Submitted by Phengta PHK on
![](http://moj.gov.la/sites/default/files/styles/news_image/public/%E0%BA%81%E0%BA%B0%E0%BA%8A%E0%BA%A7%E0%BA%87/news/%E0%BA%82%E0%BB%88%E0%BA%B2%E0%BA%A7%E0%BA%81%E0%BA%B2%E0%BA%99%E0%BB%80%E0%BA%84%E0%BA%B7%E0%BB%88%E0%BA%AD%E0%BA%99%E0%BB%84%E0%BA%AB%E0%BA%A7%E0%BA%82%E0%BA%AD%E0%BA%87%E0%BA%81%E0%BA%B0%E0%BA%8A%E0%BA%A7%E0%BA%87/1975/1975.jpg?itok=kES7G5lQ)
ທ່ານຮອງລັດຖະມົນຕີກະຊວງຍຸຕິທໍາ ຕ້ອນຮັບການເຂົ້າພົບ ຂອງຜູ້ຊ່ວຍທາງດ້ານວິຊາການຕ່າງປະເທດ ປະຈຳໂຄງການ Justice
**************
ໃນຕອນເຊົ້າຂອງວັນທີ 18 ກໍລະກົດ 2024 ທີ່ຫ້ອງຮັບແຂກກະຊວງຍຸຕິທຳ ທ່ານ ເກດສະໜາ ພົມມະຈັນ, ຮອງລັດຖະມົນຕີກະຊວງຍຸຕິທໍາ ໃຫ້ກຽດຕ້ອນຮັບການເຂົ້າພົບ ຂອງ ທ່ານ ເປຣີນ ຊີງມົງ (Mrs. Perrine SIMON), ຜູ້ຊ່ວຍທາງດ້ານວິຊາການຕ່າງປະເທດ ຫຼື ITA (ຜູ້ໃຫມ່) ປະຈຳໂຄງການ JuSTICE ພ້ອມດ້ວຍຄະນະ ເນື່ອງໃນໂອກາດມາດຳລົງຕຳແໜ່ງເປັນຜູ້ຊ່ວຍທາງດ້ານວິຊາການຕ່າງປະເທດ ຜູ້ໃໝ່ ປະຈຳໂຄງການ JuSTICE ຢູ່ ສປປ ລາວ.
ໂອກາດດັ່ງກ່າວ ທ່ານ ເກດສະໜາ ພົມມະຈັນ ກໍໄດ້ສະແດງຄວາມຍິນດີໃນການມາເປັນຜູ້ຊ່ວຍທາງດ້ານວິຊາການຕ່າງປະເທດ ຜູ້ໃໝ່ຂອງໂຄງການ JuSTICE ຢູ່ ສປປ ລາວ; ຈາກນັ້ນ, ທ່ານ ນາງ ເປຣີນ ຊີງມົງ ກໍລາຍງານສະພາບລວມຂອງໂຄງການ JuSTICE ໃນໄລຍະຜ່ານມາ, ແຜນການໃນຕໍ່ໜ້າ ແລະ ພ້ອມກັນປຶກສາຫາລືກ່ຽວກັບບັນຫາສິ່ງທ້າທາຍໃນການຈັດຕັ້ງປະຕິບັດກິດຈະກຳຂອງໂຄງການ ແລະ ລາຍງານຄວາມຄືບໜ້າຂອງແຜນການຮ່ວມມືລະຫວ່າງ ສະຖາບັນຍຸຕິທໍາແຫ່ງຊາດ ແລະ ໂຮງຮຽນ ຂຸນສານແຫ່ງຊາດຝຣັ່ງ ພ້ອມທັງປືກສາຫາລືຊອກວິທີທາງໃນການເຄື່ອນໄຫວກິດຈະກຳໂຄງການໄດ້ຮັບໝາກຜົນສູງສຸດ.
ຂ່າວ-ພາບ: ກະຊວງຍຸຕິທໍາ