ຂ່າວການເຄື່ອນໄຫວ ແລະ ບົດຄວາມອື່ນໆ

ກອງປະຊຸມສ້າງແຜນກໍານົດພະນັກງານນໍາພາ-ຄຸ້ມຄອງ ຂັ້ນແຂວງຄູ້ມຄອງ ພະແນກຍຸຕິທໍາ ແຂວງໄຊຍະບູລີ

          ໃນວັນທີ 22-23 ກໍລະກົດ 2021 ຜ່ານມາ ພະແນກຍຸຕິທໍາແຂວງ ໄຊຍະບູລີ ໄດ້ເປີດກອງປະຊຸມ ສ້າງແຜນກໍານົດຕ່ຳແໜ່ງງານພະນັກງານນໍາພາ-ຄຸ້ມຄອງ ຂັ້ນແຂວງ ຄຸ້ມຄອງ ແຕ່ປີ 2021-2025 ໂດຍການເປັນປະທານຮ່ວມ ຂອງທ່ານ ສີລິວັດທະນາ ສົມພັນ ຫົວໜ້າພະແນກພາຍໃນ, ທ່ານ ອໍານວຍພອນ ປັນຍາສະຫວັດ ຮອງຫົວໜ້າກົມຈັດຕັ້ງ ແລະ ພະນັງານ ກະຊວງຍຸຕິທຳ ທ່ານ ກາວີ ເກດດົມລິ ກໍາມະການພັກແຂວງ ເລຂາໜ່ວຍພັກ ຫົວໜ້າ ພະແນກຍຸຕິທໍາແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມທັງໝົດ 48 ຄົນ, ຍິງ 18 ຄົນ.

ເຜີຍແຜ່ເອກະສານກ່ຽວກັບການສ້າງນິຕິກໍາໃຫ້ພະນັກງານຫຼັກແຫຼ່ງເມືອງ ປາກລາຍ

          ໃນວັນທີ 8 ກໍລະກົດ 2021 ພະແນກຍຸຕິທໍາແຂວງ ໄຊຍະບູລີ ໄດ້ຈັດກອງປະຊຸມເຜີຍແຜ່ເອກະສານກ່ຽວກັບການສ້າງນິຕິກໍາໃຫ້ພະນັກງານຫຼັກແຫຼ່ງຂອງເມືອງ ປາກລາຍ ຢູ່ທີ່ຫ້ອງວ່າການປົກຄອງເມືອງ ປາກລາຍ ໂດຍການເປັນປະທານຮ່ວມ ຂອງ ທ່ານ ກາວີ ເກດດົມລິ ຫົວໜ້າພະແນກຍຸຕິທໍາແຂວງ ໄຊຍະບູລີ ແລະ ທ່ານ ສົມດີ ພົງສະຫວັນ ຫົວໜ້າອົງການກວດກາລັດເມືອງ ປາກລາຍ, ເຂົ້າຮ່ວມມີ ຮອງເຈົ້າເມືອງ, ຫົວໜ້າ, ຮອງຫົວໜ້າຫ້ອງການ, ອົງການ, ກົມກອງອ້ອມຂ້າງເມືອງ, ແລະ ນາຍບ້ານ 24 ບ້ານພາຍໃນເທດສະບານເມືອງ ເຂົ້າຮ່ວມທັງໝົດ 92 ທ່ານ, ຍິງ 23 ທ່ານ.

ເມືອງ ເງິນ ປິດຊຸດຝຶກອົບຮົມກົດໝາຍ 45 ວັນ

          ໃນວັນທີ 2 ກໍລະກົດ 2021 ຜ່ານມາ ຫ້ອງການຍຸຕິທໍາເມືອງ ເງິນ ໄດ້ຈັດພິທີປິດຊຸດຝຶກອົບຮົມກົດໝາຍ ບຳລຸງ 45 ວັນ ຊຸດທີ II ປະຈໍາປີ 2021 ຂຶ້ນ ຢູ່ທີ່ສະໂມສອນຂອງເມືອງ ໂດຍການເປັນປະທານຮ່ວມຂອງ ທ່ານ ກາວີ ເກດດົມລິ ຫົວໜ້າພະແນກຍຸຕິທໍາແຂວງ ໄຊຍະບູລີ ແລະ ທ່ານ ທະວີສັກ ໄຊຍະວົງ ວ່າການເຈົ້າເມືອງ ເງິນ ມີ ຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການອ້ອມຂ້າງເມືອງ, ຄູ-ອາຈານ ແລະ ຜູ້ເຂົ້າຮ່ວມຝຶກອົບຮົມ ເຂົ້າຮ່ວມ ທັງໝົດ 79 ທ່ານ, ຍິງ 13 ທ່ານ.

ພະແນກຍຸຕິທໍາແຂວງ ໄຊຍະບູລີ ສະຫຼຸບວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2021

          ໃນຕອນເຊົ້າຂອງວັນທີ 21 ມິຖຸນາ 2021 ຜ່ານມາ ຢູ່ທີ່ຫ້ອງປະຊຸມຂອງພະແນກຍຸຕິທໍາແຂວງ ໄຊຍະບູລີ ໄດ້ຈັດກອງປະຊຸມ ສະຫຼຸບວຽກງານ 6 ເດືອນຕົ້ນປີ-ແຜນການ 6 ເດືອນທ້າຍປີ 2021 ຂຶ້ນ ໂດຍການເປັນປະທານຂອງ ທ່ານ ກາວີ ເກດດົມລິ ຫົວໜ້າພະແນກຍຸຕິທໍາແຂວງ ໄຊຍະບູລີ ມີພະນັກງານ-ລັດຖະກອນພາຍໃນພະແນກເຂົ້າຮ່ວມ.

ພະແນກຍຸຕິທໍາ ແຂວງໄຊຍະບູລີລົງຊ່ວຍເຫຼືອປະຊາຊົນທີ່ຖືກຜົນກະທົບໄພນໍ້າຖ້ວມ

          ໃນລະຫວ່າງວັນທີ 15 - 17 ມິຖຸນາ 2021 ​ ພະແນກຍຸຕິທໍາແຂວງ ໄຊຍະບູລີ ນໍາໂດຍ ທ່ານ ກາວີ ເກດດົມລິ ຫົວໜ້າພະແນກຍຸຕິທໍາແຂວງ ໄຊຍະບູລີ ພ້ອມດ້ວຍຄະນະພະແນກ ແລະ ພະນັກງານ-ລັດຖະກອນທັງໝົດ ໄດ້ລົງຊ່ວຍເຫຼືອປະຊາຊົນຢູ່ບ້ານປົ່ງ ເມືອງ ໄຊຍະບູລີ ຕາມການມອບໝາຍ ແລະ ແບ່ງຄວາມຮັບຜິດຊອບຂອງອົງການປົກຄອງແຂວງ ໄຊຍະບູລີ ໃນການຊ່ວຍເຫຼືອປະຊາຊົນພາຍໃນແຂວງ ທີ່ຖືກຜົນກະທົບໄພນໍ້າຖ້ວມໃນຄັ້ງນີ້.

ເມືອງ ໄຊສະຖານ ແຂວງ ໄຊຍະບູລີ ສ້າງຕັ້ງໜ່ວຍງານທະບຽນສານ

       ໃນວັນທີ 11 ມິຖຸນາ 2021 ​ ຢູ່ທີ່ຫ້ອງປະຊຸມຂອງຫ້ອງວ່າການປົກຄອງເມືອງ ໄຊສະຖານ ແຂວງ ໄຊຍະບູລີ  ໄດ້ຈັດພິທີເປີດໜ່ວຍງານທະບຽນສານ ຂອງຫ້ອງການຍຸຕິທໍາເມືອງ ໄຊສະຖານ ຂຶ້ນ ໂດຍການເປັນປະທານຮ່ວມຂອງ ທ່ານ ກາວີ ເກດດົມລິ ຫົວໜ້າພະແນກຍຸຕິທໍາ ​ແຂວງ ​ໄຊ​ຍະ​ບູລີແລະ ​ທ່ານ ສີສະໝອນ ນາມວົງ ​ວ່າການເຈົ້າ​ເມືອງ​ ໄຊສະຖານ ມີຄະນະ​ປະ​ຈໍາພັກ​ເມືອງ, ກໍາມະການ​ພັກ​ເມືອງ, ຫົວໜ້າ, ຮອງຫົວໜ້າຫ້ອງການ, ພະນັກງານ-ລັດຖະກອນ ອ້ອມຂ້າງ​ເມືອງ, ນາຍບ້ານເທດສະບານເມືອງ ແລະ ນັກທຸລະກິດ, ຜູ້ປະກອບການ ເຂົ້າຮ່ວມທັງໝົດ 78 ທ່ານ, ຍິງ  24 ທ່ານ.

ພະແນກຍຸຕິທໍາແຂວງ ໄຊຍະບູລີ ປາຖະກະຖາ ມູນເຊື້ອວັນສ້າງຕັ້ງ ອົງການກວດກາພັກ-ລັດ ຄົບຮອບ 39 ປີ

          ໃນຕອນເຊົ້າວັນທີ 29 ມີນາ 2021 ຜ່ານມາ ພະແນກຍຸຕິທໍາແຂວງ ໄຊຍະບູລີ ໄດ້ຈັດຕັ້ງພິທີປາຖະກະຖາ ມູນເຊື້ອວັນສ້າງຕັ້ງ ອົງການກວດກາພັກ-ລັດ ຄົບຮອບ 39 ປີ (16 ກຸມພາ 1982 - 16 ກຸມພາ 2021) ໂດຍການເປັນປະທານ ຂອງ ສະຫາຍ ບຸນລ້ຽງ ດວງສົມພອນ ຮອງເລຂາໜ່ວຍພັກ, ປະທານກວດກາໜ່ວຍພັກພະແນກຍຸຕິທໍາ, ມີຮອງຫົວໜ້າພະແນກຍຸຕິທໍາແຂວງ ໄຊຍະບູລີ ມີຄະນະໜ່ວຍພັກ, ຮອງປະທານກວດກາ, ສະມາຊິກພັກພະນັກງານ-ລັດຖະກອນ ເຂົ້າຮ່ວມທັງໝົດ 28 ສະຫາຍ, ຍິງ11 ສະຫາຍ.

ພະແນກຍຸຕິທໍາແຂວງ ໄຊຍະບູລີ ການລົງໃຫ້ຄໍາປຶກສາທາງດ້ານກົດໝາຍ ແລະ ການໂຄສະນາເຜີຍແຜ່ກົດໝາຍ ທີ່ບ້ານ ກິ່ວແຄ່ມ ເມືອງ ພຽງ.

          ໃນຕອນເຊົ້າຂອງວັນທີ 25 ມີນາ 2021 ຜ່ານມາ ພະແນກຍຸຕິທໍາແຂວງ ໄດ້ລົງໃຫ້ຄໍາປຶກສາທາງດ້ານກົດໝາຍ ແລະ ໂຄສະນາເຜີຍແຜ່ກົດໝາຍ ໃຫ້ແກ່ປະຊາຊົນ ຢູ່ບ້ານ ກິ່ວແຄ່ມ ເມືອງ ພຽງ ແຂວງ ໄຊຍະບູລີ. ໂດຍການເປັນປະທານຂອງ ທ່ານ ສົມລິດ ອ່ອນຕາ ຮອງຫົວໜ້າພະແນກຍຸຕິທໍາແຂວງ ຜູ້ຊີ້ນໍາວຽກງານກົດໝາຍ, ມີພະນັກງານຫ້ອງການຍຸຕິທໍາເມືອງ ພຽງ ແລະ ທີມງານຂອງພະແນກຍຸຕິທໍາແຂວງ ພ້ອມດ້ວຍການຈັດຕັ້ງບ້ານ ແລະ ປະຊາຊົນພາຍໃນບ້ານເຂົ້າຮ່ວມຈໍານວນ 43 ທ່ານ, ຍິງ 23 ທ່ານ.

Pages