ຫ້ອງການຍຸຕິທໍາເມືອງ ນາແລ ລົງໂຄສະນາເຜີຍແຜ່ກົດໝາຍ ໃຫ້ປະຊາຊົນ

Primary tabs

          ໃນວັນທີ່ 10 - 26 ສິງຫາ 2021 ທີ່ຜ່ານມາ ຫ້ອງການຍຸຕິທໍາເມືອງ ນາແລ ແຂວງ ຫຼວງນ້ຳທາ ໄດ້ລົງໂຄສະນາເຜີຍແຜ່ກົດໝາຍໃຫ້ປະຊາຊົນ ໄດ້ 18 ບ້ານ ໃນນັ້ນມີພະນັກງານ, ເລຂາໜ່ວຍພັກບ້ານ, ນາຍບ້ານ, ຮອງນາຍບ້ານ ມີອົງການຈັດຕັ້ງຂອງບ້ານ ແລະ ປະຊາຊົນເຂົ້າຮ່ວມຮັບຟັງທັງໝົດ 1,191 ຄົນ, ຍິງ 599 ຄົນ ແລະ ເດັກ ທີ່ມີອາຍຸແຕ່ 13-18ປີ ມີ 184 ຄົນ.
อาจเป็นรูปภาพของ 4 คน, ผู้คนกำลังนั่ง และผู้คนกำลังยืน
          ຈຸດປະສົງ ກໍເພື່ອເຮັດໃຫ້ປະຊາຊົນ ຮັບຮູ້ ເຂົ້າໃຈ ມີສະຕິເຄົາລົບ ແລະ ປະຕິບັດກົດໝາຍຢ່າງເລີກເຊິ່ງ ກວ້າງຂວາງ ແລະ ທົ່ວເຖີງ ເພື່ອຕ້ານ ແລະ ສະກັດກັ້ນປະກົດການຫຍໍ້ທໍໍ້ໃນສັງຄົມ ຫຼຸດຜ່ອນຂໍ້ຂັດແຍ່ງທີ່ເກີດຂື້ນຢູ່ຂັ້ນບ້ານ ຍົກສູງປະສິດທິພາບ ໃນການຄຸ້ມຄອງລັດ ຄຸ້ມຄ້ອງສັງຄົມ ດ້ວຍກົດໝາຍ ປະກອບສ່ວນເຂົ້າໃນການພັດທະນາເສດຖະກິດສັງຄົມ ປົກປັກຮັກສາຄວາມສະຫງົບ ຄວາມເປັນລະບຽບຮຽບຮ້ອຍ ແລະ ຄວາມຍຸຕິທໍາ ເອກະສານທີ່ນໍາໄປເຜີຍແຜ່ຄັ້ງນີ້ປະກອບມີ: ປະມວນກົດໝາຍແພ່ງ, ກົດໝາຍວ່າດ້ວຍ ທີ່ດີນ , ປະມວນກົດໝາຍອາຍາ , ກົດໝາຍວ່າດ້ວຍການຕ້ານ, ສະກັດກັ້ນການໃຊ້ຄວາມຮຸນແຮງຕໍ່ແມ່ຍີງ ແລະ ເດັກ ແລະ ກົດໝາຍວ່າດ້ວຍຢາເສບຕິດ ພ້ອມທັງປະເມີນຄືນການນໍາໃຊ້ຕູ້ປື້ມກົດໝາຍປະຈໍາບ້ານ , ປະເມີນຄືນຄອບຄົວ ແລະ ບ້ານແບບຢ່າງປະຕິບັດກົດໝາຍ. ນອກຈາກນີ້ຫ້ອງການຍຸຕິທຳເມືອງຍັງໄດ້ມອບປຶ້ມກົດໝາຍຈຳນວນໜຶ່ງໃຫ້ອຳນາດການປົກຄອງບ້ານ.
ຂຽນຂ່າວ: ສີບຸນຍັງ ພີມວິດາ ຫ້ອງການຍຸຕິທໍາເມືອງ ນາແລ