ຫົວໜ້າພະແນກຍຸຕິທໍາແຂວງ ລົງຕິດຕາມຊຸກຍູ້ການຝຶກອົບຮົມ ວຽກງານໄກ່ເກ່ຍຂໍ້ຂັດແຍ່ງຂັ້ນບ້ານຢູ່ເມືອງ ຫຼາ ແຂວງ ອຸດົມໄຊ

Primary tabs

          ໃນວັນທີ 26 ສິງຫາ 2021 ພະແນກຍຸຕິທໍາແຂວງ ອຸດົມໄຊ ໂດຍການສົມທົບກັບ ຫ້ອງການຍຸຕິທໍາເມືອງ ຫຼາ ໄດ້ຈັດຝຶກອົບຮົມວຽກງານໄກ່ເກັ່ຍຂໍ້ຂັດແຍ່ງຂັ້ນບ້ານໃຫ້ 6 ບ້ານຄື: ບ້ານ ດອນສະອາດ, ບ້ານ ວຽງຄໍາ, ບ້ານ ຫນອງບົວ, ບ້ານ ບວມສົ້ມ, ບ້ານ ວັງວັນ ແລະ ບ້ານ ນາຄອຍ ພາຍໃນເທດສະບານເມືອງ ຫຼາ ທີ່ສະໂມສອນເມືອງ ເປັນຂັ້ນທົດລອງ ໃຊ້ເວລາການຝຶກອົບຮົມ 1 ວັນ ໂດຍການເປັນປະທານຂອງທ່ານ ຫຸມພັນ ບຸບຜາຄໍາ ກໍາມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງ ຫຼາ ແລະ ໃຫ້ກຽດເຂົ້າຮ່ວມຕິດຕາມການຝຶກອົບຮົມຄັ້ງນີ້ ໂດຍທ່ານ ສອນສຸວັນ ປັນຍາວົງ ກໍາມະການພັກແຂວງ ເລຂາຫນ່ວຍພັກ ຫົວຫນ້າພະແນກຍຸຕິທໍາແຂວງ ອຸດົມໄຊ, ເຊິ່ງໄດ້ຮັບການນໍາພາຂອງ ທ່ານ ສົມຫມາຍ ພູມມີສຸກ ເລຂາຫນ່ວຍພັກ, ຫົວໜ້າຫ້ອງການຍຸຕິທໍາເມືອງຫຼາ ລວມມີຄະນະໄກ່ເກັ່ຍຂໍ້ຂັດແຍ່ງຂັ້ນບ້ານເຂົ້າຮ່ວມທັງຫມົດ 32 ທ່ານ, ຍິງ 6 ທ່ານ.
อาจเป็นรูปภาพของ 1 คน, กำลังยืน และสถานที่ในร่ม
          ການຈັດຝຶກອົບຮົມວຽກງານໄກ່ເກັ່ຍຂໍ້ຂັດແຍ່ງຂັ້ນບ້ານຄັ້ງນີ້ແມ່ນ ເພື່ອຍົກສູງຄຸນນະພາບ ແລະ ຄວາມຊໍານິຊໍານານໃຫ້ແກ່ຄະນະໄກ່ເກັ່ຍຂໍ້ຂັດແຍ່ງຂັ້ນບ້ານ; ເພື່ອສ້າງຄວາມຮັບຮູ້ ແລະ ຄວາມເຂົ້າໃຈທີ່ເປັນເອກະພາບທາງດ້ານທິດສະດີ ແລະ ລະບຽບການ ກ່ຽວກັບວຽກງານການແກ້ໄຂຂໍ້ຂັດແຍ່ງຂັ້ນບ້ານ; ໃນການຈັດຕັ້ງປະຕິບັດວຽກງານການແກ້ໄຂຂໍ້ຂັດແຍ່ງຂັ້ນບ້ານ; ໃນການປະຕິບັດພາລະບົດບາດ, ສິດ ແລະ ຫນ້າທີ່ຂອງຄະນະໄກ່ເກັ່ຍຂໍ້ຂັດແຍ່ງຂັ້ນບ້ານ.
ຂ່າວ ແລະ ພາບ: ພະນັກງານຫ້ອງການຍຸຕິທໍາເມືອງ
ປະເພດຂ່າວ: