ຊາວໜຸ່ມໜ່ວຍຮາກຖານພະແນກຍຸຕິທໍາແຂວງ ອຸດົມໄຊ ເປີດກອງປະຊຸມສະຫຼູບວຽກງານການເຄື່ອນໄຫວ 6 ເດືອນຕົ້ນປີ, ວາງທິດທາງແຜນການ 6 ເດືອນທ້າຍປີ 2021 ແລະ ເຊື່ອມຊືມເອກະສານທີ່ສໍາຄັນ

Primary tabs

          ໃນຕອນເຊົົ້າຂອງວັນທີ 26 ສິງຫາ 2021 ຜ່ານມາ ຢູ່ທີ່ຫ້ອງປະຊຸມພະແນກຍຸຕິທໍາແຂວງ ໄດ້ຈັດກອງປະຊຸມສະຫຼຸບຜົນງານ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2021 ແລະ ເຊື່ອມຊືມເອກະສານສໍາຄັນ ໂດຍການເປັນທານຂອງ ສະຫາຍ ສີຖານ ມະນີໄຊ ຮອງເລຂາໜ່ວຍພັກ ຮອງຫົວໜ້າພະແນກຍຸຕິທໍາ ມີຮອງເລຂາໜ່ວຍຮາກຖານຊາວໜຸ່ມ, ຄະນະຊາວໜຸ່ມ ແລະ ສະມາຊິກຊາວໜຸ່ມໜ່ວຍຮາກຖານພະແນກຍຸຕິທໍາເຂົ້າຮ່ວມທັງໝົດ 15 ຄົນ, ຍິງ 5 ຄົນ.
อาจเป็นรูปภาพของ 2 คน และสถานที่ในร่ม
          ໃນພິທີໄດ້ຜ່ານບົດສະຫຼູບ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2021, ພ້ອມກັນນັ້ນສະມາຊິກຊາວໜຸ່ມກໍ່ໄດ້ປະກອນຄໍາຄິດຄໍາເຫັນໃສ່ບົດສະຫຼຸບດັ່ງກ່າວຢ່າງກົງໄປກົງມາເພື່ອເຮັດໃຫ້ເນື້ອໃນຂອງຮ່າງບົດສະຫຼູບໃຫ້ສົມບູນຂື້ນຕື່ມ; ຫຼັງຈາກນັ້ນຮອງເລຂາໜ່ວຍຮາກຖານຊາວໜຸ່ມ ແລະ ຄະນະຊາວໜຸ່ມກໍ່ໄດ້ພັດປ່ຽນກັນຂື້ນເຊືອມຊືມເອກະສານສໍາຄັນກໍ່ຄື : ເອກະສານມະຕິກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດຄັ້ງ VIII, ເອກະສານແຜນຍຸດທະສາດການພັດທະນາຊາວໜຸ່ມ-ເຍົາວະຊົນ 10 ປີ ( 2021-2030 ), ກົດລະບຽບ ຂອງຄະນະຊາວໜຸ່ມປະຊາຊົນປະຕິວັດລາວສະໄໝ VIII, ເອກະສານບົດແນະນໍາການຈັດຕັ້ງປະຕິບັດກົດລະບຽບຄະນະຊາວໜຸ່ມປະຊາຊົນປະຕິວັດລາວສະໄໝທີ VIII ແລະ ເອກສານບົດແນະນໍາວ່າດ້ວຍການຈັ້ດຕັ້ງປະຕິບັດຂໍ້ແຂ່ງຂັ້ນ 4 ບຸກ. ເພື່ອໃຫ້ສະມາຊິກຊາວໜຸ່ມຮັບຮູ້ເຂົ້າໃຈຢ່າງເລິກເຊິ່ງຕໍ່ກັບສິດ, ໜ້າທີ່, ພາລະບົດບາດຂອງອົງການຈັດຕັ້ງມະຫາຊົນໄດ້ດີຂື້ນກ່ວາເກົ່າ.
          ໃນຕອນທ້າຍພິທີ ສະຫາຍ ສີຖານ ມະນີໄຊ ຮອງເລຂາໜ່ວຍພັກ ຮອງຫົວໜ້າພະແນກຍຸຕິທໍາແຂວງກໍ່ມີຄໍາເຫັນໂອ້ລົມ; ກ່ອນອື່ນກໍ່ໄດ້ຍ້ອງຍໍຊົມເຊີຍຜົນງານການຈັດຕັ້ງປະຕິບັດສິດ ແລະ ໜ້າທີ່ຕາມພາລະບົດບາດຂອງວຽກງານອົງການຈັດຕັ້ງມະຫາຊົນກໍ່ຄືຊາວໜຸ່ມໜ່ວຍຮາກຖານພະແນກຍຸຕິທໍາທີ່ຍາດມາໄດ້. ຈາກນັ້ນຍັງໄດ້ເໜັນໜັກໃຫ້ສະມາຊິກຊາວໜຸ່ມພະແນກຍຸຕິທໍາສືບຕໍ່ວຽກງານການເມືອງ-ແນວຄິດ ໃຫ້ມີສະຕິຕໍ່ອົງການຈັດຕັ້ງ, ເອົາໃຈໃສ່ປະຕິບັດລະບຽບລັດຖະກອນ, ສືບຕໍ່ວຽກງານການສ້າງຂະບວນການເພື່ອເຮັດໃຫ້ມີຄວາມສະມັກຄີຊ່ວຍເຫຼືອເຊີ່ງກັນ ແລະ ກັນ, ເອົາໃຈໃສ່ໃນການປະເມີນຂໍ້ແຂ່ງຂັນ 4 ບຸກໃຫ້ໄດ້ຮັບທຸງໄຊນໍາໜ້າປະຈໍາປີ 2021 ແລະ ສືບຕໍ່ເອົາໃຈໃສ່ຕໍ່ວຽກງານວິຊາສະເພາະຂອງແຕ່ລະຫາຍໃຫ້ບັນລຸຕາມທິດທາງແຜນການຂອງຂັ້ນເທິງວາງໄວ້ໃຫ້ໄດ້ດີຂື້ນຕື່ມ.
ຂາວ ແລະ ພາບ : ທ່ານ ບຸນມີ ອິທະວົງ
ປະເພດຂ່າວ: