ຂ່າວການເຄື່ອນໄຫວ ແລະ ບົດຄວາມອື່ນໆ

ກອງປະຊຸມປະກອບຄຳເຫັນໃສ່ ຮ່າງ ປື້ມຄູ່ມືວຽກງານຈົດໝາຍເຫດທາງລັດຖະການ

          ໃນລະຫວ່າງວັນທີ 18-19 ພະຈິກ 2021 ທີ່ຫ້ອງປະຊຸມ ຊັ້ນ 3 ກະຊວງຍຸຕິທຳ ກົມໂຄສະນາເຜີຍແຜ່ກົດໝາຍ ໄດ້ຈັດກອງປະຊຸມປະກອບຄຳເຫັນໃສ່ ຮ່າງ ປື້ມຄູ່ມືວຽກງານຈົດໝາຍເຫດທາງລັດຖະການຂຶ້ນ ໂດຍການເປັນປະທານຂອງ ທ່ານ ນາງ ສີສຸດາ ໂສພາວັນດີ ວ່າການຫົວໜ້າກົມໂຄສະນາເຜີຍແຜ່ກົດໝາຍ; ມີຮອງຫົວໜ້າກົມ, ຜູ້ຕາງໜ້າບັນດາກົມ, ຫົວໜ້າພະແນກ, ຮອງພະແນກ, ຕາງໜ້າໂຄງການສ້າງສະພາບແວດລ້ອມທີ່ເອື້ອອຳນວຍຕໍ່ທຸລະກິດລາວ ຫຼື LBE ພ້ອມດ້ວຍຄະນະຮັບຜິດຊອບສ້າງປື້ມຄູ່ມືວຽກງານຈົດໝາຍເຫດທາງລັດຖະການ ເຂົ້າຮ່ວມ.

ແຂວງ ຫົວພັນ ຝຶກອົບຮົມການເຊື່ອມເອົາບົດບາດຍິງ-ຊາຍເຂົ້າໃນວຽກງານການແກ້ໄຂຂໍ້ຂັດແຍ່ງຂັ້ນບ້ານ

          ໃນວັນທີ 16 - 19 ພະຈິກ 2021 ນີ້, ທີມງານຄະນະຮັບຜິດຊອບໂຄງການສ້າງຄວາມເຂັ້ມແຂງໃຫ້ກັບວຽກງານແກ້ໄຂຂໍ້ຂັດແຍ່ງຂັ້ນບ້ານຢູ່ແຂວງ ຫົວພັນ ເຂົ້້າຮ່ວມຝຶກອົບຮົມການເຊື່ອມເອົາບົດບາດຍິງ-ຊາຍເຂົ້າໃນວຽກງານການແກ້ໄຂຂໍ້ຂັດແຍ່ງຂັ້ນບ້ານຂື້ນ ຢູ່ທີ່ຫ້ອງປະຊຸມພະແນກຍຸຕິທຳແຂວງ (ໂດຍຜ່ານລະບົບປະຊຸມອອນລາຍທາງໄກ) ຈັດໂດຍ ອົງການມິດຕະພາບເມັນໂນນາຍ ຕາງໜ້າຄູຝຶກຈາກສະມະຄົມແມ່ຍິງ ແລະ ສຶກສາດ້ານກົດໝາຍ ຊື່ງໄດ້ຮັບທຶນຈາກກອງທຶນລັດຖະບານການາດາ.

ແຂວງ ໄຊຍະບູລີ ເປີດຝຶກອົບຮົມກົດໝາຍໄລຍະສັ້ນ 45 ວັນ ໃຫ້ພະນັກງານຫຼັກແຫຼ່ງ

          ໃນວັນທີ 26 ຕຸລາ 2021 ໄຊຍະບູລີ ໄດ້ເປີດຊຸດການຝຶກອົບຮົມກົດໝາຍຂັ້ນພື້ນຖານ ລະບົບບໍາລູງ 45 ວັນ ໃຫ້ພະນັກງານຫຼັກແຫຼ່ງຂອງແຂວງ ທີ່ມາຈາກບັນດາພະແນກການ, ກົມກອງ, ວິສາຫະກິດ ອ້ອມຂ້າງແຂວງ ຊຶ່ງມີນັກຝຶກຮົມ ທັງໝົດ 50 ທ່ານ, ຍິງ 18 ທ່ານ.

ພະແນກຍຸຕິທຳແຂວງ ບໍລິຄຳໄຊ ພ້ອມດ້ວຍຄະນະ ລົງຊຸກຍູ້ວຽກງານວິຊາສະເພາະ ຢູ່ ຫ້ອງການຍຸຕິທຳເມືອງ ປາກຊັນ

          ໃນວັນທີ່ 16 ພະຈີກ 2021 . ທ່ານ ນາງ ວັນນາ ປະເສີດກຸນ ຫົວໜ້າພະແນກຍຸຕິທຳແຂວງ ບໍລິຄຳໄຊ ພ້ອມດ້ວຍຄະນະ ລົງຊຸກຍູ້ ວຽກງານວີຊາສະເພາະ ຢູ່ ຫ້ອງການຍຸຕິທຳເມືອງ ປາກຊັນ ເປັນກຽດເຂົ້າກອງປະຊຸມໃນຄັ້ງນີ້ໂດຍແມ່ນ ທ່ານ ນາງ ຄຳເພັດ ຮອງເລຂາພັກເມືອງ ປະທານກວດກາພັກເມືອງ; ມີພະນັກງານເຂົ້າຮ່ວມ ຈຳນວນ 17 ທ່ານ , ຍິງ 8 ທ່ານ.

