ພະແນກຍຸຕິທໍາແຂວງ ຫຼວງນໍ້າທາ ສ້າງຂະບວນການອອກແຮງງານລວມ

Primary tabs

          ເພື່ອເປັນການສະເຫຼີມສະຫຼອງ ຂໍ່ານັບຮັບຕ້ອນວັນສໍາຄັນຂອງພັກຂອງຊາດ ກໍຄື ວັນປະກາດໃຊ້ລັດຖະທໍາມະນູນແຫ່ງຊາດ ຄົບຮອບ 30 ປີ (15 ສິງຫາ 1991 – 15 ສິງຫາ 2021) ທີ່ໄດ້ໝູນວຽນ ມາບັນຈົບຄົບຮອບອີກວາລະໜຶ່ງ ໃຫ້ມີບັນຍາກາດຟົດຟື້ນ ໃນຕອນເຊົ້າ ຂອງວັນທີ 6 ສິງຫາ 2021 ພະແນກຍຸຕິທໍາແຂວງ ຫຼວງນໍ້າທາ ໄດ້ພ້ອມກັນ ສ້າງຂະບວນການອອກແຮງງານ ອານາໄມບໍລິເວນ ເສັ້ນທາງອອ້ມຂ້າງພະແນກການ ໃນຂອບເຂດຄວາມຮັບຜິດຊອບຂອງຕົນ ນຳໂດຍ ທ່ານ ພັນທະມິດ ຫຼວງລືໄຊ ຮອງປະທານຮາກຖານກຳມະບານ ພ້ອມດ້ວຍພະນັກງານ-ລັດຖະກອນ ພາຍໃນພະແນກ. ການອອກແຮງານ ແມ່ນເຕັ້ມໄປດ້ວຍ ບັນຍາກາດເບີກບານມ່ວນຊື່ນ, ມີຄວາມສາມັກຄີຊ່ວຍເຫຼືອເຊິ່ງກັນ ແລະ ກັນ. ຈຸດປະສົງກໍເພື່ອເຮັດໃຫ້ຖະໜົນຫົນທາງອ້ອມຂ້າງພະແນກຍຸຕິທຳແຂວງ ມີຄວາມສະອາດຈົບງາມ.
ຂຽນຂ່າວ: ສຸມີໄຊ ວົງຕະສີ
ຖ່າຍພາບ: ລັດຕະນາພອນ ນາບຸນແພງ