ພະນັກງານ-ລັດຖະກອນພະແນກຍຸຕິທໍາ ແລະ ສານປະຊາຊົນແຂວງ ຫຼວງນໍ້າທາ ຮ່ວມແຮງຮ່ວມໃຈບໍລິຈາກເລືອດຊ່ວຍເຫຼືອສັງຄົມ.

          ຕອນເຊົ້າຂອງວັນທີ 24 ກຸມພາ 2021 ຢູ່ທີ່ພະແນກຍຸຕິທໍາແຂວງ ຫຼວງນໍ້າທາ ໄດ້ຈັດພິທີ ບໍລິຈາກເລືອດ ໂດຍການເປັນປະທານ ຂອງທ່ານ ນາງ ມາລີພອນ ນາບຸນແພງ ຫົວໜ້າພະແນກຍຸຕິທໍາແຂວງ ຫຼວງນໍ້າທາ ເຂົ້າຮ່ວມໃນພິທີ ມີ ທ່ານ ນາງ ຈັນສະໝອນ ສຸລິຍະວົງ ຕາງໜ້າສູນເລືອດ ປະຈໍາແຂວງຫຼວງນໍ້າທາ ພ້ອມດ້ວຍພະນັກງານແພດ, ມີພະນັກງານ-ລັດຖະກອນພະແນກຍຸຕິທໍາ ແລະ ສານປະຊາຊົນແຂວງເຂົ້າຮ່ວມ.
          ໃນພິທີ ທ່ານ ຫົວໜ້າພະແນກຍຸຕິທໍາ ໄດ້ມີຄໍາເຫັນໂອ້ລົມ ແລະ ປຸກລະດົມຂົນຂວາຍ ອ້າຍ, ເອື້ອຍ, ນ້ອງພະນັກງານ-ລັດຖະກອນ ຜູ້ທີ່ມີຄວາມພ້ອມທາງດ້ານຮ່າງກາຍ, ຈິດໃຈ ເຫັນໄດ້ຄວາມສໍາຄັນຂອງການບໍລິຈາກເລືອດ ເພື່ອກອບກູ້ເອົາຊີວິດຂອງເພື່ອນມະນຸດດ້ວຍກັນ ແລະ ນໍາໄປຊ່ວຍເຫຼືອຜູ້ທີ່ມີຄວາມຈໍາເປັນທີ່ຕ້ອງການເລືອດ. ພ້ອມນັ້ນ, ກໍໄດ້ມອບໃບຍ້ອງຍໍໃຫ້ແກ່ຜູ້ທີ່ບໍລິຈາກເລືອດຫຼາຍຄັ້ງໃນໄລຍະຜ່ານມາ ຈໍານວນ 2 ທ່ານ
          ຈາກນັ້ນ, ຍັງໄດ້ຜ່ານມາດຖານເງື່ອນໄຂ ທາງດ້ານວິຊາການ ແລະ ຊີ້ແຈງບັນຫາຂອງຜູ້ນໍາໃຊ້ເລືອດ ໃນນັ້ນ ພະນັກງານພະແນກຍຸຕິທໍາ ແລະ ສານປະຊາຊົນແຂວງສາມາດບໍລິຈາກເລືອດໄດ້ທັງໝົດ 3 ຄົນ.
ຂຽນຂ່າວ: ສຸມີໂຊ ວົງຕະສີ.
ຖາຍພາບ: ນາງ ລັດຕະນາພອນ ນາບູນແພງ