ໃນຕອນເຊົ້າຂອງວັນທີ 21 ເມສາ 2022ທີ່ພະແນກຍຸຕິທຳແຂວງ ຈໍາປາສັກ ໄດ້ເປີດກອງປະຊຸມແລກປ່ຽນບົດຮຽນລະຫ່ວາງພະແນກຍຸຕິທຳແຂວງ ຈຳປາສັກ ສປປລາວ ແລະ ພະແນກຍຸຕິທຳແຂວງ ແຄັງຮວາ ສສ ຫວຽດນາມ ນຳໂດຍທ່ານ ດັ້ງວັນແຄ໋ງ ຮອງຫົວໜ້າພະແນກຍຸຕິທຳພ້ອມດ້ວຍຄະນະໄດ້ເດີນທາງມາແລກປ່ຽນບົດຮຽນກັບພະແນກຍຸຕິທຳແຂວງ ຈຳປາສັກ ພ້ອມທັງອວຍພອນປີໄໝ່ລາວ ພສ 2565 ຄສ 2022 ໂດຍໄດ້ຮັບການຕ້ອນຮັບຈາກ ທ່ານ ບຸນຄົງ ພັນວົງສາ ຫົວໜ້າພະແນກຍຸຕິທຳ ພ້ອມດ້ວຍຄະນະ.

          ໃນຕອນເຊົ້າຂອງວັນທີ 8 ເມສາ 2022 ໄດ້ມີພິທີມອບ-ຮັບທຸງໄຊນໍາໜ້າ ຂະບວນການແຂ່ງຂັນ 4 ບຸກໃຫ້ແກ່ 15 ໜ່ວຍຊາວໜຸ່ມຮາກຖານອ້ອມຂ້າງແຂວງ ພິທີດັ່ງກ່າວໄດ້ຈັດຂຶ້ນຢູ່ ສູນຄົ້ນຄວ້າກະສິກໍາພາກໃຕ້ຂອງພະແນກກະສິກຳ ແລະ ປ່າໄມ້ແຂວງ ຈໍາປາສັກ ໂດຍການເປັນປະທານຂອງ ສະຫາຍ ຄຳສີ ຫລິ່ນສະຫວາດ ກຳມະການສູນກາງຊາວໜຸ່ມແຂວງ ຈຳປາສັກ ມີຄະນະພັກ, ເລຂາ, ຮອງເລຂາໜ່ວຍຊາວໜຸ່ມຮາກຖານອ້ອມຂ້າງແຂວງ 15 ພາກສ່ວນເຂົ້າຮ່ວມ.

          ໃນຕອນເຊົ້າຂອງວັນທີ 24 ມີນາ 2022 ພະແນກຍຸຕິທຳແຂວງ ຈຳປາສັກ ໄດ້ຈັດພິທີປະຖະກະຖາ ແລະ ເຜີຍແຜ່ເອກະສານສຳຄັນ ໃຫ້ກຽດເປັນປະທານ ແລະ ເຜີຍແຜ່ເອກະສານ ໂດຍ ທ່ານ ປອ ວັນນະລາ ສຸດທິຈັກ ຮອງຫົວໜ້າຄະນະໂຄສະນາອົບຮົມແຂວງ ຈຳປາສັກ ເຂົ້າຮ່ວມກອງປະຊຸມມີ ທ່ານ ບຸນຄົງ ພັນວົງສາ ກຳມະການພັກແຂວງ ຫົວໜ້າພະແນກຍຸຕິທຳແຂວງ ຈຳປາສັກ ພ້ອມນັ້ນກໍ່ຍັງມີ ທ່ານຫົວໜ້າຂະແໜງ, ຮອງຫົວໜ້າຂະແໜງ, ທະນາຍຄວາມປະຈໍາພາກໃຕ້ ສະມາຊິກພັກ, ພະນັກງານ - ລັດຖະກອນພາຍໃນພະແນກເຂົ້າຮ່ວມຢ່າງພ້ອມພຽງ.

          ໃນຕອນເຊົ້າຂອງວັນທີ 25 ມັງກອນ 2022 ພະແນກຍຸຕິທຳແຂວງຈຳປາສັກໄດ້ເປີດກອງປະຊຸມການສ້າງແຜນກຳນົດພະນັກງານນຳພາຄຸ້ມຄອງຂື້ນ, ຢູ່ຫ້ອງປະຊຸມຂອງພະແນກຂອງຕົນ ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ປະດິດ ວັນນະລັດສະໝີ ຄະນະປະຈຳພັກແຂວງ ປະທານກວດກາພັກ-ລັດແຂວງ, ທ່ານ ສຸປານີ ສິລິປຸນໂຍ ຄະນະປະຈຳພັກແຂວງ , ຫົວໜ້າຄະນະໂຄສະນາອົບຮົມແຂວງ, ທ່ານ ບຸນຄົງ ພັນວົງສາ ກຳມະການພັກແຂວງ, ຫົວໜ້າພະແນກຍຸຕິທຳແຂວງ, ມີຄະນະພັກ, ຄະນະພະແນກ, ຫົວໜ້າຂະແໜງ, ຮອງຫົວໜ້າຂະແໜງ, ສະມາຊິກພັກພາຍໃນພະແນກຍຸຕິທໍາແຂວງ ແລະ ຄະນະຮັບຜິດຊອບການສ້າງແຜນກຳນົດພະນັກງານນຳພາຄຸ້ມຄອງຂັ້ນແຂວງເຂົ້າຮ່ວມ.