ຂ່າວການເຄື່ອນໄຫວ ແລະ ບົດຄວາມອື່ນໆ

ກອງປະຊຸມຂຽນເນື້ອໃນປື້ມຄູ່ມືວຽກງານຈົດໝາຍເຫດທາງລັດຖະການທີ່ ໂຮງແຮມ ເລີ ທາດຫຼວງ, ນະຄອນຫຼວງວຽງຈັນ

          ກອງປະຊຸມຂຽນເນື້ອໃນປື້ມຄູ່ມືວຽກງານຈົດໝາຍເຫດທາງລັດຖະການ ໄດ້ຈັດຂຶ້ນໃນຕອນເຊົ້າຂອງວັນທີ 13 ກັນຍາ 2021 ທີ່ໂຮງແຮມ ເລີ ທາດຫຼວງ, ນະຄອນຫຼວງວຽງຈັນ; ໂດຍການເປັນປະທານຂອງ ທ່ານ ນາງ ສີສຸດາ ໂສພາວັນດີ ວ່າການຫົວໜ້າກົມໂຄສະນາເຜີຍແຜ່ກົດໝາຍ; ມີຮອງຫົວໜ້າກົມ, ຜູ້ຕາງໜ້າບັນດາກົມ, ຕາງໜ້າໂຄງການສ້າງສະພາບແວດລ້ອມທີ່ເອື້ອອຳນວຍຕໍ່ທຸລະກິດລາວ ຫຼື LBE ພ້ອມດ້ວຍຄະນະຮັບຜິດຊອບສ້າງປື້ມຄູ່ມືວຽກງານຈົດໝາຍເຫດທາງລັດຖະການ ເຂົ້າຮ່ວມ.

ກອງປະຊຸມປຶກສາຫາລືປະກອບຄຳຄິດຄຳເຫັນໃສ່ຮ່າງປຶ້ມຄູ່ມືຈົດໝາຍເຫດທາງລັດຖະການທີ່ ກະຊວງຍຸຕິທຳ

          ໃນຕອນບ່າຍຂອງວັນທີ 3 ກັນຍາ 2021 ທີ່ຜ່ານມາ ຢູ່ທີ່ຫ້ອງປະຊຸມຊັ້ນ 4 ກະຊວງຍຸຕິທຳ ໄດ້ຈັດກອງປະຊຸມປະກອບຄຳເຫັນໃສ່ຮ່າງປຶ້ມຄູ່ມືຈົດໝາຍເຫດທາງລັດຖະການ ໂດຍການເປັນປະທານຂອງທ່ານ ບຸນທາ ຊົງເຢີທ່າວ ຮອງລັດຖະມົນຕີກະຊວງຍຸຕິທຳ, ມີທ່ານ ນາງ ສີສຸດາ ໂສພາວັນດີ ວ່າການຫົວໜ້າກົມໂຄສະນາເຜີຍແຜ່ກົດໝາຍ, ຮອງຫົວໜ້າກົມ, ຫົວໜ້າພະແນກ, ຜູ້ຕາງໜ້າໂຄງການສ້າງສະພາບແວດລ້ອມທີ່ເອື້ອອຳນວຍຕໍ່ທຸລະກິດລາວ ( LBE )ພ້ອມດ້ວຍຄະນະຮັບຜິດຊອບຮ່າງປຶ້ມຄູ່ມືເຂົ້າຮ່ວມ

ສ້າງຂະບວນການຕ້ອນຮັບວັນສຳຄັນຂອງຊາດ

          ໃນວັນທີ 12 ສິງຫາ 2021 ກົມໂຄສະນາເຜີຍແຜ່ກົດໝາຍ ແລະ ກົມສົ່ງເສີມລະບົບຍຸຕິທຳ ໄດ້ສ້າງຂະບວນການແຂ່ງຂັນກິລາເປຕັງ ຂຶ້ນທີ່ເດີ່ນກິລາເປຕັງກະຊວງຍຸຕິທຳ ໂດຍການນຳພາຂອງ ທ່ານ ບຸນລ້ອມ ດວງມາລາ ຮອງກົມໂຄສະນາເຜີຍແຜ່ກົດໝາຍ ແລະ ທ່ານ ແສງເພັດ ລ່ຽມພຣະຈັນ ຮອງກົມສົ່ງເສີມລະບົບຍຸຕິທຳ; ມີບັນດາຮອງກົມ, ຫົວໜ້າພະແນກ, ຮອງພະແນກ ພ້ອມດ້ວຍນັກກິລາທັງສອງຝ່າຍເຂົ້າຮ່ວມ.

ກົມໂຄສະນາເຜີຍແຜ່ກົດໝາຍ ເປີດກອງປະຊຸມສ້າງແຜນກໍານົດພະນັກງານນໍາພາ-ຄຸ້ມຄອງ

          ກົມໂຄສະນາເຜີຍແຜ່ກົດໝາຍ, ກະຊວງຍຸຕິທຳ ໄດ້ຈັດກອງປະຊຸມ ສ້າງແຜນກໍານົດຕ່ຳແໜງພະນັກງານນໍາພາ-ຄຸ້ມຄອງ ຂຶ້ນໃນວັນທີ 28 ກໍລະກົດ 2021 ໂດຍການເປັນປະທານ ຂອງທ່ານ ນາງ ສີສຸດາ ໂສພາວັນດີ ວ່າການຫົວໜ້າກົມໂຄສະນາເຜີຍແຜ່ກົດໝາຍ, ໂດຍການເຂົ້າຮ່ວມຂອງ ທ່ານ ອໍານວຍພອນ ປັນຍາສະຫວັດ ຮອງຫົວໜ້າກົມຈັດຕັ້ງ ແລະ ພະນັກງານ ກະຊວງຍຸຕິທຳ; ມີບັນດາຮອງກົມ, ຫົວໜ້າພະແນກ, ຮອງພະແນກ, ພະນັກງານ-ລັດຖະກອນ ຂອງກົມໂຄສະນາເຜີຍແຜ່ກົດໝາຍ ແລະ ຄະນະຮັບຜິດຊອບເຂົ້າຮ່ວມ.

ກົມໂຄສະນາເຜີຍແຜ່ກົດໝາຍ ມອບປື້ມດຳລັດວ່າດ້ວຍ ການໂຄສະນາເຜີຍແຜ່ນິຕິກຳ ໃຫ້ແກ່ສະມາຊິກສະພາແຫ່ງຊາດ ຊຸດທີ IX

          ເນື່ອງໃນໂອກາດກອງປະຊຸມຄັ້ງປະຖົມມະລຶກ ຂອງສະພາແຫ່ງຊາດ ຊຸດທີ IX ໃນຕອນເຊົ້າຂອງວັນທີ 22 ມີນາ 2021 ຜ່ານມາ ກົມໂຄສະນາເຜີຍແຜ່ກົດໝາຍ ກະຊວງຍຸຕິທຳ ໄດ້ນຳເອົາປື້ມ ດຳລັດວ່າດ້ວຍການໂຄສະນາເຜີຍແຜ່ນິຕິກຳ ຈຳນວນ 300 ຫົວ ມອບໃຫ້ສະພາແຫ່ງຊາດ ເພື່ອແຈກຢາຍໃຫ້ສະມາຊິກສະພາແຫ່ງຊາດ ຊຸດທີ IX ທີ່ເຂົ້າຮ່ວມກອງປະຊຸມຄັ້ງປະຖົມມະລຶກໃນຄັ້ງນີ້; ຕາງໜ້າມອບໂດຍ ທ່ານ ນາງ ສຸກວາລີ ພົມມະໄຊສີ ຫົວໜ້າພະແນກບໍລິຫານ, ກົມໂຄສະນາເຜີຍແຜ່ກົດໝາຍ, ກະຊວງຍຸຕິທຳ ແລະ ຕາງໜ້າຮັບໂດຍ ທ່ານ ນາງ ແສງທະວີ ໄຊຍະສິດ ຮອງຫົວໜ້າສູນຝຶກອົບຮົມ ແລະ ຂໍ້ມູນຂ່າວສານ, ສະພາແຫ່ງຊາດ.

ກອງປະຊຸມປຶກສາຫາລືຄວາມເປັນໄປໄດ້ກ່ຽວກັບການສ້າງສື່ ແລະ ການເຄື່ອນໄຫວໂຄສະນາເຜີຍແຜ່ນິຕິກຳຮ່ວມກັນ ທີ່ ກະຊວງຍຸຕິທຳ

          ໃນຕອນເຊົ້າວັນທີ 17 ມີນາ 2021 ຢູ່ທີ່ຫ້ອງປະຊຸມຊັ້ນ 3 ຂອງກະຊວງຍຸຕິທຳ ກົມໂຄສະນາເຜີຍແຜ່ກົດໝາຍ ໄດ້ຈັດກອງປະຊຸມປຶກສາຫາລືຄວາມເປັນໄປໄດ້ກ່ຽວກັບການສ້າງສື່ ແລະ ການເຄື່ອນໄຫວໂຄສະນາເຜີຍແຜ່ນິຕິກຳຮ່ວມກັນ ໂດຍການເປັນປະທານຂອງທ່ານ ບຸນລ້ອມ ດວງມາລາ ຮອງຫົວໜ້າກົມໂຄສະນາເຜີຍແຜ່ກົດໝາຍ, ມີຕາງໜ້າຜູ້ປະສານງານໂຄງການເຊກາ, ມີຫົວໜ້າພະແນກ ພ້ອມດ້ວຍວິຊາການທີ່ຢູ່ໃນຄະນະເຂົ້າຮ່ວມ.

ພິທີປິດຊຸດຝຶກອົບຮົມວຽກງານຂ່າວ ແລະ ນັກຈັດລາຍການວິທະຍຸ ຂອງຂະແໜງຍຸຕິທຳ ທີ່ ເມືອງ ແກ້ວອຸດົມ ແຂວງ ວຽງຈັນ

          ພິທີດັ່ງກ່າວ ຈັດຂຶ້ນໃນວັນທີ 5 ກຸມພາ 2021 ຜ່ານມາ ທີ່ ເມືອງ ແກ້ວອຸດົມ, ແຂວງ ວຽງຈັນ ໂດຍການເປັນປະທານຂອງ ທ່ານ ນາງ ສີສຸດາ ໂສພາວັນດີ ວ່າການຫົວໜ້າກົມໂຄສະນາເຜີຍແຜ່ກົດໝາຍ, ກະຊວງຍຸຕິທຳ. ມີວິທະຍາກອນ ຈາກວິທະຍຸກະຈາຍສຽງແຫ່ງຊາດ; ຜູ້ຕາງໜ້າຈາກມູນນິທິເອເຊຍ (The Asia Foundation); ສໍາມະນາກອນທີ່ມາຈາກ ກະຊວງຍຸຕິທຳ, ພະແນກຍຸຕິທຳນະຄອນຫຼວງວຽງຈັນ, ແຂວງ ວຽງຈັນ, ຫຼວງພະບາງ, ສະຫວັນນະເຂດ, ຈຳປາສັກ ແລະ ຄະນະຮັບຜິດຊອບຊຸດຝຶກອົບຮົມ ເຂົ້າຮ່ວມ 30 ທ່ານ ຍິງ 11 ທ່ານ.

ຍົກລະດັບຄວາມຮູ້ກ່ຽວກັບວຽກງານຂ່າວ ແລະ ນັກຈັດລາຍການວິທະຍຸ ໃຫ້ແກ່ພະນັກງານຂະແໜງການຍຸຕິທຳທີ່ ເມືອງ ແກ້ວອຸດົມ ແຂວງ ວຽງຈັນ

          ໃນຕອນເຊົ້າຂອງວັນທີ 1 ກຸມພາ 2021 ກົມໂຄສະນາເຜີຍແຜ່ກົດໝາຍ ກະຊວງຍຸຕິທໍາ ໄດ້ເປີດຊຸດຝຶກອົບຮົມນັກຂ່າວ ແລະ ນັກຈັດລາຍການວິທະຍຸ ຂຶ້ນທີ່ຣີສອດນາປ່າກວາງ, ເມືອງ ແກ້ວອຸດົມ, ແຂວງ ວຽງຈັນ ໂດຍການເປັນປະທານຂອງ ທ່ານ ໄຊສີ ສັນຕິວົງ ລັດຖະມົນຕີກະຊວງຍຸຕິທໍາ, ເຂົ້າຮ່ວມມີ ທ່ານ ນາງ ສີສຸດາ ໂສພາວັນດີ ວ່າການຫົວໜ້າກົມໂຄສະນາເຜີຍແຜ່ກົດໝາຍ, ກະຊວງຍຸຕິທຳ; ວິທະຍາກອນ ຈາກວິທະຍຸກະຈາຍສຽງແຫ່ງຊາດ; ຜູ້ຕາງໜ້າຈາກມູນນິທິເອເຊຍ (The Asia Foundation); ສໍາມະນາກອນທີ່ມາຈາກ ກະຊວງຍຸຕິທຳ, ພະແນກຍຸຕິທຳນະຄອນຫຼວງວຽງຈັນ, ແຂວງ ວຽງຈັນ, ຫຼວງພະບາງ, ສະຫວັນນະເຂດ, ຈຳປາສັກ ແລະ ຄະນະຮັບຜິດຊອບຊຸດຝຶກອົບຮົມ ເຂົ້າຮ່ວມ 30 ທ່ານ ຍິງ 11 ທ່ານ.

ງານປະກວດສະປອດໂຄສະນາກ່ຽວກັບກົດໝາຍ ໃນຫົວຂໍ້: “ການເຂົ້າເຖິງການບໍລິການທາງດ້ານກົດໝາຍຂອງກະຊວງຍຸຕິທໍາ”

          ງານປະກວດສະປ໋ອດໂຄສະນາກ່ຽວກັບກົດໝາຍ ໃນຫົວຂໍ້: “ການເຂົ້າເຖິງການບໍລິການທາງດ້ານກົດໝາຍຂອງກະຊວງຍຸຕິທໍາ” ໄດ້ຈັດຂຶ້ນໃນຕອນບ່າຍຂອງວັນທີ 29 ມັງກອນ 2021 ທີ່ຫ້ອງປະຊຸມໃຫຍ່ຂອງກະຊວງຍຸຕິທຳ ໂດຍການເປັນປະທານຂອງ ທ່ານ ໄຊສີ ສັນຕິວົງ ລັດຖະມົນຕີກະຊວງຍຸຕິທຳ, ເຂົ້າຮ່ວມມີ ທ່ານ ນາງ ສີສຸດາ ໂສພາວັນດີ ວ່າການຫົວໜ້າກົມໂຄສະນາເຜີຍແຜ່ກົດໝາຍ, ທ່ານ ໄມເຄິຣ ຣອນນິ້ງ ຜູ້ຕາງໜ້າອົງການພັດທະນາສາກົນປະເທດສະຫະລັດອາເມລິກາ ແລະ ທ່ານ ນາງ ໂຊຟາຢາ ຄາເຊິນ ຫົວໜ້າແຜນງານລັດຄຸ້ມຄອງດ້ວຍກົດໝາຍ ມູນນິທິເອເຊຍ, ມີຄະນະກຳມະການຈາກກົມໂຄສະນາເຜີຍແຜ່ກົດໝາຍ, ກົມສົ່ງເສີມລະບົບຍຸຕິທຳ, ກົມທະບຽນສານ, ກົມຄຸ້ມຄອງການຈັດຕັ້ງປະຕິບັດຄໍາຕັດສີນຂອງສານ, ສູນແກ້ໄຂຂໍ້ຂັດແຍ່ງ

Pages