ຂ່າວການເຄື່ອນໄຫວ ແລະ ບົດຄວາມອື່ນໆ

ທ່ານຫົວໜ້າພະແນກຍຸຕິທໍາແຂວງ ໄຊສົມບູນ ເຄື່ອນໄຫວຕິດຕາມ, ຊຸກຍູ້ວຽກງານຮອບດ້ານຢູ່ບັນດາຫ້ອງການຍຸຕິທໍາເມືອງ

          ໃນລະຫວ່າງວັນທີ່ 14-26 ກໍລະກົດ 2021 ນີ້ ທ່ານ ອີນຕອງ ໂຄດປັນຍາ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ ໄຊສົມບູນ ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມ, ຊຸກຍູ້ ວຽກງານຮອບດ້ານຢູ່ບັນດາຫ້ອງການຍຸຕິທໍາເມືອງ ໂດຍໄດ້ຮັບການຕ້ອນຮັບຈາກບັນດາຫົວໜ້າຫ້ອງການຍຸຕິທໍາ ພ້ອມດ້ວຍຄະນະ ແລະ ພະນັກງານວິຊາການຂອງເມືອງເຂົ້າຮ່ວມຢ່າງພ້ອມພຽງ.

ຫ້ອງການຍຸຕິທໍາເມືອງ ອະນຸວົງ ລົງໂຄສະນາເຜີຍແຜ່ກົດໝາຍ ແລະ ເຜີຍແຜ່ເອກະສານທີ່ສໍາຄັນ

          ໃນວັນທີ່ 21- 23 ກໍລະກົດ 2021 ທ່ານ ບູນມີ ລໍພະຈັນ ຮອງຫົວໜ້າຫ້ອງການຍຸຕິທໍາເມືອງ ອະນຸວົງ ພ້ອມດ້ວຍຄະນະ ໄດ້ລົງເຄື່ອນໄຫວໂຄສະນາເຜີຍແຜ່ກົດໝາຍ ແລະ ເຜີຍແຜ່ເອກະສານທີ່ສໍາຄັນຂອງຂະແໜງຍຸຕິທໍາໃຫ້ປະຊາຊົນ ຢູ່ບ້ານອ່າວເໜືອ, ບ້ານອ່າວກາງ ແລະ ບ້ານອ່າວໄຕ້ ກຸ່ມບ້ານອ່າວໄຊ ເມືອງ ອະນຸວົງ ແຂວງ ໄຊສົມບູນ ເປັນກຽດເຂົ້າຮ່ວມໂດຍທ່ານ ສັງຄົມ ສູນດາລາ ຮອງເລຂາພັກເມືອງ, ປະທານກວດກາພັກ-ລັດເມືອງ ອະນຸວົງ, ຜູ້ຊີ້ນໍາວຽກຍຸຕິທໍາ, ມີເລຂາຄະນະພັກຮາກຖານກຸ່ມບ້ານອ່າວໄຊ, ເລຂາພັກບ້ານ-ນາຍບ້ານ, ຜູ້ຊົງຄຸນວຸດທິ ແລະ ພໍ່ແມ່ປະຊາຊົນທັງສາມບ້ານເຂົ້າຮ່ວມຮັບຟັງທັງໝົດ 136 ຄົນ, ຍິງ 31 ຄົນ.

ແຂວງໄຊສົມບູນ ເຜີຍແຜ່ບົດບາດຄວາມສະເໜີພາບລະຫວ່າງຍິງ-ຊາຍ ແລະ ກົດໝາຍວ່າດ້ວຍການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ

          ສະຫະພັນແມ່ຍິງແຂວງ ໄຊສົມບູນ ຮ່ວມກັບພະແນກຍຸຕິທຳແຂວງ ໄຊສົມບູນ ໄດ້ຈັດພິທີເຜີຍແຜ່ຄວາມສະເໝີພາບລະຫວ່າງຍິງ-ຊາຍ, ກົດໝາຍວ່າດ້ວຍ ການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍຂຶ້ນ ໃນຕອນເຊົ້າຂອງວັນທີ 2 ມີນາ 2021 ທີ່ສະໂມສອນເມືອງ ອະນຸວົງ ໂດຍການເປັນປະທານຂອງທ່ານ ນ. ຄຳສີ ສິດທິວໍລະດາ ປະທານສະຫະພັນແມ່ຍິງແຂວງ ໄຊສົມບູນ ແລະ ທ່ານ ອຸດອນ ສິງດາລາ ຫົວໜ້າພະແນກຍຸຕິທຳແຂວງ ທັງເປັນຜູ້ເຜີຍແຜ່ກົດໝາຍ, ພ້ອມດ້ວຍຫົວໜ້າພະແນກການ, ອົງການ, ກົມກອງ ອອ້ມຂ້າງແຂວງ ແລະ ເມືອງອະນຸວົງເຂົ້າຮ່ວມ.

ເປີດບັ້ນຂະບວນການແຂ່ງຂັນ 3 ດີ ຂອງສະຫະພັນແມ່ຍິງໜ່ວຍພະແນກຍຸຕິທໍາ ແຂວງ ໄຊສົມບູນ

          ໜ່ວຍສະຫະພັນແມ່ຍິງພະແນກຍຸຕິທຳແຂວງ ໄຊສົມບູນ ໄດ້ຈັດກອງປະຊຸມຂະບວນການແຂ່ງຂັນ 3 ດີ ຂຶ້ນໃນຕອນເຊົ້າຂອງວັນທີ 5 ກຸມພາ 2021 ຢູ່ທີ່ຫ້ອງປະຊຸມໃຫຍ່ສານປະຊາຊົນແຂວງ ໄຊສົມບູນ ໂດຍການເປັນປະທານຂອງ ສະຫາຍ ນາງ ຕຸ່ນ ວົງໄຊ ປະທານສະຫະພັນແມ່ຍິງໜ່ວຍພະແນກຍຸຕິທຳແຂວງ; ເຂົ້າຮ່ວມ ມີ ສະຫາຍ ອຸດອນ ສິງດາລາ ກຳມະການພັກແຂວງ ເລຂາໜ່ວຍພັກພະແນກຍຸຕິທຳແຂວງ, ສະຫາຍ ນາງ ບູນທະວີ ສິງວິໄລ ຮອງປະທານສະຫະພັນແມ່ຍິງແຂວງ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ພະແນກຍຸຕິທຳ ແຂວງໄຊສົມບູນ ຈັດກອງປະຊຸມ ປະເມີນຜົນການຈັດຕັ້ງປະຕິບັດວຽກງານຂອງຄະນະພະແນກ ປະຈຳປີ 2020

          ໃນຕອນເຊົ້າຂອງວັນທີ 12 ມັງກອນ 2021  ພະແນກຍຸຕິທໍາແຂວງ ໄຊສົມບູນ ໄດ້ຈັດກອງປະຊຸມປະເມີນຜົນການຈັດຕັ້ງປະຕິບັດວຽກງານຂອງຄະນະພະແນກຂຶ້ນ ຢູ່ທີ່ຫ້ອງປະຊຸມຂອງສານປະຊາຊົນແຂວງ ໂດຍການເປັນປະທານຂອງ ທ່ານ ບູນສຸກ ຈອມວິສານ ປະທານສະພາປະຊາຊົນແຂວງ ໄຊສົມບູນ, ຜູ້ຊີ້ນໍາວຽກຍຸຕິທໍາ, ມີຄະນະຮັບຜິດຊອບການປະເມີນຂັ້ນແຂວງ, ມີຫົວໜ້າ, ຄະນະພະແນກ ແລະ ຫົວໜ້າ-ຮອງຫົວໜ້າຂະແໜງພາຍໃນພະແນກຍຸຕິທຳເຂົ້າຮ່ວມທັງໝົດ 18 ທ່ານ, ຍິງ  3 ທ່ານ.

ໜ່ວຍຊາວໜຸ່ມພະແນກຍຸຕິທຳແຂວງ ໄຊສົມບູນ ເປີດກອງປະຊຸມຈັດຕັ້ງເນື້ອໃນຂໍ້ແຂ່ງຂັນ 4 ບຸກ.

ໃນຕອນບ່າຍຂອງ 10 ທັນວາ 2020 ໜ່ວຍຊາວໜຸ່ມພະແນກຍຸຕິທຳແຂວງ ໄຊສົມບູນ ໄດ້ເປີດກອງປະຊຸມຈັດຕັ້ງເນື້ອໃນຂໍ້ແຂ່ງຂັນ 4 ບຸກ ປະຈໍາປີ 2020 ຂອງຕົນຂຶ້ນ ຢູ່ທີ່ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວຂອງແຂວງ ໂດຍການເປັນປະທານຂອງ ສະຫາຍ ສຸກສັນ ຈັນທະວົງ ເລຂາໜ່ວຍຊາວໜຸ່ມພະແນກຍຸຕິທຳແຂວງ ໄຊສົມບູນ ໃຫ້ກຽດເຂົ້າຮ່ວມໂດຍ ສະຫາຍ ລືຢ່າງ ຫວັງເຢັງ ຮອງເລຂາໜ່ວຍພັກ ພະແນກຍຸຕິທຳແຂວງ ໄຊສົມບູນ ມີສະຫາຍ ເຍ່ຍຊົ່ງ ຫວັງທ່າວ ເລຂາຄະນະບໍລິຫານງານຊາວໜຸ່ມແຂວງ, ຮອງເລຂາໜ່ວຍພັກ, ເລຂາໜ່ວຍຊາວໜຸ່ມຈາກສະພາປະຊາຊົນ, ອົງການໄອຍະການປະຊາຊົນ, ສານປະຊາຊົນ, ພະແນກການອ້ອມຂ້າງແຂວງ ພ້ອມດ້ວຍສະມາຊິກພາຍໃນພະແນກຍຸຕິທໍາເຂົ້າຮ່ວມ.

ຫ້ອງການຍຸຕິທໍາເມືອງ ທ່າໂທມ ແລະ ເມືອງ ອະນຸວົງ ແລກປ່ຽນບົດຮຽນຊຶ່ງກັນ ແລະ ກັນ

ໃນລະຫວ່າງວັນທີ 7-9 ທັນວາ 2020 ນີ້ ຢູ່ທີ່ຫ້ອງການຍຸຕິທໍາເມືອງ ທ່າໂທມ ໄດ້ຈັດກອງປະຊຸມແລກປ່ຽນບົດຮຽນສ້າງຄວາມເຂັ້ມແຂງໃຫ້ຄະນະແກ້ໄຂຂໍ້ຂັດແຍ່ງຂັ້ນບ້ານ ລະຫວ່າງຫ້ອງການຍຸຕິທໍາເມືອງ ທ່າໂທມ ແລະ ຫ້ອງການຍຸຕິທໍາເມືອງ ອະນຸວົງ ແຂວງ ໄຊສົມບູນ ຂຶ້ນ ໂດຍການເປັນປະທານຮ່ວມຂອງທ່ານ ວົງຊິວ ສາຍສະຫວັນ ຫົວໜ້າກອງບັນຊາການທະຫານເມືອງ ທ່າໂທມ ແລະ ທ່ານ ສັງຄົມ ສູນດາລາ ຮອງເຈົ້າເມືອງ ອະນຸວົງ ຜູ້ຊີ້ນໍາວຽກງານຍຸຕິທໍາ, ມີຫົວໜ້າ-ຮອງຫົວໜ້າຫ້ອງການ ແລະ ພະນັກງານ-ລັດຖະກອນຂອງສອງຫ້ອງການເຂົ້າຮ່ວມ.

ພິທີປິດຊຸດຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ V ປີ 2020 ຢູ່ເມືອງ ທ່າໂທມ ແຂວງ ໄຊສົມບູນ

ໃນຕອນເຊົ້າຂອງວັນທີ່ 26 ພະຈິກ 2020 ຢູ່ທີ່ສະໂມສອນເມືອງ ທ່າໂທມ, ແຂວງ ໄຊສົມບູນ ໄດ້ມີພິທີປິດການຮຽນ-ການສອນ ກົດໝາຍໄລຍະສັ້ນ 45 ວັນ ຂຶ້ນໂດຍການເປັນປະທານຂອງ ທ່ານ ພິມພາ ນິລາວົງ ກຳມະການພັກແຂວງ ເລຂາພັກເມືອງ ເຈົ້າເມືອງ ທ່າໂທມ , ເຂົ້າຮ່ວມຂອງ ທ່ານ ລືຢ່າງ ຫວັງເຢັງ ຮອງຫົວໜ້າພະແນກຍຸຕິທຳແຂວງ. ມີ ທ່ານ ວົງຊິວ ສາຍສະຫວັນ ຄະນະປະຈຳພັກເມືອງ ຫົວໜ້າກອງບັນຊາການທະຫານເມືອງ ຜູ້ຊີ້ນຳວຽກງານຍຸຕິທຳເມືອງ , ມີກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການອ້ອມຂ້າງເມືອງ, ຄະນະຮັບຜິດຊອບ, ຄູ-ອາຈານ ແລະ ນັກຝຶກອົບຮົມເຂົ້າຮ່ວມທັງໝົດ 95 ທ່ານ ຍິງ 23 ທ່ານ.

ຮອງຫົວໜ້າພະແນກຍຸຕິທໍາແຂວງ ໄຊສົມບູນ ລົງຕິດຕາມ, ຊຸກຍູ້ການຮຽນ-ການສອນກົດໝາຍໄລຍະສັ້ນ 45 ວັນ ຢູ່ເມືອງ ທ່າໂທມ

ໃນຕອນເຊົ້າຂອງວັນທີ 19 ຕຸລາ 2020 ທ່ານ ລືຢ່າງ ຫວັງເຢັ່ງ ຮອງຫົວໜ້າພະແນກຍຸຕິທໍາແຂວງ ໄຊສົມບູນ ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມ, ຊຸກຍູ້ ວຽກງານການຮຽນ-ການສອນກົດໝາຍໄລຍະສັ້ນ 45 ວັນ ຢູ່ເມືອງ ທ່າໂທມ ໂດຍການຕ້ອນຮັບຂອງ ທ່ານ ບູນຜອງ ຄໍາມີໄຊ ກໍາມະການພັກເມືອງ ຫົວໜ້າຫ້ອງການຍຸຕິທໍາເມືອງ ພ້ອມດ້ວຍຄະນະ, ພະນັກງານ-ລັດຖະກອນ, ຄູ-ອາຈານ ແລະ ນັກສໍາມະນາກອນກົດໝາຍ 45 ວັນເຂົ້າຮ່ວມຢ່າງພ້ອມພຽງ.

Pages