ພະແນກຍຸຕິທໍາ ທາບທາມບຸກຄະລາກອນ ເປັນຮອງຫົວໜ້າພະແນກ

Primary tabs

          ໃນຕອນເຊົ້າຂອງວັນທີ 25 ສິງຫາ 2021 ທີ່ຜ່ານມາ ຢູ່ທີ່ຫ້ອງປະຊຸມຂອງພະແນກຍຸຕິທໍາແຂວງ ຫຼວງນໍ້າທາ ໄດ້ຈັດກອງປະຊຸມ ທາບທາມບຸກຄະລາກອນຂັ້ນຮອງຫົວໜ້າພະແນກຍຸຕິທໍາແຂວງ ໂດຍການເປັນປະທານ ຂອງທ່ານ ນາງ ມາລີພອນ ນາບຸນແພງ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ ຫຼວງນໍ້າທາ ເຂົ້າຮ່ວມມີ ຮອງປະທານກວດກາພັກ ອົົງການກວດກາລັດ, ຮອງຄະນະຈັດຕັ້ງແຂວງ, ຮອງຫົວໜ້າພະແນກ, ຫົວໜ້າຫ້ອງການຍຸຕິທໍາ 5 ເມືອງ, ຫົວໜ້າຂະແໜງ, ຮອງຂະແໜງ ພ້ອມດ້ວຍພະນັກງານວິຊາການເຂົ້າຮ່ວມຢ່າງພ້ອມພຽງ.
ທ່ານ ຈັນທະໜອມ ຂັນທະລາດ ຮອງຫົວໜ້າຄະນະຈັດຕັ້ງແຂວງ ໄດ້ຜ່ານດໍາລັດ 461 ວ່າດ້ວຍມາດຖານຕໍາແໜ່ງງານບໍລິຫານຂອງລັດຖະກອນແຫ່ງ ສປປ ລາວ. ຕໍາແໜ່ງບໍລິຫານປະເພດ 4 ຕ້ອງມີຄວາມໜັກແໜ້ນທາງດ້ານການເມືອງ, ດ້ານຄວາມຮູ້ຄວາມສາມາດ ມີແບບແຜນວິທີເຮັດວຽກ ຍຶດໝັ້ນອຸດົມການຂອງພັກຢ່າງໜັກແໜ້ນ ແລະ ໄດ້ຕາມມາດຖານທີ່ໄດ້ກໍານົດໄວ້.
อาจเป็นรูปภาพของ 4 คน, ผู้คนกำลังนั่ง และผู้คนกำลังยืน
          ໂອກາດທີ່ມີຄວາມໝາຍຄວາມສໍາຄັນນີ້ ທ່ານ ນາງ ມາລີພອນ ນາບຸນແພງ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ ໄດ້ໃຫ້ກຽດໂອ້ລົມ ແລະ ເໜັ້ນໜັກໃຫ້ຜູ້ທີ່ຈະເລືອກຕັ້ງເອົາບຸກຄະລາກອນ ມາບໍລິຫານວຽກງານ ຕ້ອງໃຫ້ຄົບໄປຕາມມາດຖານທີ່ໄດ້ກໍານົດໄວ້ ສາມາດບໍລິຫານວຽກງານຍຸຕິທໍາເປັນຢ່າງດີ ເພື່ອໃຫ້ວຽກງານມີຄວາມກ້າວໜ້າ ຈາກນັ້ນ ພະນັກງານ-ລັດຖະກອນ ພາຍໃນພະແນກຍຸຕິທໍາແຂວງ ຫຼວງນໍ້າທາ ໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດເລືອກ ຄັດເລືອກເອົາຮອງຫົວໜ້າພະແນກຍຸຕິທໍາແຂວງຜູ້ໃໜ່.
ຂຽນຂ່າວ: ສຸມີໄຊ ວົງຕະສີ
ປະເພດຂ່າວ: