ຫ້ອງການຍຸຕິທຳເມືອງ ພູຄູນ ແຂວງ ຫຼວງພະບາງ ຍົກລະດັບຄວາມຮູ້ໃຫ້ຄະນະແກ້ໄຂຂໍ້ຂັດແຍ່ງຂັ້ນບ້ານ

Primary tabs

          ໃນວັນທີ 26 ສິງຫາ 2021 ຜ່ານມານີ້ ຫ້ອງການຍຸຕິທໍາເມືອງ ພູຄູນ ແຂວງ ຫຼວງພະບາງ ໄດ້ເປີດຝຶກອົບຮົມວຽກງານແກ້ໄຂຂໍ້ຂັດແຍ່ງຂັ້ນບ້ານ ພາຍໃນກຸ່ມບ້ານ ຈີມ ໃຫ້ກຽດເຂົ້າຮ່ວມພິທີເປີດໂດຍແມ່ນ ທ່ານ ອົງຊົ່ງ ໄຊຍະວົງ ຄະນະປະຈໍາພັກເມືອງ ປະທານແນວລາວສ້າງຊາດເມືອງ, ທ່ານ ຄໍາໄຊ ວ່າງ ກໍາມະການພັກເມືອງ ຫົວໜ້າຫ້ອງການຍຸຕິທໍາເມືອງ, ມີການຈັດຕັ້ງບ້ານ, ປກສ ກຸ່ມບ້ານ ແລະ ຄະນະແກ້ໄຂຂໍ້ຂັດແຍ່ງຂັ້ນບ້ານຂອງບັນດາບ້ານພາຍໃນກຸ່ມບ້ານ ຈີມ ເຂົ້າຮ່ວມທັງໝົດ 36 ທ່ານ, ຍິງ 05 ທ່ານ.
อาจเป็นรูปภาพของ 10 คน, ผู้คนกำลังนั่ง และผู้คนกำลังยืน
          ຈຸດປະສົງຂອງການຝຶກອົບຮົມໃນຄັ້ງນີ້ກໍເພື່ອໃຫ້ບັນດາອົງການປົກຄອງບ້ານ, ຄະນະແກ້ໄຂຂໍ້ຂັດແຍ່ງຂັ້ນບ້ານຮູ້ເຖິງພາລະບົດບາດ, ຂອບເຂດສິດ ແລະ ໜ້າທີ່, ວິທີການ, ຂັ້ນຕອນການຈັດຕັ້ງປະຕິບັດໃຫ້ສອດຄ່ອງຕາມລັດຖະທໍາມະນູນ ແລະ ກົດໝາຍ ທັງແມ່ນການຈັດຕັ້ງຜັນຂະຫຍາຍຄໍາສັ່ງແນະນໍາ ເລກທີ 1387/ກຍ, ລົງວັນທີ 5 ທັນວາ 2017 ກ່ຽວກັບການປະຕິບັດວຽກງານຍຸຕິທໍາຮາກຖານ, ວຽກງານແກ້ໄຂຂໍ້ຂັດແຍ່ງເປັນວຽກໜຶ່ງທີ່ມີບົດບາດສໍາຄັນ ຊຶ່ງພົວພັນວຽກງານທຸກດ້ານຢູ່ຮາກຖານເປັນຕົ້ນແມ່ນການສ້າງຮາກຖານບ້ານ ແລະ ກຸ່ມບ້ານພັດທະນາ ຊຶ່ງຈະເຮັດໃຫ້ກຸ່ມບ້ານ ຈີມ ໄດ້ຮັບການພັດທະນາຮອບດ້ານ, ສ້າງສະຕິຕື່ນຕົວເຄົາລົບ ແລະ ປະຕິບັດກົດໝາຍໃຫ້ແກ່ພະນັກງານຮາກຖານ ແລະ ປະຊາຊົນບັນດາເຜົ່າຢູ່ຂັ້ນບ້ານໃຫ້ສູງຂຶ້ນ, ສາມາດເປັນເຈົ້າການໃນການສະກັດກັ້ນ, ແກ້ໄຂບັນດາປາກົດການຍໍ້ທໍ້ ແລະ ຂໍ້ຂັດແຍ່ງຕ່າງໆໂດຍສັນຕິວິທີ.
          ໃນພິທີທ່ານ ຄໍາໄຊ ວ່າງ ກໍຍັງໄດ້ມີການເຜີຍແຜ່ດໍາລັດວ່າດ້ວຍການເອົາເດັກມາເປັນລູກລ້ຽງ ສະບັບເລກທີ 194/ລບ, ລົງວັນທີ 12 ມິຖຸນາ 2014, ດໍາລັດ ວ່າດ້ວຍການຊ່ວຍເຫຼື່ອທາງດ້ານກົດໝາຍ ເລກທີ 77/ລບ, ລົງວັນທີ 28 ກຸມພາ 2018 ແລະ ກົດໝາຍວ່າດ້ວຍທະບຽນສານຕື່ມອີກ.
ຂຽນຂ່າວ-ຖ່າຍພາບ: ນູເລົ່າ ແກ້ວຍອດ.