ເມືອງ ນ້ຳບາກ ປີດຊຸດຝຶກອົບຮົມກົດໝາຍໄລຍະສັ້ນ 45 ວັນ ປີ 2021

Primary tabs

          ໃນວັນທີ 8 ກັນຍາ 2021 ຜ່ານມາ, ທີ່ຫໍປະຊຸມຂອງເມືອງ ນ້ຳບາກ ແຂວງ ຫຼວງພະບາງ ໄດ້ຈັດພິທີປິດຊຸດຝຶກອົບຮົມກົດໝາຍຂັ້ນພື້ນຖານ ລະບົບບຳລຸງໄລຍະສັ້ນ 45 ວັນ ປະຈຳປີ 2021 ໃຫ້ແກ່ພະນັກງານຫຼັກແຫຼ່ງຂອງເມືອງ ແລະ ບ້ານ ອ້ອມຂ້າງເມືອງ ໂດຍການເປັນປະທານ ຂອງທ່ານ ສົມຫວັງ ພອນຄຳວົງສາ ເລຂາພັກເມືອງ ນ້ຳບາກ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ກົມກອງອ້ອມຂ້າງເມືອງ ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ 57 ທ່ານ, ຍິງ 17 ທ່ານ.
อาจเป็นรูปภาพของ หนึ่งคนขึ้นไป, ผู้คนกำลังยืน และสถานที่ในร่ม
          ໃນພິທີ ທ່ານ ສິງຄຳ ທອງສະຫວັດ ຫົວໜ້າຫ້ອງການຍຸຕິທຳເມືອງ ນ້ຳບາກ ໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າເມືອງ ສະບັບເລກທີ 264/ຈມ-ນບ, ລົງວັນທີ 6 ກັນຍາ 2021 ວ່າດ້ວຍການອະນຸມັດປິດຊຸດຝຶກອົບຮົມກົດໝາຍ 45 ວັນ ພ້ອມທັງຜ່ານບົດສະຫຼຸບກ່ຽວກັບການຝຶກອົບຮົມໄລຍະສັ້ນ 45 ວັນຜ່ານມາ ແລະ ທິດທາງແຜນການຕໍ່ໜ້າ. ຊຸດຝຶກອົບຮົມນີ້ເປັນຊຸດທີ III ມີນັກຝຶກອົບຮົມເຂົ້າຮ່ວມຈຳນວນ 35 ທ່ານ, ຍິງ 13 ທ່ານ. ມີ 34 ວິຊາຮຽນ ຫຼື 34 ກົດໝາຍ ເທົ່າກັບ 22,5 ໜ່ວຍກິດ ແລະ 360 ຊົ່ວໂມງຮຽນ ໄດ້ກຳນົດເວລາຮຽນ 45 ວັນ( ບໍ່ນັບວັນເສົາ, ວັນອາທິດ ) ເຊີ່ງໄດ້ເລີ່ມຮຽນແຕ່ວັນທີ 7 ກໍລະກົດ 2021 ເປັນຕົ້ນມາ ແລະ ສຳເລັດວັນທີ 8 ກັນຍາ 2021 ຈາກນັ້ນ ກໍໄດ້ມອບໃບຢັ້ງຢືນໃຫ້ແກ່ຜູ້ທີ່ສຳເລັດການຝຶກອົບຮົມຈຳນວນ 35 ທ່ານ ໃຫ້ກຽດມອບ ໂດຍທ່ານ ສົມຫວັງ ພອນຄຳວົງສາ ເຈົ້າເມືອງ ນ້ຳບາກ ພ້ອມທັງ ມີຄຳເຫັນໂອ້ລົມ ກ່ອນອື່ນ ທ່ານໄດ້ຍ້ອງຍໍຊົມເຊີຍ ມາຍັງຄະນະພັກ, ອົງການປົກຄອງເມືອງ ກໍຄືຄະນະຮັບຜິດຊອບ ທີ່ໄດ້ເອົາໃຈໃສ່ຊີ້ນໍາ-ນໍາພາຢ່າງໃກ້ຊິດຕໍ່ວຽກງານຍຸຕິທຳຮາກຖານ, ຍ້ອງຍໍຊົມເຊີຍອົງການປົກຄອງບ້ານທີ່ເຫັນໄດ້ຄວາມສຳຄັນຂອງວຽກງານດັ່ງກ່າວ ແລະ ຊຶ່ງໄດ້ຄັດເລືອກ, ສົ່ງພະນັກງານຫຼັກແຫຼ່ງຕາມຕຳແໜ່ງງານຂອງບ້ານຕົນເຂົ້າມາສຶກສາຮ່ຳຮຽນ ແລະ ທ່ານຍັງໄດ້ເນັ້ນໜັກໃຫ້ນັກຝຶກອົບຮົມ ທີ່ສຳເລັດການຝຶກອົບຮົມນັ້ນ ຈົ່ງນໍາເອົາບົດຮຽນທີ່ໄດ້ຮັບການຖ່າຍທອດຈາກຄູຝຶກ ໄປປັບປຸງໝູນໃຊ້ໃນຫ້ອງການ, ບ້ານຂອງຕົນ ສ້າງບ້ານຂອງຕົນເປັນບ້ານແບບຢ່າງໃນການຈັດຕັ້ງປະຕິບັດກົດໝາຍ.
ຂຽນຂ່າວ ແລະ ຖ່າຍພາບໂດຍ: ທ. ບຸນຈັນ ວັນນະສີ.
ປະເພດຂ່າວ: