ແຂວງໄຊສົມບູນ ເຜີຍແຜ່ບົດບາດຄວາມສະເໜີພາບລະຫວ່າງຍິງ-ຊາຍ ແລະ ກົດໝາຍວ່າດ້ວຍການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ

Primary tabs

          ສະຫະພັນແມ່ຍິງແຂວງ ໄຊສົມບູນ ຮ່ວມກັບພະແນກຍຸຕິທຳແຂວງ ໄຊສົມບູນ ໄດ້ຈັດພິທີເຜີຍແຜ່ຄວາມສະເໝີພາບລະຫວ່າງຍິງ-ຊາຍ, ກົດໝາຍວ່າດ້ວຍ ການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍຂຶ້ນ ໃນຕອນເຊົ້າຂອງວັນທີ 2 ມີນາ 2021 ທີ່ສະໂມສອນເມືອງ ອະນຸວົງ ໂດຍການເປັນປະທານຂອງທ່ານ ນ. ຄຳສີ ສິດທິວໍລະດາ ປະທານສະຫະພັນແມ່ຍິງແຂວງ ໄຊສົມບູນ ແລະ ທ່ານ ອຸດອນ ສິງດາລາ ຫົວໜ້າພະແນກຍຸຕິທຳແຂວງ ທັງເປັນຜູ້ເຜີຍແຜ່ກົດໝາຍ, ພ້ອມດ້ວຍຫົວໜ້າພະແນກການ, ອົງການ, ກົມກອງ ອອ້ມຂ້າງແຂວງ ແລະ ເມືອງອະນຸວົງເຂົ້າຮ່ວມ.
อาจเป็นรูปภาพของ 4 คน, ผู้คนกำลังยืน และสถานที่ในร่ม
          ໃນກອງປະຊຸມ ທ່ານ ອຸດອນ ສິງດາລາ ໄດ້ຍົກໃຫ້ເຫັນ ກົດໝາຍວ່າດ້ວຍ ການພັດທະນາ ແລະ ປົກປ້ອງແມ່ຍິງ, ຄວາມສະເໝີພາບລະຫວ່າງຍິງ-ຊາຍ ແລະ ກົດໝາຍວ່າດ້ວຍການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ຊຶ່ງບັນດາກົດໝາຍດັ່ງກ່າວໄດ້ກຳນົດຫລັກການ, ລະບຽບການ ແລະ ມາດຕະການ ກ່ຽວກັບການຄຸ້ມຄອງ ແລະ ຕິດຕາມກວດກາວຽກງານຄວາມສະເໝີພາບລະຫວ່າງຍິງ-ຊາຍ, ແນໃສ່ຍົກສູງສິດທິ ແລະ ບົດບາດຍິງ-ຊາຍ ພ້ອມທັງຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ດ້ວຍການປ້ອງກັນ, ປົກປ້ອງ, ການຊ່ວຍເຫຼືອຜູ້ຖືກເຄາະຮ້າຍ ແລະ ແກ້ໄຂການໃຊ້ຄວາມຮຸນແຮງດັ່ງກ່າວ ເພື່ອປົກປ້ອງສິດ ແລະ ຜົນປະໂຫຍດອັນຊອບທຳຂອງແມ່ຍິງ ແລະ ເດັກນ້ອຍ, ຮັບປະກັນຄວາມສະເໝີພາບອັນແທ້ຈິງລະຫວ່າງຍິງ-ຊາຍ ໃນເງື່ອນໄຂ ແລະ ໂອກາດທີ່ເທົ່າທຽມກັນ, ລົບລ້າງທຸກການກະທຳທີ່ເປັນການຈຳແນກຄວາມສະເໝີພາບລະຫວ່າງຍິງ-ຊາຍ, ຍົກສູງຖານະບົດບາດ, ກຽດສັກສີຂອງແມ່ຍິງ ແລະ ເດັກນ້ອຍ ທັງນີ້ກໍ່ເພື່ອເປັນການປະກອບສ່ວນຊຸກຍູ້ໃຫ້ບັນດາແມ່ຍິງໃຫ້ມີຄວາມຮັບຮູ້ ແລະ ເຂົ້າໃຈກ່ຽວກັບສິດ ແລະ ພາລະບົດບາດຂອງຕົນ ພ້ອມນີ້ກໍເພື່ອເປັນການສ້າງເງື່ອນໄຂ ແລະ ໂອກາດໃນການຈັດຕັ້ງປະຕິບັດວຽກງານ ກໍຄື ພັດທະນາວຽກງານຂອງສັງຄົມ ແລະ ຄອບຄົວໃຫ້ແກ່ບັນດາເອື້ອຍນ້ອງແມ່ຍິງ ໃນຂອບເຂດອົງການປົກຂອງແຂວງ ແລະ ເມືອງ ອະນຸວົງ ນອກນີ້ຍັງເປັນການສະໜັບສະໜູນ ໃຫ້ແມ່ຍິງ ໃນຂອບເຂດຄວາມຮັບຜິດຊອບຂອງຕົນ ໂດຍສະເພາະຜູ້ທີ່ມີຄວາມຫ້າວຫັນ. ມີຜົນງານດີເດັ່ນ ໃຫ້ມີຄວາມກ້າວໜ້າ ທຽບເທົ່າກັບເພດຊາຍ ໃນການປະກອບສ່ວນປົກປັກຮັກສາ ແລະ ສ້າງສາພັດທະນາປະເທດຊາດ ກໍຄື ແຂວງ ໄຊສົມບູນໃຫ້ຈະເລີນກ້າວໜ້າ ແລະ ສີວິໄລຂຶ້ນຢ່າງບໍ່ຢຸດຢັ້ງ.
                                                                                                                                                                                                                                                                     ພາບ-ຂ່າວ: ພະແນກຍຸຕິທຳແຂວງ ໄຊສົມບູນ