ກອງປະຊຸມສ້າງແຜນກໍານົດພະນັກງານນໍາພາ-ຄຸ້ມຄອງ ຂັ້ນແຂວງຄູ້ມຄອງ ພະແນກຍຸຕິທໍາ ແຂວງໄຊຍະບູລີ

Primary tabs

          ໃນວັນທີ 22-23 ກໍລະກົດ 2021 ຜ່ານມາ ພະແນກຍຸຕິທໍາແຂວງ ໄຊຍະບູລີ ໄດ້ເປີດກອງປະຊຸມ ສ້າງແຜນກໍານົດຕ່ຳແໜ່ງງານພະນັກງານນໍາພາ-ຄຸ້ມຄອງ ຂັ້ນແຂວງ ຄຸ້ມຄອງ ແຕ່ປີ 2021-2025 ໂດຍການເປັນປະທານຮ່ວມ ຂອງທ່ານ ສີລິວັດທະນາ ສົມພັນ ຫົວໜ້າພະແນກພາຍໃນ, ທ່ານ ອໍານວຍພອນ ປັນຍາສະຫວັດ ຮອງຫົວໜ້າກົມຈັດຕັ້ງ ແລະ ພະນັງານ ກະຊວງຍຸຕິທຳ ທ່ານ ກາວີ ເກດດົມລິ ກໍາມະການພັກແຂວງ ເລຂາໜ່ວຍພັກ ຫົວໜ້າ ພະແນກຍຸຕິທໍາແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມທັງໝົດ 48 ຄົນ, ຍິງ 18 ຄົນ.
อาจเป็นรูปภาพของ 5 คน, ผู้คนกำลังนั่ง และผู้คนกำลังยืน
          ໂດຍປະຕິບັດຕາມ ຂໍ້ຕົກລົງຂອງທ່ານເຈົ້າແຂວງ ສະບັບເລກທີ 1359/ຈຂ.ຊຍ ລົງວັນທີ 07 ທັນວາ 2020 ວາ່ດ້ວຍການແຕ່ງຕັ້ງຄະນະຮັບຜິດຊອບສ້າງແຜນກໍານົດພະນັກງານນໍາພາ-ຄຸ້ມຄອງ ຂັ້ນແຂວງໃນທົ່ວປະເທດ.
          ໃນກອງປະຊຸມ ທ່ານ ອໍານວຍພອນ ປັນຍາສະຫວັດ ຮອງຫົວໜ້າກົມຈັດ ແລະ ພະນັກງານ ກະຊວງຍຸຕິທໍາ ໄດ້ຜ່ານມະຕີ ເລກທີ 032/ກມສພ ລົງວັນທີ 03 ມັງກອນ 2018 ວ່າດ້ວຍວຽກງານສ້າງແຜນກໍານົດພະນັກງານນໍາພາ-ຄູ້ມຄອງ ເພື່ອເຮັດໃຫ້ການສ້າງແຜນ ການນໍາພາ-ຄູ້ມຄອງ ຂອງພະແນກຍຸຕິທໍາແຂວງ ໄຊຍະບູລີ ໄດ້ຮັບການຈັດຕັ້ງປະຕິບັດໃຫ້ສອດຄ່ອງຕາມຫຼັກການ ໂດຍອີງໃສ່ມາດຖານ-ເງື່ອນໄຂທີ່ກໍານົດໄວ້. ທ່ານ ສີລິວັດທະນາ ສົມພັນ ກໍ່ໄດ້ເຊື່ອມຊຶມ ຄຳແນະນຳ ສະບັບ ເລກທີ 292/ຄຈສພ, ລົງວັນທີ 26 ເມສາ 2018 ກ່ຽວກັບການຈັດຕັ້ງປະຕິບັດ ມະຕິກົມການເມືອງສູນການພັກ ວ່າດ້ວຍມາດຕະຖານຂອງພະນັກງານນຳພາ-ຄຸ້ມຄອງ, ວຽກງານຄຸ້ມຄອງພະນັກງານ ແລະ ວຽກງານສ້າງແຜນກຳນົດພະນັກງານນຳພາ-ຄຸ້ມຄອງ.
          ຈາກນັ້ນ ທ່ານ ໄພທອງ ຈັນດາ ຮອງຫົວໜ້າຄະນະຈັດຕັ້ງແຂວງ ກໍໄດ້ອະທິບາຍຊີ້ແຈງກຽ່ວກັບວິທີການ ແລະ ຂັ້ນຕອນໃນການທາບທາມ ເຊີ່ງການທາບທາມໄດ້ເຮັດເປັນ 3 ຮອບ
ຈຸດປະສົງ: ເພື່ອສ້າງແຜນກໍານົດພະນັກງານ ຄາດຄະເນເປົ້າໝາຍພະນັກງານທີ່ຈັດວາງເຂົ້າໃນຕໍາແໜ່ງງານແຕ່ລະຂະແໜງການ ແນໃສຮັບປະກັນລັກສະນະສືບທອດປ່ຽນແທນຕໍ່ເນື່ອງໃນສະເພາະໜ້າ ແລະ ຍາວນານ ການສ້າງແຜນກໍານົດພະນັກງານນໍາພາ-ຄຸ້ມຄອງ ໃນຄັ້ງນີ້, ເລືອກໄດ້ພະນັກງານທີ່ມີຄຸນທາດການເມືອງໜັກແໜ້ນ, ມີຄຸນນະພາບ, ມີຄວາມຮູ້ ຄວາມສາມາດ, ມີທັດສະນະທີດີ ເປັນແບບຢ່າງໃຫ້ແກ່ມະຫາຊົນເພື່ອເປັນພະນັກງານສືບທອດປຽ່ນແທນໃນຕໍ່ໜ້າຂອງພະແນກຍຸຕິທໍາ, ການສ້າງແຜນກໍານົດພະນັກງານນໍາພາ-ຄຸ້ມຄອງໃນຄັ້ງນີ້ແມ່ນໄດ້ດໍາເນີນໄປຕາມລະບຽບການ, ຂັ້ນຕອນ, ວິທີການຢ່າງເຂັ້ມງວດ, ຮັບປະກັນຄວາມໂປ່ງໃສ່, ເປີດເຜີຍ, ຖືກຕ້ອງຕາມລະບຽບການ ທີ່ໄດ້ກໍານົດໄວ້ .
ຂຽນຂ່າວ: ນາງໄມ ໄຊຍະວົງ
ຖ່າຍພາບ: ຄໍເຕີ້ ພວງຂຸນທອງ
ປະເພດຂ່າວ: