ແຂວງ ບໍ່ແກ້ວ

ຂ່າວການເຄື່ອນໄຫວ ແລະ ບົດຄວາມອື່ນໆ

ຍຸຕິທຳແຂວງບໍ່ແກ້ວ ແລກປ່ຽນ ແລະ ຖອດຖອນບົດຮຽນກ່ຽວກັບວຽກງານທະບຽນສານ ປະຈໍາປີ 2018.

ໂດຍປະຕິບັດຕາມຄໍາສັ່ງ ຂອງທ່ານເຈົ້າແຂວງ ແຂວງບໍ່ແກ້ວ ສະບັບເລກທີ 424/ຈຂ.ບກ, ລົງວັນທີ 24 ເມສາ 2018 ວ່າດ້ວຍ ການເພີ່ມທະວີຄວາມເອົາໃຈໃສ່ຕໍ່ວຽກງານທະບຽນສານ.

ພະແນກຍຸຕິທໍາແຂວງບໍ່ແກ້ວ ເປີດຊຸດຝືກອົບຮົມກົດໝາຍ 45 ວັນ ຊຸດທີ I ປະຈໍາປີ 2019

ໃນຕອນເຊົ້າວັນທີ 15 ກຸມພາ 2019 ຢູ່ທີ່ຫໍປະຊຸມບ້ານ ຫ້ວຍເເມງ ກຸ່ມແກ້ງພາກ, ເມືອງປາກທາ, ເເຂວງ ບໍ່ເເກ້ວ ໄດ້ຈັດພິທິເປີດຊຸດຝຶກອົບຮົມກົດໝາຍ 45 ວັນ ໃຫ້ພະນັກງານຮາກຖານບ້ານ, ກຸ່ມບ້ານ ເເລະ ປະຊາຊົນບັນດາເຜົ່າ ຊຸດທີ I ປະຈໍາປີ 2019 ຂຶ້ນ, ໂດຍການເປັນປະທານຮ່ວມຂອງ ທ່ານ ທ່ານ ຄໍາຫຼ້າ ອຸດທະຍອດ ກໍາມະການພັກເເຂວງ ຫົວໜ້າພະເເນກຍຸຕິທໍາເເຂວງບໍ່ແກ້ວ ແລະ ທ່ານ ນາງ ຈັນສຸກ ວັນນະວົງ ຄະນະປະຈໍາພັກເມືອງ ປະທານສະຫະພັນເເມ່ຍິງເມືອງປາກທາ, ມີບັນດາກໍາມະການພັກເມືອງ, ຫົວໜ້າຫ້ອງການ-ຮອງຫ້ອງການ, ເເຂກຖືກເຊີນ ເເລະ ຄູ-ຈານຕະຫລອດຮອດນັກຝຶກອົບຮົມເຂົ້າຮ່ວມທັງໝົດ 39 ຄົນ, ຍິງ 6 ຄົນ .

ພະແນກຍຸຕິທໍາແຂວງ ບໍ່ແກ້ວ ໄດ້ຈັດຝຶກອົບຮົມວຽກງານທະບຽນສານ ໃຫ້ໜ່ວຍງານທະບຽນສານຂັ້ນເມືອງ.

ໃນຕອນເຊົ້າ ຂອງວັນທີ 15 ຕຸລາ 2018 ນີ້ ຢູ່ທີ່ຫ້ອງປະຊຸມພະແນກຍຸຕິທໍາແຂວງ ໄດ້ຈັດຝຶກອົບຮົມວຽກງານທະບຽນສານ ຂຶ້ນຢ່າງເປັນທາງການ ໂດຍພາຍໃຕ້ການເປັນປະທານຂອງ ທ່ານ ນາງ ຂັນຄໍາ ແກ້ວໄກສອນ ຮອງຫົວໜ້າພະແນກຍຸຕິທໍາແຂວງ ຜູ້ຊີ້ນຳວຽກງານທະບຽນສານ, ມີບັນດາຄະນະພະແນກຍຸຕິທໍາແຂວງ, ຫົວໜ້າຂະແໜງ, ຮອງຫົວໜ້າຂະແໜງ, ມີບັນດາຫົວໜ້າໜ່ວຍງານທະບຽນສານຈາກເມືອງ 3 ເມືອງ ຄື: ເມືອງຕົ້ນເຜິ້ງ, ເມືອງ ຜາອຸດົມ ແລະ ເມືອງ ປາກທາ ພ້ອມດ້ວຍວິຊາການພະແນກຍຸຕິທໍາແຂວງ ເຂົ້າຮ່ວມທັງໝົດ 18 ທ່ານ, ຍິງ 7 ທ່ານ.

