ຂ່າວການເຄື່ອນໄຫວ ແລະ ບົດຄວາມອື່ນໆ

ພິທີປະກາດການແຕ່ງຕັ້ງຫົວໜ້າຫ້ອງການຍຸຕິທໍາເມືອງ ຕົ້ນເຜິ້ງ ແຂວງ ບໍ່ແກ້ວ

          ໃນຕອນເຊົ້າຂອງວັນທີ 23 ທັນວາ 2021 ຜ່ານມາ ຢູ່ທີ່ຫ້ອງປະຊຸມຂອງຫ້ອງວ່າການປົກຄອງເມືອງ ຕົ້ນເຜິ້ງ ແຂວງ ບໍ່ແກ້ວ ໄດ້ມີພິທີປະກາດແຕ່ງຕັ້ງຫົວໜ້າຫ້ອງການຍຸຕິທຳເມືອງ ຕົ້ນເຜິ້ງ ຂຶ້ນ ໂດຍການເປັນປະທານຂອງ ທ່ານ ອຸ່ນຄຳ ທຳມະເລີດ ຮອງເລຂາພັກເມືອງ ມີຫົວໜ້າ, ຮອງຫົວໜ້າຫ້ອງການ ແລະ ພະນັກງານ-ລັດຖະກອນເຂົ້າຮ່ວມ.

ພະແນກຍຸຕິທຳແຂວງ ບໍ່ແກ້ວ ປະເມີນພະນັກງານ-ລັດຖະກອນ ແລະ ຄັດເລືອກຜົນງານປະຈໍາປີ 2021

          ໃນວັນທີ 21 ທັນວາ 2021 ຜ່ານມາ ຢູ່ທີ່ຫ້ອງປະຊຸມ ພະແນກຍຸຕິທຳແຂວງ ບໍ່ແກ້ວ ໄດ້ຈັດກອງປະຊຸມປະເມີນຜົນການຈັດຕັ້ງປະຕິບັດໜ້າທີ່ວຽກງານຂອງພະນັກງານ-ລັດຖະກອນ ແລະ ຄັດເລືອກຜົນງານ ປະຈໍາປີ 2021 ຂຶ້ນໂດຍການເປັນປະທານຂອງ ທ່ານ ຄຳຫຼ້າ ອຸດທະຍອດ ຫົວໜ້າພະແນກຍຸຕິທຳແຂວງ ມີຄະນະພະແນກ, ຫົວໜ້າ, ຮອງຫົວໜ້າຂະແໜງ ແລະ ວິຊາການພາຍໃນພະແນກຍຸຕິທຳເຂົ້າຮ່ວມທັງໝົດ 21 ທ່ານ, ຍິງ 11 ທ່ານ.

ໜ່ວຍພັກ ພະແນກຍຸຕິທຳແຂວງ ບໍ່ແກ້ວ ເປີດບັ້ນດຳເນີນຊີວິດການເມືອງ ປະຈຳປີ 2021

          ໃນວັນທີ 20 ທັນວາ 2021 ໜ່ວຍພັກພະແນກຍຸຕິທໍາແຂວງ ບໍ່ແກ້ວ ໄດ້ເປີດກອງປະຊຸມບັ້ນດໍາເນີນຊີວິດການເມືອງຈັດແບ່ງປະເພດສະມາຊິກພັກ ແລະ ຕິດພັນກັບໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ປີ 2021 ພາຍໃຕ້ການເປັນປະທານຮ່ວມຂອງ ສະຫາຍ ສົມພອນ ແກ້ວມະນີ ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງ ແລະ ສະຫາຍ ຄໍາຫຼ້າ ອຸດທະຍອດ ກໍາມະການພັກແຂວງ, ເລຂາໜ່ວຍພັກພະແນກຍຸຕິທໍາແຂວງ ບໍ່ແກ້ວ, ມີຄະນະພັກ, ຄະນະພະແນກ, ສະມາຊິກພັກສົມບູນ, ສໍາຮອງ ແລະ ຕາງໜ້າຈາກຄະນະຈັດຕັ້ງແຂວງ, ຄະນະກວດກາພັກ-ລັດແຂວງ ເຂົ້າຮ່ວມທັງໝົດ 19 ສະຫາຍ, ຍິງ 10 ສະຫາຍ.

ຫົວໜ້າຫ້ອງການຍຸຕິທຳເມືອງ ເມິງ ລົງເຄື່ອນໄຫວໂຄສະນາເຜີຍແຜ່ກົດໝາຍ ຢູ່ກຸ່ມນ້ຳຍູ້

          ໃນລະຫວ່າງວັນທີ 6-10 ທັນວາ 2021 ຜ່ານມານີ້, ທ່ານ ທອງລຸນ ວິໄລທອງ ຫົວໜ້າຫ້ອງການຍຸຕິທຳເມືອງ ເມິງ ພ້ອມດ້ວຍຄະນະ ໄດ້ລົງເຄື່ອນໄຫວໂຄສະນາເຜີຍແຜ່ກົດໝາຍ ແລະ ໃຫ້ການຊ່ວຍເຫຼືອທາງດ້ານກົດໝາຍເຄື່ອນທີ່ ແກ່ປະຊາຊົນ ບ້ານ ລ້ອງພະບາດ, ບ້ານ ຖ້ຳພະບາດ, ບ້ານ ໄຊສະຫວ່າງ, ບ້ານ ນ້ຳຮອກໃໝ່ ແລະ ບ້ານ ສາລີເຮືອງ (ກຸ່ມ ນ້ຳຍູ້) ເມືອງ ເມິງ ແຂວງ ບໍ່ແກ້ວ, ມີຄະນະບ້ານ, ການຈັດຕັ້ງບ້ານ, ຄະນະແກ້ໄຂຂໍ້ຂັດແຍ່ງຂັ້ນບ້ານ ແລະ ປະຊາຊົນ ທັງ 5 ບ້ານເຂົ້າຮ່ວມ.

ພະແນກຍຸຕິທໍາແຂວງ ບໍ່ແກ້ວ ປາຖະກະຖາເລົ່າມູນເຊື້ອໃນວັນສໍາຄັນ

          ໃນວັນທີ 8 ທັນວາ 2021 ພະແນກຍຸຕິທໍາແຂວງ ບໍ່ແກ້ວ ໄດ້ຈັດພິທີປາຖະກະຖາເລົ່າມູນເຊື້ອເອກະສານສໍາຄັນຂອງພັກ ຂຶ້ນ ຢູ່ຫ້ອງປະຊຸມຂອງຕົນ ໃຫ້ກຽດເປັນປະທານ ແລະ ເຜີຍແຜ່ເອກະສານ ໂດຍ ສະຫາຍ ວິພົງ ບົວອາໄພ ຮອງຫົວໜ້າພະແນກຍຸຕິທໍາແຂວງ ບໍ່ແກ້ວ, ມີສະມາຊິກພັກ, ພະນັກງານ-ລັດຖະກອນພາຍໃນພະແນກເຂົ້າຮ່ວມ.

ບໍລິສັດທີ່ປຶກສາກົດໝາຍຫົວສຽວ ຈຳກັດ ມອບອຸປະກອນຮັບໃຊ້ການຮຽນ-ການສອນກົດໝາຍ 45 ວັນ ໃຫ້ແຂວງ ບໍ່ແກ້ວ

          ໃນວັນທີ 30 ພະຈິກ 2021 ຢູ່ທີ່ຫ້ອງປະຊຸມພະແນກຍຸຕິທຳແຂວງ ບໍ່ແກ້ວ ໄດ້ມີພິທີມອບອຸປະກອນຮັບໃຊ້ການຮຽນ-ການສອນກົດໝາຍໄລຍະສັ້ນ 45 ວັນ ໃຫ້ພະແນກຍຸຕິທໍາແຂວງ ບໍ່ແກ້ວ ໂດຍການເຂົ້າຮ່ວມຂອງທ່ານ ຄໍາຫຼ້າ ອຸດທະຍອດ ຫົວໜ້າພະແນກຍຸຕິທໍາແຂວງ ບໍ່ແກ້ວ ມີຄະນະຮັບຜິດຊອບຈັດຊຸດຝຶກອົບຮົມ, ນັກຝຶກອົບຮົມ ແລະ ບໍລິສັດທີ່ປຶກສາກົດໝາຍຫົວສຽວ ຈຳກັດ ພ້ອມດ້ວຍຄະນະ.

ຫ້ອງການຍຸຕິທໍາເມືອງ ເມິງ ລົງປັບປຸງຄະນະແກ້ໄຂຂໍ້ຂັດແຍ່ງຂັ້ນບ້ານ

          ໃນວັນທີ 25 ພະຈິກ 2021 ຫ້ອງການຍຸຕິທຳເມືອງ ເມິງ ແຂວງ ບໍ່ແກ້ວ ໄດ້ລົງປັບປຸງ ແລະ ບຳລຸງສິດ, ໜ້າທີ່ ໃຫ້ຄະນະແກ້ໄຂຂໍ້ຂັດແຍ່ງຂັ້ນບ້ານ ຢູ່ບ້ານ ຫ້ວຍທາດ (ກຸ່ມນ້ຳເມິງ) ໂດຍການເປັນປະທານຂອງ ທ່ານ ທອງລຸນ ວິໄລທອງ ຫົວໜ້າຫ້ອງການຍຸຕິທຳເມືອງ ເມິງ, ມີພະນັກງານກໍ່ສ້າຮາກຖານປະຈຳບ້ານ, ອົງການປົກຄອງບ້ານ, ຄະນະແກ້ໄຂຂໍ້ຂັດແຍ່ງຂັ້ນບ້ານ ແລະ ປະຊົນພາຍໃນບ້ານເຂົ້າຮ່ວມ.

ພະແນກຍຸຕິທຳແຂວງ ບໍ່ແກ້ວ ລົງຊຸກຍູ້ການເຄື່ອນໄຫວວຽກງານຂອງຫ້ອງການຍຸຕິທຳເມືອງ ຫ້ວຍຊາຍ

          ໃນຕອນເຊົ້າຂອງວັນທີ 19 ສິງຫາ 2021 ຜ່ານມາ, ທ່ານ ສຸລິເດດ ບັນດາກອນ ຮອງຫົວໜ້າພະແນກຍຸຕິທຳແຂວງ ພ້ອມດ້ວຍຄະນະໄດ້ລົງຊຸກຍູ້ວຽກງານການຈັດຕັ້ງປະຕິບັດຄຳຕັດສິນຂອງສານ, ວຽກງານທະບຽນສານ ແລະ ວຽກງານກົດໝາຍ ຢູ່ຫ້ອງການຍຸຕິທຳເມືອງ ຫ້ວຍຊາຍ ແຂວງ ບໍ່ແກ້ວ. ໂດຍໄດ້ຮັບການຕ້ອນຮັບຈາກທ່ານ ວິໄລສັກ ເພັດມະໄລແສງ ຫົວໜ້າຫ້ອງການຍຸຕິທໍາເມືອງ ຫ້ວຍຊາຍ.

ພະແນກຍຸຕິທຳແຂວງ ບໍ່ແກ້ວ ປາຖະກະຖາ ວັນສໍາຄັນຂອງຊາດ

          ໃນວັນທີ 17 ສິງຫາ 2021 ຢູ່ທີ່ຫ້ອງປະຊຸມພະແນກຍຸຕິທຳແຂວງ ບໍ່ແກ້ວ ໄດ້ຈັດພິທີປາຖະກະຖາເລົ່າມູນເຊື້ອ 5 ວັນ ປະຫວັດສາດທີ່ສໍາຄັນຂອງພັກ - ຂອງຊາດ ພາຍໃຕ້ການເປັນປະທານ ຂອງທ່ານ ຄໍາຫຼ້າ ອຸດທະຍອດ ກຳມະການພັກແຂວງ, ຫົວໜ້າພະແນກຍຸຕິທຳແຂວງ, ມີບັນດາຄະນະພະແນກ, ຫົວໜ້າ-ຮອງຫົວໜ້າຂະແໜງ, ຕະຫຼອດຮອດພະນັກງານ-ລັດຖະກອນ ພາຍໃນພະແນກເຂົ້າຮ່ວມຢ່າງພ້ອມພຽງ.

ສະຫະພັນແມ່ຍິງ 3 ໜ່ວຍ ປາຖະກະຖາເຫຼົ່າຄືນມູນເຊື້ອວັນສ້າງຕັ້ງແມ່ຍິງລາວຄົບຮອບ 66 ປີ

          ໃນຕອນເຊົ້າຂອງວັນທີ 19 ກໍລະກົດ 2021 ຢູ່ທີ່ຫ້ອງປະຊຸມພະແນກຍຸຕິທຳແຂວງ ບໍ່ແກ້ວ ໄດ້ຈັດພິທີປາຖະກະຖາເຫຼົ່າຄືນມູນເຊື້ອວັນສ້າງຕັ້ງແມ່ຍິງລາວ ຄົບຮອບ 66 ປີ ຂຶ້ນໂດຍການເປັນປະທານ ແລະ ໃຫ້ກຽດເຫຼົ່າມູນເຊື້ອ ຂອງສະຫາຍ ນ. ສາຄອນ ບານຸວົງ ຄະນະບໍລິຫານງານສະຫະພັນແມ່ຍິງແຂວງ, ປະທານສະຫະພັນແມ່ຍິງໜ່ວຍພະແນກຍຸຕິທຳແຂວງ, ມີບັນດາປະທານ, ຮອງປະທານ, ພ້ອມດ້ວຍສະມາຊິກສະຫະພັນແມ່ຍິງໜ່ວຍສານປະຊາຊົນແຂວງ, ໜ່ວຍອົງການໄອຍະການປະຊາຊົນ ແລະ ໜ່ວຍພະແນກຍຸຕິທຳແຂວງ ເຂົ້າຮ່ວມຢ່າງພ້ອມພຽງ.

Pages