ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳແຂວງ ສະຫວັນນະເຂດ ຈັດພິທີປາຖະກະຖາ ສອງວັນສຳຄັນຂອງຊາດ.

          ໃນຕອນເຊົ້າຂອງວັນທີ 1 ເມສາ 2021 ຢູ່ທີ່ຫ້ອງປະຊຸມພະແນກຍຸຕິທຳແຂວງ ສະຫວັນນະເຂດ ໄດ້ຈັດພິທີປາຖະກະຖາວັນສ້າງຕັ້ງພັກປະຊາຊົນ ປະຕິວັດລາວ ແລະ ວັນຄຽດແຄ້ນຂອງປະຊາຊົນລາວ ໃຫ້ພະນັກງານ-ລັດຖະກອນພາຍໃນພະແນກຍຸຕິທຳແຂວງ ໂດຍການເປັນປະທານຂື້ນປາຖະກະຖາຂອງ ທ່ານ ຄຳສິງເພັດ ໄຊຍະພອນ ຮອງຫົວໜ້າພະແນກຍຸຕິທຳແຂວງ, ມີບັນດາພະນັກງານ-ລັດຖະກອນຂອງພະແນກຍຸຕິທຳ ແລະ ນັກສຶກສາຝຶກງານຈາກສະຖາບັນຍຸຕິທຳແຫ່ງຊາດ ສາຂາແຂວງ ສະຫວັນນະເຂດເຂົ້າຮ່ວມນຳລວມທັງໝົດ 39 ທ່ານ, ຍິງ 18 ທ່ານ.

ເປີດຊຸດຝຶກອົບຮົມ ວຽກງານຊ່ວຍເຫຼືອທາງດ້ານກົດໝາຍ ແລະ ວຽກງານແກ້ໄຂຂໍ້ຂັດແຍ່ງຂັ້ນບ້ານ ທີ່ແຂວງ ສະຫວັນນະເຂດ

      ຢູ່ທີ່ພະແນກຍຸຕິທຳແຂວງ ສະຫວັນນະເຂດ ໃນວັນທີ 22 ມີນາ 2021 ກົມສົ່ງເສີມລະບົບຍຸຕິທຳ ກະຊວງຍຸຕິທຳ ຮ່ວມກັບພະແນກຍຸຕິທຳແຂວງ ສະຫວັນນເຂດ ໄດ້ເປີດຊຸດຝຶກອົບຮົມ ວຽກງານຊ່ວຍເຫຼືອທາງດ້ານກົດໝາຍ ແລະ ວຽກງານແກ້ໄຂຂໍ້ຂັດແຍ່ງຂັ້ນບ້ານຂຶ້ນ ພາຍໃຕ້ການເປັນປະທານຮ່ວມຂອງ ທ່ານ ສີສຸກ ເທບທານີ ຮອງຫົວໜ້າພະແນກຍຸຕິທຳແຂວງ ແລະ ທ່ານ ສີສຸພັນ ທອງສາຍທາລາ ຮອງຫົວໜ້າກົມ ສົ່ງເສີມລະບົບຍຸຕິທຳ.

ພະແນກຍຸຕິທຳແຂວງ ສະຫວັນນະເຂດ ສະຫຼຸບປິດ ແລະ ມອບ-ຮັບໃບຢັ້ງຢືນບໍາລຸງກົດໝາຍຂັ້ນພື້ນຖານ 45 ວັນຊຸດທີ VIII ປີ 2020

ໃນຕອນເຊົ້າຂອງວັນທີ 15 ທັນວາ 2020 ທີ່ຜ່ານມາ ຢູ່ທີ່ຫ້ອງປະຊຸມພະແນກຍຸຕິທຳແຂວງ ໄດ້ມີພິທີປິດການຮຽນ-ການສອນ ແລະ ມອບໃບຢັ້ງຢືນ ໃຫ້ນັກຝຶກອົບຮົມຈົບຫຼັກສູດກົດໝາຍ ຂັ້ນພື້ນຖານ ລະບົບບຳລຸງ 45 ວັນ ຊຸດທີ VIII ໃຫ້ພະນັກງານຫຼັກແຫຼ່ງຂັ້ນເມືອງ, ນະຄອນ ແລະ ແຂວງ ສົກປີ 2020, ໃຫ້ກຽດເຂົ້າຮ່ວມເປັນປະທານ ແລະ ມອບໃບຢັ້ງຢືນຂອງ ທ່ານ ກົງແກ້ວ ມີວໍລະຈັກ ຮອງເລຂາພັກແຂວງ, ໃນພິທີມີບັນດາແຂກ-ຄູອາຈານ ອ້ອມຂ້າງແຂວງ ແລະ ຝຶກອົບຮົມ ເຂົ້າຮ່ວມທັງໝົດ 70 ທ່ານ, ຍິງ 11 ທ່ານ.

ພະແນກຍຸຕິທຳແຂວງ ສະຫວັນນະເຂດ ເປີດຮຽນຫຼັກສູດກົດໝາຍຂັ້ນພື້ນຖານ ລະບົບບຳລຸງ 45 ວັນ ຊຸດທີ VIII ປີ 2020

     ໃນວັນທີ 18 ກັນຍາ 2020 ທີ່ຜ່ານມາຢູ່ທີ່ ຫ້ອງປະຊຸມ ພະແນກຍຸຕິທຳແຂວງ ສະຫວັນນະເຂດ ໄດ້ເປີດຊຸດຝຶກອົບຮົມກົດໝາຍຂັ້ນພື້ນຖານ ລະບົບບໍາລຸງ 45 ວັນ ໃຫ້ພະນັກງານຫຼັກແຫຼ່ງ, ສືບທອດຂັ້ນເມືອງ, ນະຄອນ ແລະ ແຂວງ  ຊຸດທີ VIII ປະຈໍາປີ 2020 ຂຶ້ນ ໂດຍການເປັນປະທານ ຂອງ ທ່ານ ວຽງທະວີສອນ ເກດທະຈັນ ສະມາຊິກສະພາແຫ່ງຊາດເຂດເລືອກຕັ້ງທີ 13, ຄະນະປະຈຳພັກແຂວງ ສະຫວັນນະເຂດ, ເຂົ້າຮ່ວມພິທີ ມີຄະນະພັກ, ຄະນະພະແນກຍຸຕິທຳ, ບັນດາແຂກຈາກພະແນກການອ້ອມຂ້າງ, ຄູ-ອາຈານ ແລະ ນັກສຳມະນາກອນເຂົ້າຮ່ວມທັງໝົດ 59 ທ່ານ, ຍິງ 13 ທ່ານ.

ກອງປະຊຸຸມໃຫຍ່ຄັ້ງທີ VII ຂອງ ໜ່ວຍພັກຮາກຖານພະແນກຍຸຕິທຳແຂວງ ສະຫວັນນະເຂດ

     ວັນທີ 31 ກໍລະກົດ 2020 ທີ່ີຜ່ານມາ ໜ່ວຍພັກຮາກຖານພະແນກຍຸຕິທຳແຂວງ ໄດ້ເປີດກອງປະຊຸມໃຫຍ່ຄັ້ງທີ VII ຂອງໜ່ວຍຂຶ້ນທີ່ຫ້ອງປະຊຸມພະແນກຍຸຕິທຳ ໂດຍການເຂົ້າຮ່ວມເປັນປະທານ ຂອງສະຫາຍ ທອງທ່ຽງ ສີດາວົງ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ ມີຜູ້ແທນເຂົ້າຮ່ວມທັງໝົດ 41 ສະຫາຍ, ຍິງ 12 ສະຫາຍ, ໃນນີ້ມີແຂກຈາກພະແນກການອ້ອມຂ້າງ 09 ສະຫາຍ, ສະມາຊິກພັກສົມບູນ 29 ສະຫາຍ, ຍິງ 08 ສະຫາຍ, ສຳຮອງ 04 ສະຫາຍ, ຍິງ 02 ສະຫາຍ, ໃນນັ້ນມີສະມາຊິກພັກອາວຸໂສບຳນານ 04 ສະຫາຍ, ຍິງ 01 ສະຫາຍ.

ກອງປະຊຸມ ເປີດບັ້ນດຳເນີນຊີວິດການເມືອງ ທ້າຍສະໄໝ ຂອງໜ່ວຍພັກຮາກຖານພະແນກຍຸຕິທຳແຂວງ ສະຫວັນນະເຂດ

     ໃນຕອນເຊົ້າ ວັນທີ 30 ມິຖຸນາ 2020 ຜ່ານມາ ຢູ່ທີ່ຫ້ອງປະຊຸມພະແນກຍຸຕິທຳແຂວງໄດ້ຈັດກອງປະຊຸມເປີດບັ້ນດຳເນີນຊິວິດການເມືອງຂຶ້ນໂດຍການເປັນປະທານ ຂອງ ສະຫາຍ ນາງ ບຸນເຍື້ອນ ທິດພຸດທະວົງ ຄະນະປະຈຳພັກແຂວງ ປະທານກວດກາພັກ-ລັດແຂວງ, ມີສະຫາຍ ລຳທອງ ຂອບສີລາວົງ ຄະນະປະຈຳພັກແຂວງ ຮອງປະທານກວດກາພັກ-ລັດແຂວງ, ສະຫາຍ ບົວສອນ ມະຫາວົງ ຮອງຄະນະຈັດຕັ້ງແຂວງ, ສະຫາຍ ນາງ ຫົງຄຳ ໄຊຍະຄົມ ຮອງຄະນະໂຄສະນາອົບຮົມແຂວງ ແລະ ບັນດາສະຫາຍສະມາຊິກພັກພາຍໃນໜ່ວຍພັກພະແນກຍຸຕິທຳແຂວງເຂົ້າຮ່ວມ ຈຳນວນ 32 ສະຫາຍ, ຍິງ 10 ສະຫາຍ, ສະມາຊິກພັກບຳນານ 03 ສະຫາຍ, ຍິງ 01 ສະຫາຍ.

ກອງປະຊຸມປືກສາຫາລືຖອດຖອນບົດຮຽນ ວຽກງານທະບຽນສານ ແລະ ວຽກງານການຈັດຕັ້ງປະຕິບັດຄຳຕັດສິນຂອງສານ ຢູ່ແຂວງສະຫວັນນະເຂດ

ເພື່ອເປັນການຈັດຕັ້ງຜັນຂະຫຍາຍ ຄຳສັ່ງຂອງນາຍົກລັດຖະມົນຕີ ສະບັບເລກທີ 10/ນຍ, ລົງວັນທີ 1 / ເມສາ / 2016 ວ່າດ້ວຍ ການເພີ່ມທະວີຄວາມເອົາໃຈໃສ່ ຕໍ່ວຽກງານທະບຽນສານ ແລະ ການຈັດຕັ້ງປະຕິບັດກົດໝາຍ ວ່າດ້ວຍການຈັດຕັ້ງປະຕິບັດຄຳຕັດສິນຂອງສານ ພ້ອມທັງເປັນການແລກປ່ຽນຖອນຖອນບົດຮຽນການຈັດຕັ້ງເຄື່ອນໄຫວວຽກງານດັ່ງກ່າວ.

ພິທີປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ທີ່ສະຖາບັນຍຸຕິທໍາພາກກາງ ແຂວງ ສະຫວັນນະເຂດ

    ຕອນເຊົ້າວັນທີ 17 ມັງກອນ 2019 ຢຸ່ທີ່ສະຖາບັນຍຸຕິທຳພາກກາງ ໄດ້ຈັດພິທີປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ຂຶ້ນ ໂດຍການເປັນປະທານຂອງ ທ່ານ ພັນໂທ ວິລະວົງ ມະນີແສງ, ຄະນະປະຈຳພັກ-ຫົວໜ້າຫ້ອງການການເມືອງກອງບັນຊາການທະຫານແຂວງສະຫວັນນະເຂດ, ເຂົ້າຮ່ວມມີ ທ່ານ ຄຳໂກ້ ຈັນທະວົງ ຮອງຫົວໜ້າສະຖາບັນຍຸຕິທຳພາກກາງ, ບັນດາຫົວໜ້າຂະແໜງ, ຮອງຂະແໜງ ພ້ອມດ້ວຍພະນັກງານຄູ-ອາຈານ ແລະ ນັກສຶກສາຂອງສະຖາບັນຍຸຕິທຳພາກກາງເຂົ້າຮ່ວມທັງໝົດ ຈຳນວນ 454 ຄົນ, ຍິງ 144 ຄົນ.

ໜ່ວຍພັກພະແນກຍຸຕິທຳແຂວງ ສະຫວັນນະເຂດ ຈັດພິທີມອບ ບັດສະມາຊິກພັກສົມບູນ ຊຸດທີ II.

ໃນຕອນແລງຂອງ ວັນທີ 5 ຕຸລາ 2018 ທີ່ພະແນກຍຸຕິທຳແຂວງ ສະຫວັນນະເຂດ ໄດ້ມີພິທີມອບບັດສະມາຊິກພັກໃຫ້ແກ່ສະມາຊິກພັກສົມບູນ ຂອງໜ່ວຍພັກພະແນກຍຸຕິທຳແຂວງ ໃຫ້ກຽດເຂົ້າຮ່ວມເປັນປະທານກອງປະຊຸມ ແລະ ມອບໂດຍ ສະຫາຍ ທອງທ່ຽງ ສີດາວົງ ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງ, ເຂົ້າຮ່ວມຄັ້ງນີ້ມີບັນດາສະຫາຍຄະນະພັກ, ບັນດາແຂກຈາກພະແນກການອ້ອມຂ້າງແຂວງ ພ້ອມທັງສະຫາຍສະມາຊິກພັກທັງໝົດໃນພະແນກຍຸຕິທຳແຂວງ ຊຶ່ງມີຈຳນວນທັງໝົດ 35 ສະຫາຍ, ຍິງ 10 ສະຫາຍ.

ກົມສົ່ງເສີມລະບົບຍຸຕິທຳ ຈັດຕັ້ງເຜີຍແຜ່ ດຳລັດວ່າດ້ວຍ ການຊ່ວຍເຫຼືອທາງດ້ານກົດໝາຍ ຢູ່ພະແນກຍຸຕິທຳແຂວງ ສະຫວັນນະເຂດ.

ໃນຕອນເຊົ້າ ວັນທີ 4 ຕຸລາ 2018 ທີ່ພະແນກຍຸຕິທຳແຂວງ ສະຫວັນນະເຂດ ໄດ້ຈັດຕັ້ງເຜີຍແຜ່ ດຳລັດຂອງລັດຖະບານ ສະບັບເລກທີ່ 77/ລບ, ລົງວັນທີ 28 ກຸມພາ 2018 ວ່າດ້ວຍ ການຊ່ວຍເຫຼືອທາງດ້ານກົດໝາຍ ແລະ ຄຳແນະນຳ ຂອງລັດຖະມົນຕີ ກະຊວງຍຸຕິທຳ ສະບັບເລກທີ 1077/ກຍ, ລົງວັນທີ 3 ກັນຍາ 2018 ກ່ຽວກັບ ການຈັດຕັ້ງປະຕິບັດ ດຳລັດວ່າດ້ວຍ ການຊ່ວຍເຫຼືອທາງດ້ານກົດໝາຍ.

Pages