ພະແນກຍຸຕິທຳແຂວງ ຊຽງຂວາງ ຕີລາຄາສະມາຊິກພັກ ແລະ ໜ່ວຍພັກ

          ໃນວັນທີ 17-18 ພະຈິກ 2021 ຢູ່ທີ່ພະແນກຍຸຕິທຳແຂວງ ຊຽງຂວາງ ໄດ້ຈັດກອງປະຊຸມເຊື່ອມຊືມເອກະສານຕີລາຄາ ແລະ ແບ່ງປະເພດສະມາຊິກພັກ, ໜ່ວຍພັກຂຶ້ນ ພາຍໃຕ້ການເປັນປະທານຂອງສະຫາຍ ມົນຕີ ສີອຸດົມ ເລຂາໜ່ວຍພັກ, ຫົວໜ້າພະແນກຍຸຕິທຳແຂວງ, ມີຄະນະພັກ, ສະມາຊິກພັກສົມບູນ ແລະ ສຳຮອງເຂົ້າຮ່ວມ.

ພະແນກຍຸຕິທຳແຂວງ ປະເມີນລັດຖະກອນຂັ້ນແຂວງ

          ໃນວັນທີ 15 ພະຈິກ 2021 ຢູ່ທີ່ພະແນກຍຸຕິທຳແຂວງ ຊຽງຂວາງ ໄດ້ຈັດພິທີປະເມີນຜົນການຈັດຕັ້ງປະຕິບັດວຽກງານຂອງພະນັກງານ-ລັດຖະກອນປະຈຳປີ 2021 ຂຶ້ນ ໂດຍເປັນປະທານຂອງ ທ່ານ ສີວິໄລ ແສງຈະເລີນ ກຳມະການພັກແຂວງ, ຮອງເຈົ້າແຂວງ ຊຽງຂວາງ ຜູ້ຊີ້ນຳວຽກງານຂົງເຂດກົດໝາຍ, ມີຄະນະພະແນກ, ຫົວໜ້າ, ຮອງຫົວໜ້າຂະແໜງ ແລະ ວິຊາການ ເຂົ້າຮ່ວມ.

ມອບອຸປະກອນຮັບໃຊ້ຫ້ອງການໃຫ້ 2 ບ້ານຢູ່ເມືອງຄູນ

          ພິທີມອບ-ຮັບອຸປະກອນຮັບໃຊ້ຫ້ອງການ ໃຫ້ຫ້ອງການບ້ານ ໄດ້ຈັດຂຶ້ນວັນທີ 11 ພະຈິກ 2021 ຢູ່ທີ່ຫ້ອງການ ບ້ານ ຍຸນສີໄຊຊະນະ ເມືອງ ຄູນ ແຂວງ ຊຽງຂວາງ ໂດຍການເຂົ້າຮ່ວມຂອງ ທ່ານ ວັນໄຊ ກືຫວັງເນັ້ງ ຮອງຫົວໜ້າພະແນກຍຸຕິທຳແຂວງ ຊຽງຂວາງ, ທ່ານ ຄຳເພັດ ກູດໄພບານ ຮອງຫົວໜ້າອົງການໄອຍະການແຂວງ ແລະ ທ່ານ ນາງ ສົມສະນຸກ ພົມມະຫາໄຊ ຮອງເລຂາພັກເມືອງ ປະທານກວດກາພັກ ຫົວໜ້າອົງການກວດກາລັດເມືອງ ຄູນ ມີ ຫົວໜ້າຫ້ອງການຍຸຕິທໍາ ເມືອງຄູນ, ຫົວໜ້າອົງການໄອຍະການປະຊາຊົນເຂດ 3, ອົງການປົກຄອງບ້ານ ແລະ ປະຊາຊົນສອງບ້ານເຂົ້າຮ່ວມ.

ພະແນກຍຸຕິທຳແຂວງ ຊຽງຂວາງ ປະເມີນຜົນງານລັດຖະກອນປະຈຳປີ

          ໃນວັນທີ 9-10 ພະຈິກ 2021 ຢູ່ທີ່ພະແນກຍຸຕິທຳແຂວງ ໄດ້ຈັດພິທີປະເມີນຜົນການຈັດຕັ້ງປະຕິບັດວຽກງານຂອງພະນັກງານ-ລັດຖະກອນປະຈຳປີ 2021 ໂດຍການເປັນປະທານຂອງ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ, ມີຄະນະພະແນກ ແລະ ພະນັກງານ-ລັດຖະກອນພາຍໃນພະແນກເຂົ້າຮ່ວມ.

ພິທີເປີດການຊ່ວຍເຫຼືອລ້າທາງດ້ານກົດໜາຍຜ່ານລະບົບດີຈີຕອນ

          ພິທີເປີດການຊ່ວຍເຫຼືອລ້າທາງດ້ານກົດໜາຍຜ່ານລະບົບດີຈີຕອນ ໄດ້ຈັດຂຶ້ນ ວັນທີ 5 ພະຈິກ 2021 ທີ່ໂຮງແຮມ ວຽງຈັນພຣາຊາ ໂດຍການເປັນປະທານຮ່ວມຂອງ ທ່ານ ບຸນທາ ຊົງເຢີທ່າວ ຮອງລັດຖະມົນຕີກະຊວງຍຸຕິທຳ ແລະ ທ່ານ ນາງ ແຄັດທະຣິນ ຟົງ ຮອງຜູ້ຕາງໜ້າອົງການສະຫະປະຊາຊາດເພື່ອການພັດທະນາ ປະຈຳ ສປປ ລາວ, ມີຜູ້ຕາງໜ້າບັນດາກະຊວງ, ອົງການຈັດຕັ້ງມະຫາຊົນຂັ້ນສູນກາງ ແລະ ອົງການຈັດຕັ້ງສາກົນ ເຂົ້າຮ່ວມ ຜ່ານລະບົບອອນໄລ.

Pages