ພະແນກຍຸຕິທໍາແຂວງ ອັດຕະປື ເຊື່ອມຊຶມເອກະສານສໍາຄັນຂອງຊາດ-ຂອງພັກ

Primary tabs

          ວັນທີ 9 ກັນຍາ 2021 ຜ່ານມາ ທີ່ຫ້ອງປະຊຸມຂອງພະແນກຍຸຕິທຳແຂວງ ອັດຕະປື ໄດ້ຈັດພິທີເຊື່ອມຊຶມເອກະສານສຳຄັນຂອງຊາດ-ຂອງພັກ ໂດຍການເປັນປະທານຂອງ ທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ອັດຕະປື, ມີພະນັກງານ-ລັດຖະກອນພາຍໃນພະແນກເຂົ້າຮ່ວມ.
อาจเป็นรูปภาพของ 12 คน, ผู้คนกำลังนั่ง และผู้คนกำลังยืน
          ເພື່ອຍົກສູງຄວາມຮັບຜິດຊອບຂອງສະມາຊິກພັກ-ພະນັກງານ ຕໍ່ວຽກງານການເມືອງ-ແນວຄິດ, ນໍ້າໃຈເສຍສະລະ, ເພື່ອປະເທດຊາດ ແລະ ປະຊາຊົນ, ເດັດດ່ຽວໃນການຕັດສີນໃຈຜ່ານຜ່າຄວາມຫຍຸ້ງຍາກ ແລະ ເພີ່ມທະວີການຊີ້ນຳ-ນໍາພາໃຫ້ທັນກັບສະພາບຄວາມເປັນຈິງ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ, ເປັນເຈົ້າການຊີ້ນຳ-ນໍາພາໃນການຄົ້ນຄວ້າເຊື່ອມຊຶມ ມະຕິ, ຄຳສັ່ງຕ່າງໆຂອງພັກ-ຂອງຊາດ ໂດຍສະເພາະ ແມ່ນວຽກຈຸດສຸມທີ່ຕິດພັນກັບພາລະບົດບາດ, ສິດ ແລະ ໜ້າທີ່ຄວາມຮັບຜິດຊອບຂອງຂະແໜງການຂອງຕົນ ສ້າງການຫັນປ່ຽນດ້ານແນວຄິດ, ຈິນຕະນາການ ຍົກສູງຄວາມຮັບຜິດຊອບຕໍ່ໜ້າທີ່ການເມືອງ ໃນການຮັບໃຊ້ປະເທດຊາດ ແລະ ຮັບໃຊ້ປະຊາຊົນດ້ວຍຄວາມບໍລິສຸດໃຈ.
          ເອກະສານທີ່ນໍາມາເຜີຍແຜ່ເຊື່ອມຊຶມໃນຄັ້ງນີ້ມີ: ເອກະສານວັນຍຶດອໍານາດ 23 ສິງຫາ 1945 ຄົບຮອບ 76 ປີ (23 ສິງຫາ 1945-23 ສິງຫາ 2021) ແລະ 23 ສິງຫາ 1975 ຄົບຮອບ 46 ປີ (23 ສິງຫາ 1975-23 ສິງຫາ 2021); ວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ 2021-2023; ວາລະແຫ່ງຊາດວ່າດ້ວຍການແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ ແຕ່ປີ 2021-2023 ແລະ ເອກະສານວັນສ້າງຕັ້ງອາຊຽນ ຄົບຮອບ 54 ປີ (8 ສິງຫາ 1967-8 ສິງຫາ 2021) ໃຫ້ກຽດເຜີຍແຜ່ເຊື່ອມຊຶມເອກະສານໂດຍ ທ່ານ ຄໍາຫຼ້າ ແກ້ວວັນສອນ ຫົວໜ້າພະແນກຍຸຕິທໍາແຂວງອັດຕະປື ແລະ ທ່ານ ວັນນະເລດ ວິໄລພົນ ຮອງຫົວໜ້າພະແນກ.
ຂ່າວ-ພາບ: ທົງໄຊ ຈຳສິນ
ປະເພດຂ່າວ: