ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທໍາແຂວງ ອັດຕະປື ເຊື່ອມຊຶມເອກະສານສໍາຄັນຂອງພັກໃຫ້ສະມາຊິກພັກ-ພະນັກງານ

          ໃນວັນທີ 30 ມິຖຸນາ 2021 ພະແນກຍຸຕິທໍາແຂວງ ອັດຕະປື ໄດ້ຈັດພິທີເຊື່ອມຊຶມຜັນຂະຫຍາຍເອກະສານສໍາຄັນຂອງພັກ ໂດຍການເປັນປະທານ ແລະ ເຜີຍແຜ່ເຊື່ອມຊຶມເອກະສານ ຂອງສະຫາຍ ນາງ ບຸນນານ ບຸນນະແສງ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ອັດຕະປື, ມີ ສະຫາຍ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ພ້ອມດ້ວຍສະມາຊິກພັກ, ພະນັກງານ-ລັດຖະກອນ ພາຍໃນພະແນກຍຸຕິທຳແຂວງ ອັດຕະປື ເຂົ້າຮ່ວມ.

ພະແນກຍຸຕິທໍາແຂວງ ອັດຕະປື ປະເມີນຜົນພະນັກງານ-ລັດຖະກອນ

          ໃນຕອນເຊົ້າວັນທີ 23 ມິຖຸນາ 2021 ຢູ່ທີ່ຫ້ອງປະຊຸມພະແນກຍຸຕິທໍາແຂວງ ອັດຕະປື ໄດ້ຈັດກອງປະຊຸມປະເມີນຜົນພະນັກງານ-ລັດຖະກອນ ໂດຍການເປັນປະທານ ຂອງ ທ່ານ ຄໍາຫຼ້າ ແກ້ວວັນສອນ ຫົວໜ້າພະແນກຍຸຕິທໍາແຂວງ ອັດຕະປື ມີທ່ານ ນາງ ດວງໄຊ ສີວົງສາ ຮອງຫົວໜ້າພະແນກພາຍໃນແຂວງ, ຄະນະພະແນກ, ຫົວໜ້າ, ຮອງຫົວໜ້າຂະແໜງ ແລະ ພະນັກງານວິຊາການ ຈາກພາກສ່ວນທີ່ຂ້ອງເຂົ້າຮ່ວມ ທັງໝົດ 17 ທ່ານ, ຍິງ 6 ທ່ານ.

ຫົວໜ້າພະແນກຍຸຕິທຳແຂວງ ອັດຕະປື ລົງຕິດຕາມຊຸກຍູ້ການຮຽນ-ການສອນກົດໝາຍໄລຍະສັ້ນ 45 ວັນ.

          ໃນຕອນເຊົ້າ ວັນທີ 25 ມີນາ 2021 ຜ່ານມາ ທ່ານ ຄຳຫຼ້າ ແກ້ວວັນວອນ ຫົວໜ້າພະແນກຍຸຕິທຳແຂວງ ໄດ້ລົງຕິດຕາມຊຸກຍູ້ການຮຽນ-ການສອນ ຊຸດຝືກອົບຮົມກົດໝາຍໄລຍະສັ້ນ 45 ວັນ ຊຸດທີ II ປະຈຳປີ 2021 ຢູ່ບ້ານ ເວີນແຄນ ເມືອງ ສາມັກຄີໄຊ ແຂວງ ອັດຕະປື. ການຝືກອົບຮົມໃນຄັ້ງນີ້ ມີຜູ້ເຂົ້າຮ່ວມຝຶກອົບຮົມທັງໝົດ 35 ທ່ານ, ຍິງ 13 ທ່ານ. ໃນນັ້ນ, ມາຈາກຮາກຖານບ້ານ 9 ບ້ານ ແລະ ຈາກຫ້ອງການອ້ອມຂ້າງເມືອງ 11 ຫ້ອງການ.

ຫ້ອງການຍຸຕິທຳເມືອງ ສາມັກຄີໄຊ ເປີດຊຸດຝືກອົບຮົມກົດໝາຍໄລຍະສັ້ນ 45 ວັນ

          ໃນຕອນເຊົ້າຂອງວັນທີ 12 ມີນາ 2021 ຢູ່ເມືອງ ສາມັກຄີໄຊ ແຂວງ ອັດຕະປື ໄດ້ເປີດຊຸດຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ II ຂຶ້ນທີ່ຫ້ອງການປົກຄອງບ້ານ ເວີນແຄນ ໂດຍການເປັນປະທານຮ່ວມຂອງ ທ່ານ ຄຳໝັ້ນ ສີສະໝຸດ ຮອງເຈົ້າເມືອງ ສາມັກຄີໄຊ ຜູ້ຊີ້ ນຳວຽກງານພັກ-ພະນັກງານ, ທ່ານ ວັນນະເລດ ວິໄລພົນ ຮອງຫົວໜ້າພະແນກຍຸຕິທຳແຂວງ, ມີຄະນະຮັບຜິດຊອບຂັ້ນເມືອງ, ຄູຝຶກ ແລະ ນັກຝຶກອົມຮົມເຂົ້າຮ່ວມ.

ຫ້ອງການຍຸຕິທຳເມືອງ ພູວົງ ເປີດຝືກອົມຮົມກົດໝາຍໄລຍະສັ້ນ 45 ວັນ ໃຫ້ຮາກຖານບ້ານ ຊຸດທີ II

          ໃນຕອນບ່າຍ ວັນທີ 27 ມັງກອນ 2021 ທີ່ຜ່ານມາ, ຫ້ອງການຍຸຕິທຳເມືອງ ພູວົງ ແຂວງ ອັດຕະປື ໄດ້ຈັດພິທີເປີດຊຸດຝືກຮົມກົດໝາຍໄລຍະສັ້ນ 45 ວັນ ຂຶ້ນທີ່ບ້ານ ສົມບູນ. ໃຫ້ກຽດເປັນປະທານ ຂອງທ່ານ ຄຳຊຽງ ພິມມະຈັນ ຄະນະປະຈຳພັກເມືອງ ຮອງເຈົ້າເມືອງ ພູວົງ ທັງເປັນຜູ້ຊີ້ນຳວຽກງານຂົງເຂດວັດທະນະທຳ-ສັງຄົມ, ໃຫ້ກຽດເຂົ້າຮ່ວມມີທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ, ທ່ານ ວັນນະສັກ ວິໄລເນືອງ ຫົວໜ້າຫ້ອງການຍຸຕິທຳເມືອງ ພູວົງ, ມີບັນດາຄະນະປະຈຳ, ຄະນະພັກ ຫົວໜ້າຂະແໜງ, ຫົວໜ້າ ແລະ ຮອງຫົວໜ້າຫ້ອງການອ້ອມຂ້າງເມືອງ, ຫົວໜ້າ ແລະ ຮອງກອງບັນຊາການ ປກຊ-ປກສ ແລະ ຜູ້ເຂົ້າຮ່ວມຝຶກອົບຮົມທີ່ມາຈາກບ້ານ ສົມບູນເຂົ້າຮ່ວມຢ່າງພ້ອມພຽງ.

ພະແນກຍຸຕິທຳແຂວງ ຈັດກອງປະຊຸມສະຫຼຸບວຽກງານຍຸຕິທຳຮາກຖານ ປະຈຳປີ 2020 ແລະ ວາງທິດທາງ ແຜນການ ປີ 2021

          ໃນຕອນເຊົ້າ ວັນທີ 12 ມັງກອນ 2021 ຜ່ານມາ ພະແນກຍຸຕິທຳແຂວງອັດຕະປື ໄດ້ຈັດກອງປະຊຸມສະຫຼຸບການເຄື່ອນໄຫວວຽກງານຍຸຕິທຳຮາກຖານ ປະຈຳສົກປີ 2020 ແລະ ວາງທິດທາງແຜນການ ປະຈຳປີ 2021 ໂດຍການເປັນປະທານຂອງ ທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ, ເຂົ້າຮ່ວມມີ ຄະນະພະແນກ, ຫົວໜ້າຫ້ອງການຍຸຕິທຳ 5 ຕົວເມືອງ, ຫົວໜ້າຂະແໜງ, ຮອງຂະແໜງ ພ້ອມດ້ວຍພະນັກງານວິຊາການເຂົ້າຮ່ວມຢ່າງພ້ອມພຽງ.

ຄະນະໜ່ວຍຊາວໜຸ່ມ ພະແນກຍຸຕິທຳແຂວງ ອັດຕະປື ຮັບນາມມະຍົດ 4 ບຸກ.

ໃນວັນທີ 9 ທັນວາ 2020 ທີ່ຜ່ານມານີ້, ຄະນະໜ່ວຍຊາວໜຸ່ມປະຊາຊົນ ປະຕິວັດລາວ ພະແນກຍຸຕິທຳແຂວງ ອັດຕະປື ໄດ້ຈັດພິທີ ມອບ-ຮັບ ໃບຢັ້ງຢຶນ 4 ບຸກ ຄັ້ງທີ III ຂຶ້ນຢູ່ທີ່ສະໂມສອນພະແນກຍຸຕິທຳ. ພາຍໃຕ້ການເປັນປະທານຂອງ ສະຫາຍ ວິໄລ ໄຊຍະວົງສາ ຄະນະບໍລິຫານງານຊາວໜຸ່ມແຂວງ, ເລຂາໜ່ວຍຊາວໜຸ່ມພະແນກຍຸຕິທຳແຂວງ. ໃຫ້ກຽດເຂົ້າຮ່ວມໂດຍ: ສະຫາຍ ຄຳພາສີ ເວັນມະສອນ ຮອງເລຂາຄະນະບໍລິຫານງານຊາວໜຸ່ມແຂວງ, ມີສະຫາຍ ຄຳຫຼ້າ ແກ້ວວັນສອນ ຫົວໜ້າພະແນກຍຸຕິທຳແຂວງ, ມີແຂກຖືກເຊີນ, ພ້ອມດ້ວຍສະມາຊິກຊາວໜຸ່ມເຂົ້າຮ່ວມ 23 ສະຫາຍ, ຍິງ 9 ສະຫາຍ.

ພະແນກຍຸຕິທຳແຂວງ ອັດຕະປື ປະເມີນ ແລະ ສະຫຼຸບການຈັດຕັ້ງປະຕິບັດວຽກງານພາຍໃນພັກໃນໜຶ່ງປີຜ່ານມາ

ໃນວັນທີ 24-25 ພະຈິກ 2020 ຜ່ານມານີີ້ ໜ່ວຍພັກພະແນກຍຸຕິທຳແຂວງ ອັດຕະປື ໄດ້ຈັດກອງປະຊຸມປະເມີນສະມາຊິກພັກ ແລະ ໜ່ວຍພັກປະຈຳປີ 2020 ຂື້ນ ທີ່ຫ້ອງປະຊຸມພະແນກຍຸຕິທຳແຂວງ ໂດຍການເປັນປະທານຂອງ ສະຫາຍ ຄຳຫຼ້າ ແກ້ວວັນສອນ ເລຂາໜ່ວຍພັກພະແນກຍຸຕິທຳແຂວງ ອັດຕະປື ມີຄະນະພັກ ແລະ ສະມາຊິກພັກເຂົ້າຮ່ວມ.

ພະແນກຍຸຕິທຳແຂວງ ອັດຕະປື ຈັດກອງປະຊຸມປະກອບຄຳເຫັນໃສ່ຮ່າງນິຕິກຳ

ໃນຕອນເຊົ້າ ຂອງວັນທີ 17 ພະຈິກ 2020 ທີ່ຫ້ອງປະຊຸມພະແນກຍຸຕິທຳແຂວງ ໄດ້ຈັດກອງປະຊຸມຄົ້ນຄວ້າ ແລະ ປະກອບຄຳເຫັນໃສ່ຮ່າງນິຕິກຳໃຕ້ກົດໝາຍ. ໃຫ້ກຽດເປັນປະທານໂດຍ ທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ, ເຂົ້າຮ່ວມມີຄະນະພະແນກ, ຫົວໜ້າຂະແໜງ, ຮອງຂະແໜງ ແລະ ພະນັກງານວິຊາການ ທັງໝົດ 9 ທ່ານ ຍິງ 2 ທ່ານ.

ກຳມະບານຮາກຖານ ພະແນກຍຸຕິທຳແຂວງ ອັດຕະປື ເປີດກອງປະຊຸມປະເມີນ ແລະ ສະຫຼຸບຜົນການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ປະຈຳປີ 2020

ໃນຕອນເຊົ້າ ຂອງວັນທີ 29 ກັນຍາ 2020 ທີ່ຜ່ານມາ ຮາກຖານກຳມະບານພະແນກຍຸຕິທຳແຂວງ ອັດຕະປື ໄດ້ເປີດກອງປະຊຸມສະຫຼຸບການເຄື່ອນໄຫວວຽກງານ ແລະ ປະເມີນຂໍ້ແຂ່ງຂັນ 5 ເປັນເຈົ້າ ປະຈຳປີ 2020 ແລະ ວາງທິດທາງປະຈຳປີ 2021 ຂຶ້ນ ຢູ່ທີ່ຫ້ອງປະຊຸມຂອງພະແນກຍຸຕິທຳແຂວງ ໂດຍໃຫ້ກຽດເປັນປະທານຂອງ ສະຫາຍ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ປະທານຮາກຖານກຳມະບານ ແລະ ສະມາຊິກກຳມະບານຂອງພະແນກຍຸຕິທຳເຂົ້າຮ່ວມຢ່າງພ້ອມພຽງ.

Pages