ເມືອງ ຊຽງເງິນ , ແຂວງ ຫຼວງພະບາງ ໄດ້ຈັດພິທີເປີດບ້ານແບບຢ່າງປະຕິບັດກົດໝາຍຂຶ້ນເປັນທາງການ

Primary tabs

          ໃນຕອນເຊົ້າຂອງວັນທີ 6 ສິງຫາ 2021 ນີ້ ທາງຫ້ອງການຍຸຕິທຳເມືອງ ຊຽງເງິນ ໄດ້ສົມທົບກັບ ອຳນາດການປົກຄອງບ້ານ ຊຽງງເງິນ ຕະຮອດພໍ່ແມ່ປະຊາຊົນບັນດາເຜົ່າພ້ອມດ້ວຍແຂກຖືກເຊີນ, ໄດ້ຈັດພິທີມອບ-ຮັບ ນາມມະຍົດ ຄອບຄົວ ແລະ ບ້ານແບບຢ່າງປະຕິບັດກົດໝາຍ , ໃຫ້ກຽດເປັນ ປະທານຮ່ວມ ຂອງ ທ່ານ ຄຳເກັ່ງ ບຸນຢືນວົງ ຮອງເລຂາພັກເມືອງ ປະທານອົງການກວດກາພັກ-ລັດເມືອງ , ມີ ທ່ານ ບຸນຊູ ຄອນຈະເລີນ ກຳມະການພັກເມືອງ ຫົວໜ້າຫ້ອງການຍຸຕິທຳເມືອງ , ມີ ນາຍບ້ານ-ເລຂາພັກບ້ານ ຊຽງເງິນ ພ້ອມດ້ວຍພໍ່ແມ່ປະຊາຊົນກໍໄດ້ເຂົ້າຮ່ວມຢ່າງພ້ອມພຽງ.
อาจเป็นรูปภาพของ 3 คน, ผู้คนกำลังนั่ง และผู้คนกำลังยืน
          ໃນພິທີທ່ານ ທອງເພັດ ມິດຕະອຸດົມສັກ ຮອງຫົວໜ້າຫ້ອງການຍຸຕິທຳເມືອງ ໄດ້ລາຍງານການກະກຽມສ້າງບ້ານແບບຢ່າງປະຕິບັດກົດໝາຍ ເຫັນວ່າ ມີຄອບຄົວພາຍໃນ ບ້ານສາມາດປະຕິ ບັດຕາມມາດຖານເງື່ອນໄຂຂອງການສ້າງຄອບຄົວ ແລະ ບ້ານແບບຢ່າງ ໄດ້ຄົບຕາມມາດຖານ, ເງື່ອນໄຂ. ຫຼັງຈາກນັ້ນ ຄະນະຈັດຕັ້ງຜ່ານຂໍ້ຕົກລົງ ຂອງຫົວໜ້າຫ້ອງການຍຸຕິທຳວ່າດ້ວຍ ການມອບໃບຢັ້ງຢືນຄອບຄົວ ແບບຢ່າງປະຕິບັດກົດໝາຍ ແລະ ຂໍ້ຕົກລົງຂອງທ່ານເຈົ້າເມືອງ ຊຽງເງິນ ວ່າດ້ວຍການ ປະກາດບ້ານ ຊຽງເງິນ ເປັນບ້ານແບບຢ່າງປະຕິບັດກົດໝາຍ ພ້ອມກັບໃຫ້ກຽດຂຶ້ນມອບໃບຢັ້ງຢືນດັ່ງກ່າວ.
ໃນຕອນທ້າຍຂອງພິທີ ຍັງໄດ້ຮັບຟັງການໂອ້ລົມຂອງຄະນະປະທານພິທີ ເຊິ່ງທ່ານ ໄດ້ສະແດງຄວາມຊົມເຊີຍ ຕໍ່ຜົນສຳເລັດຂອງອຳນາດການປົກຄອງບ້ານຕະຫຼອດຮອດພໍ່ແມ່ປະຊາຊົນພາຍໃນບ້ານທີ່ສາມາດຍາດມາໄດ້ , ເຊິ່ງມັນໄດ້ສະແດງອອກໂດຍການຍົກສູງຄວາມຮັບຜິດຊອບ ແລະ ການເປັນເຈົ້າການ ມີສະຕິຕໍ່ການປະຕິບັດລະບຽບ, ກົດໝາຍ ບົນພື້ນຖານຄວາມສະເໝີພາບຂອງປະຊາຊົນ ຕໍ່ໜ້າກົດໝາຍ.
ທ່ານຍັງໄດ້ເນັ້ນໜັກໃຫ້ຮັກສາມູນເຊື້ອຄອບຄົວ ແລະ ບ້ານແບບຢ່າງປະຕິບັດກົດໝາຍໃຫ້ມັນຍາວນານ ເພາະອາຍຸການຂອງມັນມີພຽງ 1 ປີເທົ່ານັ້ນ. ຫຼັງຈາກນັ້ນ ຄະນະປະທານ ພ້ອມດ້ວຍອຳນາດການປົກຄອງບ້ານ ຕະຫຼອດຮອດພໍ່ແມ່ປະຊາຊົນບັນດາເຜົ່າ, ແຂກຖືກເຊີນ ເຂົ້າຮ່ວມພິທີເປີດປ້າຍ ບ້ານແບບຢ່າງປະຕິບັດກົດໝາຍ ຂຶ້ນຢ່າງເປັນທາງການ.
ຂຽນຂ່າວ ແລະ ພາບໂດຍ : ເພັດທອງສາ ວັນນະສີ.
ປະເພດຂ່າວ: