ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທໍາ ແຂວງໄຊຍະບູລີລົງຊ່ວຍເຫຼືອປະຊາຊົນທີ່ຖືກຜົນກະທົບໄພນໍ້າຖ້ວມ

          ໃນລະຫວ່າງວັນທີ 15 - 17 ມິຖຸນາ 2021 ​ ພະແນກຍຸຕິທໍາແຂວງ ໄຊຍະບູລີ ນໍາໂດຍ ທ່ານ ກາວີ ເກດດົມລິ ຫົວໜ້າພະແນກຍຸຕິທໍາແຂວງ ໄຊຍະບູລີ ພ້ອມດ້ວຍຄະນະພະແນກ ແລະ ພະນັກງານ-ລັດຖະກອນທັງໝົດ ໄດ້ລົງຊ່ວຍເຫຼືອປະຊາຊົນຢູ່ບ້ານປົ່ງ ເມືອງ ໄຊຍະບູລີ ຕາມການມອບໝາຍ ແລະ ແບ່ງຄວາມຮັບຜິດຊອບຂອງອົງການປົກຄອງແຂວງ ໄຊຍະບູລີ ໃນການຊ່ວຍເຫຼືອປະຊາຊົນພາຍໃນແຂວງ ທີ່ຖືກຜົນກະທົບໄພນໍ້າຖ້ວມໃນຄັ້ງນີ້.

ເມືອງ ໄຊສະຖານ ແຂວງ ໄຊຍະບູລີ ສ້າງຕັ້ງໜ່ວຍງານທະບຽນສານ

       ໃນວັນທີ 11 ມິຖຸນາ 2021 ​ ຢູ່ທີ່ຫ້ອງປະຊຸມຂອງຫ້ອງວ່າການປົກຄອງເມືອງ ໄຊສະຖານ ແຂວງ ໄຊຍະບູລີ  ໄດ້ຈັດພິທີເປີດໜ່ວຍງານທະບຽນສານ ຂອງຫ້ອງການຍຸຕິທໍາເມືອງ ໄຊສະຖານ ຂຶ້ນ ໂດຍການເປັນປະທານຮ່ວມຂອງ ທ່ານ ກາວີ ເກດດົມລິ ຫົວໜ້າພະແນກຍຸຕິທໍາ ​ແຂວງ ​ໄຊ​ຍະ​ບູລີແລະ ​ທ່ານ ສີສະໝອນ ນາມວົງ ​ວ່າການເຈົ້າ​ເມືອງ​ ໄຊສະຖານ ມີຄະນະ​ປະ​ຈໍາພັກ​ເມືອງ, ກໍາມະການ​ພັກ​ເມືອງ, ຫົວໜ້າ, ຮອງຫົວໜ້າຫ້ອງການ, ພະນັກງານ-ລັດຖະກອນ ອ້ອມຂ້າງ​ເມືອງ, ນາຍບ້ານເທດສະບານເມືອງ ແລະ ນັກທຸລະກິດ, ຜູ້ປະກອບການ ເຂົ້າຮ່ວມທັງໝົດ 78 ທ່ານ, ຍິງ  24 ທ່ານ.

ພະແນກຍຸຕິທໍາແຂວງ ໄຊຍະບູລີ ປາຖະກະຖາ ມູນເຊື້ອວັນສ້າງຕັ້ງ ອົງການກວດກາພັກ-ລັດ ຄົບຮອບ 39 ປີ

          ໃນຕອນເຊົ້າວັນທີ 29 ມີນາ 2021 ຜ່ານມາ ພະແນກຍຸຕິທໍາແຂວງ ໄຊຍະບູລີ ໄດ້ຈັດຕັ້ງພິທີປາຖະກະຖາ ມູນເຊື້ອວັນສ້າງຕັ້ງ ອົງການກວດກາພັກ-ລັດ ຄົບຮອບ 39 ປີ (16 ກຸມພາ 1982 - 16 ກຸມພາ 2021) ໂດຍການເປັນປະທານ ຂອງ ສະຫາຍ ບຸນລ້ຽງ ດວງສົມພອນ ຮອງເລຂາໜ່ວຍພັກ, ປະທານກວດກາໜ່ວຍພັກພະແນກຍຸຕິທໍາ, ມີຮອງຫົວໜ້າພະແນກຍຸຕິທໍາແຂວງ ໄຊຍະບູລີ ມີຄະນະໜ່ວຍພັກ, ຮອງປະທານກວດກາ, ສະມາຊິກພັກພະນັກງານ-ລັດຖະກອນ ເຂົ້າຮ່ວມທັງໝົດ 28 ສະຫາຍ, ຍິງ11 ສະຫາຍ.

ພະແນກຍຸຕິທໍາແຂວງ ໄຊຍະບູລີ ການລົງໃຫ້ຄໍາປຶກສາທາງດ້ານກົດໝາຍ ແລະ ການໂຄສະນາເຜີຍແຜ່ກົດໝາຍ ທີ່ບ້ານ ກິ່ວແຄ່ມ ເມືອງ ພຽງ.

          ໃນຕອນເຊົ້າຂອງວັນທີ 25 ມີນາ 2021 ຜ່ານມາ ພະແນກຍຸຕິທໍາແຂວງ ໄດ້ລົງໃຫ້ຄໍາປຶກສາທາງດ້ານກົດໝາຍ ແລະ ໂຄສະນາເຜີຍແຜ່ກົດໝາຍ ໃຫ້ແກ່ປະຊາຊົນ ຢູ່ບ້ານ ກິ່ວແຄ່ມ ເມືອງ ພຽງ ແຂວງ ໄຊຍະບູລີ. ໂດຍການເປັນປະທານຂອງ ທ່ານ ສົມລິດ ອ່ອນຕາ ຮອງຫົວໜ້າພະແນກຍຸຕິທໍາແຂວງ ຜູ້ຊີ້ນໍາວຽກງານກົດໝາຍ, ມີພະນັກງານຫ້ອງການຍຸຕິທໍາເມືອງ ພຽງ ແລະ ທີມງານຂອງພະແນກຍຸຕິທໍາແຂວງ ພ້ອມດ້ວຍການຈັດຕັ້ງບ້ານ ແລະ ປະຊາຊົນພາຍໃນບ້ານເຂົ້າຮ່ວມຈໍານວນ 43 ທ່ານ, ຍິງ 23 ທ່ານ.

ພະແນກຍຸຕິທໍາແຂວງ ໄຊຍະບູລີ ລົງໃຫ້ຄໍາປຶກສາທາງດ້ານກົດໝາຍ ແລະ ໂຄສະນາເຜີຍແຜ່ກົດໝາຍ ທີ່ບ້ານ ຫ້ວຍຊ່າວ ເມືອງ ໄຊຍະບູລີ.

          ໃນຕອນເຊົ້າຂອງວັນທີ 24 ມີນາ 2021 ຜ່ານມາ ພະແນກຍຸຕິທໍາແຂວງ ໄດ້ລົງໃຫ້ຄໍາປຶກສາທາງດ້ານກົດໝາຍ ແລະ ໂຄສະນາເຜີຍແຜ່ກົດໝາຍ ໃຫ້ແກ່ປະຊາຊົນ ຢູ່ບ້ານ ຫ້ວຍຊ່າວ ເມືອງ ແລະ ແຂວງ ໄຊຍະບູລີ. ໂດຍການເປັນປະທານຂອງ ທ່ານ ສົມລິດ ອ່ອນຕາ ຮອງຫົວໜ້າພະແນກຍຸຕິທໍາແຂວງ ຜູ້ຊີ້ນໍາວຽກງານກົດໝາຍ, ມີພະນັກງານຫ້ອງການຍຸຕິທໍາເມືອງ ແລະ ທີມງານຂອງພະແນກຍຸຕິທໍາແຂວງ ພ້ອມດ້ວຍການຈັດຕັ້ງບ້ານ ແລະ ປະຊາຊົນພາຍໃນບ້ານເຂົ້າຮ່ວມ 57 ທ່ານ, ຍິງ 40 ທ່ານ.

ກອງປະຊຸມປຶກສາຫາລືກ່ຽວກັບການເກັບກໍາຂໍ້ມູນວຽກງານເຕັກໂນໂລຊີ ແລະ ຂໍ້ມູນຂ່າວສານ

          ໃນຕອນບ່າຍຂອງ ວັນທີ 22 ມີນາ 2021 ຜ່ານມາ ຢູ່ທີ່ຫ້ອງປະຊຸມພະແນກຍຸຕິທໍາແຂວງ ໄຊຍະບູລີ ໄດ້ເປີດກອງປະຊຸມປຶກສາຫາລື ແລະ ເກັບກໍາຂໍ້ມູນກ່ຽວກັບວຽກງານເຕັກໂນໂລຊີ ແລະ ຂໍ້ມູນຂ່າວສານ ຂຶ້ນ ໂດຍການເປັນປະທານຮ່ວມ ຂອງ ທ່ານ ກາວີ ເກດດົມລິ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ ໄຊຍະບູລີ ແລະ ທ່ານ ແສງພະຈັນ ວົງໂພທອງ ຮອງຫົວໜ້າຫ້ອງການ ກະຊວງຍຸຕິທໍາ ມີຮອງຫົວໜ້າພະແນກຍຸຕິທໍາ, ຫົວໜ້າຂະແໜງ, ຮອງຫົວໜ້າຂະແໜງ, ພະນັກງານວິຊາການຂອງພະແນກຍຸຕິທໍາ ພ້ອມດ້ວຍທີມງານຂອງກະຊວງຍຸຕິທໍາ ເຂົ້າຮ່ວມທັງໝົດ 38 ທ່ານ, ຍິງ 14 ທ່ານ.

ພະແນກຍຸຕິທໍາແຂວງ ໄຊຍະບູລີ ໂຄສະນາເຜີຍແຜ່ກົດໝາຍ ແລະ ໃຫ້ຄຳປຶກສາທາງດ້ານກົດໝາຍໃຫ້ປະຊາຊົນ

          ໃນຕອນເຊົ້າຂອງວັນທີ 23 ມີນາ 2021 ພະແນກຍຸຕິທໍາ ໄດ້ລົງໃຫ້ຄໍາປຶກສາທາງດ້ານກົດໝາຍ ແລະ ໂຄສະນາເຜີຍແຜ່ກົດໝາຍ ໃຫ້ແກ່ປະຊາຊົນ ຢູ່ບ້ານຫ້ວຍເພາະ ເມືອງ ແລະ ແຂວງໄຊຍະບູລີ ນຳພາໂດຍ ທ່ານ ສົມລິດ ອ່ອນຕາ ຮອງຫົວໜ້າພະແນກຍຸຕິທໍາແຂວງ ຜູ້ຊີ້ນໍາວຽກງານກົດໝາຍ ມີພະນັກງານຫ້ອງການຍຸຕິທໍາ ແລະ ວິຊາການຂອງພະແນກຍຸຕິທໍາແຂວງ ພ້ອມດ້ວຍການຈັດຕັ້ງບ້ານ ແລະ ປະຊາຊົນພາຍໃນບ້ານເຂົ້າຮ່ວມ 98 ຄົນ ຍິງ 61 ຄົນ.

ພະແນກຍຸຕິທໍາແຂວງ ໄຊຍະບູລີ ມອບເງິນຊຸກຍູ້ວຽກງານຍຸຕິທໍາຮາກຖານ ປີ 2021

          ໃນຕອນເຊົ້າຂອງວັນທີ 19 ມີນາ 2021 ທີ່ຜ່ານມາຢູ່ທີ່ພະແນກຍຸຕິທໍາ ໄດ້ຈັດພິທີມອບ-ຮັບເງິນຊຸກຍູ້ວຽກງານຍຸຕິທໍາຮາກຖານ ປະຈໍາປີ 2021 ຂຶ້ນ ໂດຍການເປັນປະທານມອບຂອງ ທ່ານ ກາວີ ເກດດົມລິ ກໍາມະການພັກແຂວງ ຫົວໜ້າພະແນກຍຸຕິທໍາ ແຂວງ ໄຊຍະບູລີ ມີຮອງຫົວໜ້າພະແນກ, ຫົວໜ້າ, ຮອງຫົວໜ້າຂະແໜງ, ຫົວໜ້າຫ້ອງການຍຸຕິທໍາ 11 ເມືອງ ພ້ອມດ້ວຍພະນັກງານ-ວິຊາການ ທີ່ກ່ຽວຂ້ອງເຂົ້າຮ່ວມ.

ພະແນກຍຸຕິທໍາແຂວງ ໄຊຍະບູລີ ສອບເສັງຄັດເລືອກເອົາລັດຖະກອນໃຫມ່

          ໃນຕອນເຊົ້າວັນທີ 12 ມີນາ 2021 ພະແນກຍຸຕິທໍາ ໄດ້ຈັດພິທີສອບເສັງຄັດເລືອກເອົາລັດຖະກອນໃຫມ່ ປະຈໍາປີ 2021 ຂຶ້ນ ທີ່ຫ້ອງປະຊຸມຂອງພະແນກຍຸຕິທໍາແຂວງ ໂດຍການເປັນປະທານ ຂອງ ທ່ານ ບຸນລ້ຽງ ດວງສົມພອນ ຮອງຫົວໜ້າພະແນກຍຸຕິທໍາ ແຂວງ ໄຊຍະບູລີ ມີຄະນະກໍາມະການຮັບຜິດຊອບສອບເສັງ ພະນັກງານ-ວິຊາການ ທີ່ກ່ຽວຂ້ອງ ແລະ ນັກສອບເສັງເຂົ້າຮ່ວມ.

Pages