ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳແຂວງ ຫົວພັນ ຍົກລະດັບຄວາມຮູ້ທາງດ້ານກົດໝາຍ ໃຫ້ແກ່ພະນັກງານການນຳ, ພະນັກງານຫຼັກແຫຼ່ງຂັ້ນແຂວງ

          ເພື່ອເຮັດໃຫ້ພະນັກງານການນຳຂອງເມືອງ, ພະນັກງານຫຼັກແຫຼ່ງຂັ້ນແຂວງໄດ້ຮັບຮູ້, ເຂົ້າໃຈຕໍ່ກັບລັດຖະທຳມະນູນ ແລະ ກົດໝາຍ ທັງເປັນການຍົກສູງບົດບາດການນຳພາຢູ່ຂັ້ນຕ່າງໆໃຫ້ຖືກຕ້ອງສອດຄ່ອງຕາມລັດຖະທຳມະນູນ ແລະ ກົດໝາຍນັ້ນ, ໃນວັນທີ 4 ເມສາ 2022 ນີ້.

ແຂວງ ຫົວພັນ ສະຫຼຸບວຽກງານຍຸຕິທຳ ປະຈໍາປີ 2021 ແລະ ວາງທິດທາງແຜນການ ປະຈໍາປີ 2022

          ໃນວັນທີ 29 ມີນາ 2022 ນີ້, ພະແນກຍຸຕິທໍາແຂວງ ຫົວພັນ ເປີດກອງກອງປະຊຸມສະຫຼຸບວຽກງານຍຸຕິທໍາທົ່ວແຂວງ ຫົວພັນ ປະຈໍາປີ 2021 ຂື້ນຢູ່ທີ່ຫ້ອງປະຊຸມ ຂອງຫໍວັດທະນະທຳແຂວງ ໂດຍການເປັນປະທານຂອງທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທໍາແຂວງ, ເປັນກຽດເຂົ້າຮ່ວມຂອງທ່ານ ນາງ ອຳໄພວອນ ລ້ອມບຸນແພງ ກໍາມະການສໍາຮອງສູນກາງພັກ, ຮອງເລຂາພັກແຂວງ, ປະທານສະພາປະຊາຊົນແຂວງ ຫົວພັນ ມີບັນດາທ່ານຜູ່ຕາງໜ້າຈາກສະພາປະຊາຊົນແຂວງ, ອົງການໄອຍະການປະຊາຊົນແຂວງ, ຫົວໜ້າ, ຮອງຫົວໜ້າຫ້ອງການຍຸຕິທໍາ10 ເມືອງ ທົ່ວແຂວງ ແລະ ພ້ອມດ້ວຍພະນັກງານ-ລັດຖະກອນຢ່າງພ້ອມພຽງ.

ໜ່ວຍພັກພະແນກຍຸຕິທໍາແຂວງ ຫົວພັນ ຈັດພິທີປະກາດຮອງເລຂາ-ປະທານກວດກາ ແລະ ຮອງປະທານກວດກາ

          ໃນວັນທີ 27 ມີນາ 2022 ນີ້ ພະແນກຍຸຕິທໍາແຂວງ ຫົວພັນ ໄດ້ຈັດພິທີປະກາດການຈັດຕັ້ງ ຮອງເລຂາໜ່ວຍພັກ-ປະທານກວດກາ ແລະ ຮອງປະທານກວດກາ, ໜ່ວຍພັກພະແນກຍຸຕິທໍາ ເປັນກຽດເຂົ້າຮ່ວມເປັນປະທານຂອງ ສະຫາຍ ນາງ ລ້ອງຄໍາ ພອນມີໄຊ ຄະນະປະຈໍາພັກແຂວງ, ຫົວໜ້າຄະນະຈັດຕັ້ງແຂວງ, ມີຄະນະກວດກາພັກ, ໂຄສະນາອົບຮົມແຂວງ, ຄະນະພັກ ແລະ ສະມາຊິກພັກສົມບູນ, ສໍາຮອງຂອງພະແນກຍຸຕິທໍາເຂົ້າຮ່ວມ.

ພະແນກຍຸຕິທຳສຳເລັດກອງປະຊຸມທາບທາມການຂື້ນແຜນກຳນົດພະນັກງານນຳພາ-ຄຸ້ມຄອງ

          ໃນວັນທີ 16 ກຸມພາ 2022 ນີ້, ພະແນກຍຸຕິທຳແຂວງຫົວພັນສຳເລັດກອງປະຊຸມທາບທາມການຂື້ນແຜນກຳນົດພະນັກງານນຳພາ-ຄຸ້ມຄອງ2021 ຫາ 2025ຂື້ນ, ຢູ່ທີຫ້ອງປະຊຸມຂອງພະແນກ ໂດຍພາຍໃຕ້ການເປັນປະທານຂອງທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທຳ ເປັນກຽດເຂົ້າຂອງທ່ານ ນ. ລ້ອງຄຳ ພອນມີໄຊ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ. ມີຜູ້ຕາງໜ້າຈາກາກຄະນະຈັດຕັ້ງແຂວງ, ພະແນກກວດກາພັກ-ລັດແຂວງ ແລະ ສະມາຊິກພັກ-ພະນັກງານລັດຖະກອນເຂົ້າຮ່ວມນຳ.

ແຂວງ ຫົວພັນ ຝຶກອົບຮົມການເຊື່ອມເອົາບົດບາດຍິງ-ຊາຍເຂົ້າໃນວຽກງານການແກ້ໄຂຂໍ້ຂັດແຍ່ງຂັ້ນບ້ານ

          ໃນວັນທີ 16 - 19 ພະຈິກ 2021 ນີ້, ທີມງານຄະນະຮັບຜິດຊອບໂຄງການສ້າງຄວາມເຂັ້ມແຂງໃຫ້ກັບວຽກງານແກ້ໄຂຂໍ້ຂັດແຍ່ງຂັ້ນບ້ານຢູ່ແຂວງ ຫົວພັນ ເຂົ້້າຮ່ວມຝຶກອົບຮົມການເຊື່ອມເອົາບົດບາດຍິງ-ຊາຍເຂົ້າໃນວຽກງານການແກ້ໄຂຂໍ້ຂັດແຍ່ງຂັ້ນບ້ານຂື້ນ ຢູ່ທີ່ຫ້ອງປະຊຸມພະແນກຍຸຕິທຳແຂວງ (ໂດຍຜ່ານລະບົບປະຊຸມອອນລາຍທາງໄກ) ຈັດໂດຍ ອົງການມິດຕະພາບເມັນໂນນາຍ ຕາງໜ້າຄູຝຶກຈາກສະມະຄົມແມ່ຍິງ ແລະ ສຶກສາດ້ານກົດໝາຍ ຊື່ງໄດ້ຮັບທຶນຈາກກອງທຶນລັດຖະບານການາດາ.

ກອງປະຊຸມລາຍງານຄວາມຄືບໜ້າການຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ກັບວຽກງານການແກ້ໄຂຂໍ້ຂັດແຍ່ງຂັ້ນບ້ານ

          ໃນວັນທີ 9 ກໍລະກົດ 2021 ຜ່ານມານີ້. ພະແນກຍຸຕິທໍາແຂວງ ຫົວພັນ ໄດ້ຈັດກອງປະຊຸມລາຍງານຄວາມຄືບໜ້າຂອງການຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ກັບວຽກງານການແກ້ໄຂຂໍ້ຂັດແຍ່ງຂັ້ນບ້ານ ປີທີ 1 ແລະ ທິດທາງແຜນການປະຈຳປີທີ 2 ໄລຍະທີ 2 ຢູ່ທີ່ຫ້ອງປະຊຸມຂອງພະແນກຍຸຕິທຳແຂວງ ໂດຍພາຍໃຕ້ການເປັນປະທານຂອງທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທຳ ມີບັນດາທ່ານຕາງໜ້າຈາກຫ້ອງວ່າການປົກຄອງແຂວງ, ພະແນກການຕ່າງປະເທດ, ສະຫະພັນແມ່ຍິງແຂວງ, ແນວລາວສ້າງຊາດ, ຜູ້ຕາງໜ້າຈາກໂຄງການ ແລະ ຄະນະຮັບຜິດຊອບປະສານງານໂຄງການຂອງພະແນກຍຸຕິທຳເຂົ້າຮ່ວມ.

ໜ່ວຍຊາວໜຸ່ມພະແນກຍຸຕິທຳແຂວງ ຫົວພັນ ສຳເລັດກອງປະຊຸມປະເມີນຜົນ ຂໍ້ແຂ່ງຂັນ 4 ບຸກ ປະຈຳປີ 2020

ກອງປະຊຸມປະເມີນຜົນເນື້ອໃນຂໍ້ແຂ່ງຂັນ 4 ບຸກ ປະຈຳປີ 2020 ຂອງໜ່ວຍຊາວໜຸ່ມພະແນກຍຸຕິທໍາແຂວງ ຫົວພັນ ໄດ້ຈັດຂຶ້ນ ວັນທີ 26 ພະຈິກ 2020 ໂດຍການເປັນປະທານຂອງ ສະຫາຍ ຄອນທອງ ຫອມຄອນໄຊ ເລຂາໜ່ວຍຊາວໜຸ່ມພະແນກຍຸຕິທໍາແຂວງ ຫົວພັນ ເປັນກຽດເຂົ້າຮ່ວມຂອງສະຫາຍ ວຽງທອງ ແພງມະນີ ຮອງເລຂາໜ່ວຍພັກ, ຫົວໜ້າຂະແໜງແກ້ໄຂຂໍ້ຂັດແຍ່ງທາງດ້ານເສດຖະກິດ, ສະຫາຍ ຄຳສະຫວັນ ວັນທານຸພົນ ຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງ ຫົວພັນ ມີຜູ້ຕາງໜ້າຈາກຄະນະບໍລິຫານງານຊາວໜຸ່ມແຂວງ ແລະ ສະມາຊິກຊາວໜຸ່ມພາຍໃນພະແນກຕິທຳແຂວງເຂົ້າຮ່ວມ 23 ສະຫາຍ, ຍິງ 9 ສະຫາຍ.

ພິທີເຊັນສັນຍາຊື້ - ຂາຍໂຄງການພັດທະນາໂຮງແຮມໃນເມືອງ ຊຳເໜືອ

ໃນວັນທີ 24 ພະຈິກ 2020 ທີ່ຜ່ານມາ ຢູ່ທີ່ພະແນກຍຸຕິທຳແຂວງ ຫົວພັນ ໄດ້ຈັດພິທີເຊັນສັນຍາຊື້ - ຂາຍໂຄງການພັດທະນາໂຮງແຮມໃນເມືອງ ຊຳເໜືອ ລະຫວ່າງ ທ່ານ ສົມຫວັງ ວົງວິໄລ ຜູ້ອຳນວຍການໃຫຍ່ບໍລິສັດ ຈິດຈະເລີນກໍ່ສ້າງ ຈຳກັດ ແລະ ທ່ານ ສີວິໄລ ພົມມະຈັກ ຜູ້ອຳນວຍການໃຫຍ່ກຸ່ມບໍລິສັດ ພົງສະຫວັນ ຈຳກັດ ໂດຍເປັນກຽດເຂົ້າຮ່ວມເປັນສັກຂີພະຍານ ຂອງທ່ານ ຄຳຜິວ ວົງສະຫວັນ ປະທານແນວລາວສ້າງຊາດແຂວງ ຫົວພັນ, ທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທຳແຂວງ ຫົວພັນ ມີຜູ້ຕາງໜ້າຈາກພະແນກແຜນການ ແລະ ການລົງທຶນແຂວງ, ບັນດາຮອງຫົວໜ້າ, ວິຊາການ ແລະ ພະນັກງານຂອງສອງບໍລິສັດເຂົ້າຮ່ວມ.

ໜ່ວຍສະຫະພັນແມ່ຍິງພະແນກຍຸຕິທຳແຂວງ ຫົວພັນ ປະເມີນຜົນຂໍ້ແຂ່ງຂັນ 3 ດີ

ໃນວັນທີ 24 ພະຈິກ 2020 ທີ່ຜ່ານມາ ໜ່ວຍສະຫະພັນແມ່ຍິງພະແນກຍຸຕິທຳແຂວງ ຫົວພັນ ໄດ້ຈັດກອງປະຊຸມປະເມີນຜົນເນື້ອໃນຂໍ້ແຂ່ງຂັນ 3 ດີປະຈຳປີ 2020 ຂຶ້ນ. ໂດຍການເປັນປະທານຂອງ ສະຫາຍ ນາງ ຕາ ບຸດຊະວົງ ຫົວໜ້າໜ່ວຍສະຫະພັນແມ່ຍິງພະແນກຍຸຕິທຳແຂວງ ຫົວພັນ, ເປັນກຽດເຂົ້າຮ່ວມຂອງສະຫາຍ ວຽງທອງ ແພງມະນີ ຮອງເລຂາໜ່ວຍພັກ, ຫົວໜ້າຂະແໜງແກ້ໄຂຂໍ້ຂັດແຍ່ງທາງດ້ານເສດຖະກິດ, ສະຫາຍ ນາງ ຈຳມາສອນ ຈໍາປາລາສີ ຕາງໜ້າສະຫະພັນແມ່ຍິງແຂວງ ຫົວພັນ, ມີຜູ້ຕາງຈາກອົງການ ກຳມະບານ, ຊາວໜຸ່ມ ແລະ ສະມາຊິກແມ່ຍິງຂອງພາຍໃນພະແນກເຂົ້າຮ່ວມ 16 ສະຫາຍ, ຍິງ 13 ສະຫາຍ.

ພິທີປິດຊຸດຝຶກອົບຮົມກົດໝາຍ 45 ວັນ ຊຸດທີ 1 ປະຈຳປີ 2020

ວັນທີ 22 ກໍລະກົດ 2020 ຫ້ອງການຍຸຕິທຳເມືອງ ຊຳເໜືອໄດ້ຈັດພິທີປີດຊຸດຝຶກອົບຮົມກົດໝາຍໄລຍະສັ້ນ 45 ວັນ ໃຫ້ເລຂາພັກບ້ານ ແລະ ອໍານາດການປົກຄອງບ້ານພາຍໃນເຂດຫົວຊຽງ ຊຸດທີ 1 ປະຈຳປີ 2020 ຂຶ້ນ ຢູ່ທີ່ຫ້ອງປະຊຸມ ຫ້ອງການຕຳຫຼວດກຸ່ມບ້ານຫົວຊຽງ ໂດຍການເປັນປະທານຂອງ ທ່ານ ທອນສຸກ ເພັດວິຍານ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ ຊຳເໜືອ, ເປັນກຽດເຂົ້າຮ່ວມຂອງ ທ່ານ ນາງ ພູເຮືອງ ພົມມະວັນ ຮອງຫົວໜ້າພະແນກຍຸຕິທຳແຂວງ ຫົວພັນ. ມີຄະນະຮັບຜິດຊອບຊຸດຝຶກອົບຮົມ, ຄູອາຈານ, ຫົວໜ້າຫ້ອງການ, ຮອງຫົວໜ້າຫ້ອງການອ້ອມຂ້າງເມືອງ, ເລຂາພັກບ້ານ, ນາຍບ້ານ, ຮອງນາຍບ້ານ ແລະ ນັກຝຶກອົບຮົມເຂົ້າຮ່ວມຢ່າງພ້ອມພຽງ.

Pages