ແຂວງບໍ່ແກ້ວ ສໍາເລັດການຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ VII.

ເພື່ອປະຕິບັດ ຕາມຫຼັກສູດການຮຽນ-ການສອນ ກົດໝາຍໄລຍະສັ້ນ 45 ວັນໃຫ້ການນໍາຫຼັກແຫຼ່ງຂັ້ນແຂວງ ແລະ ເມືອງ ຂອງກະຊວງຍຸຕິທຳ ວາງອອກໃຫ້ໄດ້ຮັບຜົນຕາມລະດັບຄາດໝາຍ ໃນວັນທີ 4 ຕຸລາ 2018 ນີ້ ຢູ່ທີ່ໂຮງຮຽນທິດສະດີການເມືອງ - ການປົກຄອງແຂວງ ບໍ່ແກ້ວ ໄດ້ມີພິທີມອບ-ຮັບໃບຢັ້ງຢືນ ໃຫ້ແກ່ຜູ້ທີ່ສໍາເລັດ ການຝຶກອົບຮົມຍົກລະດັບຄວາມຮູ້ທາງດ້ານກົດໝາຍໄລຍະສັ້ນ 45 ວັນຢ່າງເປັນທາງການ ໂດຍການເປັນປະທານຂອງສະຫາຍ ສົມລິດ ສີພາວັນ ຮອງເລຂາພັກແຂວງ ປະທານສະພາປະຊາຊົນແຂວງ ບໍ່ແກ້ວ, ມີບັນດາການນໍາຂັ້ນແຂວງ, ເມືອງ, ຫົວໜ້າ, ຮອງຫົວໜ້າພະແນກການ, ກົມກອງ, ລັດວິສາຫະກິດ, ໂຮງຮຽນ - ໂຮງໝໍ ຕະຫຼອດຮອດນັກສຳມະນາກອນ ແລະ ພາກສ່ວນກ່ຽວຂ້ອງເຂົ້າຮ່ວມ.

ພະແນກຍຸຕິທຳ ແຂວງບໍ່ແກ້ວ ໄດ້ສ້າງຂະບວນການກິລາບານເຕະກັບສຳມະນາກອນກົດໝາຍ 45 ວັນ ຊຸດທີ VII

ເພື່ອເປັນການຕ້ອນຮັບວັນສຳຄັນຕ່າງໆຂອງພັກ, ຂອງຊາດ ໃຫ້ເປັນຂະບວນຟົດຟື້ນ ແລະ ເຕັມໄປດ້ວຍຄວາມໝາຍຄວາມສຳຄັນດັ່ງນັ້ນ ໃນຕອນບ່າຍຂອງວັນທີ 21 ກັນຍາ 2018 ພະແນກຍຸຕິທຳແຂວງ ບໍ່ແກ້ວ ຈຶ່ງໄດ້ສ້າງຂະບວນການກິລາມິດຕະພາບຂຶ້ນ, ໂດຍມີພະແນກຍຸຕິທຳແຂວງ, ມີຄູ-ອາຈານສອນກົດໝາຍ 45 ວັນ, ນັກສໍາມະນາກອນກົດໝາຍ 45 ວັນ ເຂົ້າຮ່ວມຢ່າງພ້ອມພຽງ ແລະ ເປັນຂະບວນຟົດຟື້ນ.

Pages