ພະແນກຍຸຕິທຳແຂວງ ໄຊຍະບູລີ ເຊື່ອມຊືມເອກະສານສຳຄັນຂອງພັກ

Primary tabs

          ໃນຕອນເຊົ້າຂອງວັນທີ 21 ກລະກົດ 2021 ຢູ່ທີ່ຫ້ອງປະຊຸມພະແນກຍຸຕິທຳແຂວງ ໄຊຍະບູລີ ໄດ້ຈັດພິທີ່ເຊື່ອມຊືມ ມະຕິ ວ່າດ້ວຍການຍົກສູງຄຸນນະພາບຂອງວຽກງານການເມືອງ-ແນວຄິດໃນໄລະໃໝ່ ສະບັບເລກທີ 206/ກມສພ, ລົງວັນທີ 07 ທັນວາ 2020 ແລະ ມະຕິ ວ່າດ້ວຍການເພີ່ມທະວີການນຳພາຂອງພັກ ຕໍ່ວຽກງານວັດທະນະທຳໃນໄລຍະໃໝ່, ສະບັບເລກທີ 25/ກມສພ, ລົງວັນທີ 17 ພຶດສະພາ 2021. ເປັນປະທານ ແລະ ເຊື່ອມຊືມໂດຍ ສະຫາຍ ກາວີ ເກດດົມລິ ກຳມະການພັກແຂວງ ເລຂາໝ່ວຍພັກ ຫົວໜ້າພະແນກຍຸຕິທຳແຂວງ, ມີຄະນະພັກ, ຄະນະພະແນກ ແລະ ພະນັກງານ-ລັດຖະກອນ ເຂົ້າຮ່ວມທັງໝົດ 38 ສະຫາຍ, ຍິງ 15 ສະຫາຍ.
อาจเป็นรูปภาพของ 9 คน, ผู้คนกำลังนั่ง และสถานที่ในร่ม
          ໂດຍປະຕິບັດຕາມແຈ້ງການຂອງຄະນະໂຄສະນາອົບຮົມແຂວງ ສະບັບ ເລກທີ 608/ຄອຂ.ຊຍ, ລົງວັນທີ 21 ມີຖຸນາ 2021. ກຽ່ວກັບການຈັດຕັ້ງເຊື່ອມຊຶມມະຕິ ວ່າດ້ວຍການເພີ່ມທະວີການນຳພາຂອງພັກ ຕໍ່ວຽກງານວັດທະນະທຳ ການຍົກສູງຄຸນນະພາບວຽກງານການເມືອງ-ແນວຄິດໃນໄລຍະໃໝ່ ເພື່ອໃຫ້ບັນດາພະແນກການເຊື່ອມຊຶມມະຕິດັ່ງກ່າວ ໃຫ້ສະມະຊິກພັກ, ພະນັກງານ-ລັດຖະກອນພາຍໃນພະແນກໃຫ້ໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ, ກຳແໜ້ນແນວທາງປ່ຽນແປງໃໝ່ຂອງພັກ-ລັດ ທີ່ວາງອອກແຕ່ລະໄລຍະ, ເພື່ອຮັບປະກັນສະຖຽນລະພາບທາງດ້ານການເມືອງ, ຮັບປະກັນຄວາມໜັ້ນຄົງຂອງຊາດ ແລະ ຄວາມສະຫງົບສຸກຂອງສັງຄົມ, ວຽກງານການເມືອງ- ແນວຄິດເປັນວຽກງານທີ່ສໍຳຄັນ ແມ່ນໜ້າທີ່ຄວາມຮັບຜິດຊອບຂອງຄະນະພັກ, ດັ່ງນັ້ງຄະນະພັກແຕ່ລະຂັ້ນຕ້ອງຍົກສູງຄວາມສາມາດ ແລະ ຄວາມຮັບຜິດຊອບຂອງຕົນ ຕໍ່ກັບການກຳນົດທິດທາງ ແລະ ໜ້າທີ່ຈຸດສຸມຂອງການເຄື່ອນໄຫວໃນຂົງເຂດວຽກງານການເມືອງ-ແນວຄິດ ເພື່ອຕອບສະໜອງການແກ້ໄຂບັນຫາທີ່ເກີດຂື້ນແຕ່ລະໄລຍະ, ພ້ອມທັງເປັນເຈົ້າການໃນການຊີ້ນຳ-ນຳພາ ກ່ຽວກັບວຽກງານກໍ່ສ້າງ, ບຳລຸງ, ບັນຈຸສັບຊ້ອນຖັນແຖວພະນັກງານທີ່ເຮັດວຽກການເມືອງ-ແນວຄິດ ເພື່ອຮັບປະກັນທັງສອງດ້ານຄື: ດ້ານປະລິມານ ແລະ ຄຸນນະພາບ, ເພື່ອຕອບສະໜອງຕາມຄວາມຮຽກຮ້ອງຕ້ອງການໃນແຕ່ລະໄລຍະ. ວຽກງານວັດທະນະທຳ ກໍເປັນວຽກງານໝຶ່ງທີ່ມີຄຸນຄ່າທາງດ້ານວັດຖຸ ແລະ ຈິດໃຈ ທີ່ມວນມະນຸດເຮົາປະດິດສ້າງຂື້ນມາໃນຂະບວນວິວັດແຕ່ລະໄລຍະປະຫວັດສາດແຫ່ງການກຳເນີດ, ການຄົງຕົວ ແລະ ການຂະຫຍາຍຕົວຂອງມວນມະນຸດ. ພັກປະຊາຊົນປະຕິວັດລາວ ຍາມໃດກໍໃຫ້ຄວາມສຳຄັນ ແລະ ຄວາມເອົາໃຈໃສ່ຕໍ່ວຽກງານວັດທະນະທຳ ໂດຍຖືວັດທະນະທຳແມ່ນຄຸນລັກສະນະ ແລະ ເປັນປັດໃຈພື້ນຖານຂອງການດຳຄົງຕົວຂອງຊາດ, ເປັນກຳລັງພັກດັນ ແລະ ຈຸດໝາຍຂອງການພັດທະນາສັງຄົມໃຫ້ມີຄວາມສະຫງົບ ແລະ ສີວິໄລ.
ຂຽນບົດຂ່າວ: ໂດຍ ນາງ ໄມ ໄຊຍະວົງ
ຖ່າຍພາບໂດຍ: ທ້າວ ຄໍ້ເຕີ ພວງຂຸນທອງ
ປະເພດຂ່າວ: