ້ງທີ VIII ຂອງແຂວງສະຫວັນນະເຂດ ແລະ ຄຳນັບຮັບຕ້ອນ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 63 ປີ ຢ່າງເປັນຂະບວນຟົດຟື້ນ.

ພະແນກຍຸຕິທຳແຂວງສະຫວັນນະເຂດ ລົງຊຸກຍູ້ ແລະ ຕິດຕາມ ການຮຽນ-ການສອນກົດໝາຍຊັ້ນຕົ້ນ

    ໃນທ້າຍເດືອນ ກຸມພາ 2018 ທີ່ຜ່ານມາ ພະແນກຍຸຕິທຳແຂວງສະຫວັນນະເຂດ ໄດ້ລົງຕິດຕາມ ແລະ ຊຸກຍູ້ ການຮຽນ-ການສອນກົດໝາຍຊັ້ນຕົ້ນ ຢູ່ເມືອງອຸທຸມພອນ ຊຶ່ງນຳພາໂດຍ ທ່ານ ຄຳສິງ ເພັງໄຊຍະພອນ ຮອງຫົວໜ້າພະແນກຍຸຕິທຳແຂວງສະຫວັນນະເຂດ ພ້ອມດ້ວຍຄະນະ.

ພະແນກຍຸຕິທຳແຂວງສະຫວັນນະເຂດ ຈັດຕັ້ງປາຖະກະຖາ ວັນສ້າງຕັ້ງພັກຄອມມຸຍນິດຫວຽດນາມຄົບຮອບ 88 ປີ, ຄຳສັ່ງເລກທີ 09 /ນຍ ວ່າດ້ວຍການປະຢັດລາຍຈ່າຍງົບປະມານຂອງລັດ ແລະ ວັນຕ້ານການສໍ້ລາດບັງຫຼວງສາກົນ ຄົບຮອບ 14 ປີ

ໃນວັນທີ 2 ກຸມພາ 2018 ທີ່ພະແນກຍຸຕິທຳແຂວງສະຫວັນນະເຂດ ໄດ້ມີພິທີປາຖະກະຖາວັນ ສ້າງຕັ້ງພັກຄອມມຸຍນິດຫວຽດນາມຄົບຮອບ 88 ປີ (03 ກຸມພາ 1930-03 ກຸມພາ 2018). ເຂົ້າຮ່ວມ ແລະ ໃຫ້ກຽດປະຖະກະຖາ ໂດຍທ່ານ ມະນີວັນ ແກ້ວພິກຸນ ຮອງຫົວໜ້າພະແນກຍຸຕິທຳແຂວງ ສະຫວັນນະເຂດ ມີບັນດາຄະນະພັກ-ຄະນະນຳ ແລະ ພະນັກງານ-ລັດຖະກອນ ພະແນກຍຸຕິທຳແຂວງ ຈຳນວນ 50 ທ່ານ, ຍິງ 21 ທ່ານ ເຂົ້າຮ່ວມຢ່າງພ້ອມພຽງ.

ກອງປະຊຸມພົບປະແລກປ່ຽນບົດຮຽນວຽກງານກົດໝາຍ ແລະ ຍຸຕິທຳ ລະຫວ່າງ ພະແນກຍຸຕິທຳ ແຂວງສະຫວັນນະເຂດ ແລະ ແຂວງຈຳປາສັກ

ໃນວັນທີ 24 ພະຈິກ 2017, ເວລາ 13 ໂມງ 30 ນາທີ ທີ່ຫ້ອງປະຊຸມ ພະແນກຍຸຕິທຳແຂວງ ສະຫວັນນະເຂດ ໄດ້ຈັດກອງປະຊຸມພົບປະແລກປ່ຽນບົດຮຽນວຽກງານກົດໝາຍ ແລະ ຍຸຕິທຳ ລະຫວ່າງ ພະແນກຍຸຕິທຳແຂວງ ສະຫວັນນະເຂດ ແລະ ພະແນກຍຸຕິທຳແຂວງ ຈຳປາສັກ ໂດຍການເປັນປະທານຮ່ວມຂອງທ່ານ ອຸໄພວັນ ໄຊຍະວົງ ເລຂາໜ່ວຍພັກ, ຫົວໜ້າພະແນກຍຸຕິທຳແຂວງ ສະຫວັນນະເຂດ ແລະ ທ່ານ ບຸນເລີດ ວໍລະຈິດ ກຳມະການພັກແຂວງ, ຫົວໜ້າພະແນກຍຸຕິທຳແຂວງຈຳປາສັກ ເຂົ້າຮ່ວມກອງປະຊຸມຄັ້ງນີ້ປະກອບດ້ວຍ ຮອງຫົວໜ້າພະແນກ, ຫົວໜ້າ, ຮອງຫົວໜ້າຫ້ອງການ ຂອງພະແນກຍຸຕິທຳ ທັງ 2 ແຂວງ ຊຶ່ງມີຈຳນວນຜູ້ເຂົ້າຮ່ວມທັງໝົດ 20 ທ່ານ, ຍິງ 2 ທ່ານ.

Pages