ພະແນກຍຸຕິທໍາແຂວງ ຫຼວງນໍ້າທາ ເຊື່ອມຊຶມເອກະສານສໍາຄັນຂອງພັກ-ລັດ

Primary tabs

          ໃນຕອນເຊົ້າວັນທີ 29 ເມສາ 2022 ຢູ່ທີ່ຫ້ອງປະຊຸມ ພະແນກຍຸຕິທໍາ ແຂວງຫຼວງນໍ້າທາ ໄດ້ຈັດກອງປະຊຸມເຊື່ອມຊຶມເອກະສານສໍາຄັນຂອງພັກ-ລັດ ໂດຍການເປັນປະທານ ຂອງ ທ່ານ ນາງ ມາລີພອນ ນາບຸນແພງ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ , ມີຮອງຫົວໜ້າພະແນກ, ຫົວໜ້າຂະແໜງ, ຮອງຂະແໜງ, ແລະ ພະນັກງານ-ລັດຖະກອນ ພາຍໃນພະແນກ ເຂົ້າຮ່ວມຮັບຟັງຢ່າງພ້ອມພຽງ.
อาจเป็นรูปภาพของ 8 คน, ผู้คนกำลังนั่ง, ผู้คนกำลังยืน และ สถานที่ในร่ม
          ໃນພິທີທ່ານປະທານໄດ້ປາຖະກະຖາ ແລະ ຍົກໃຫ້ເຫັນຄື: ວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນ ຄົບຮອບ 61 ປີ ( 05 ເມສາ 1961 – 05 ເມສາ 2022 ), ວັນປົດປ່ອຍພາກໃຕ້ຫວຽດນາມ 30 ເມສາ 1975 ຄົບຮອບ 47 ປີ ແລະ ວັນຄ້າຍວັນເກີດຂອງ ທ່ານ ເລນີນ ທີ 10 ເມສາ 1870 ຄົບຮອບ 152 ປີ ຈຸດປະສົງ: ເພື່ອເຮັດໃຫ້ສະມາຊິກພັກ ພະນັກງານ-ລັດຖະກອນ ພາຍໃນພະແນກໄດ້ເຊື່ອມຊືມ, ຮັບຮູ້, ເຂົ້າໃຈທາດແທ້ມຸນເຊື້ອອັນດີງາມພິລະອາດຫານຂອງກຳລັງປ້ອງກັນຄວາມສະຫງົບປະຊາຊົນ ນັ້ນແມ່ນກຳລັງປະກອບອາວຸດປະຕິວັດອັນແຫຼມຄົມ ໂດຍແມ່ນພັກປະຊາຊົນປະຕິວັດລາວເປັນຜູ້ສ້າງຕັ້ງ, ນຳພາເດັດຂາດໂດຍກົງຮອບດ້ານ, ເປັນກຳລັງມາຈາກປະຊາຊົນ, ທັງເຮັດໃຫ້ຮູ້ຈັກກັບທາດແທ້ ແລະ ມຸນເຊື້ອອັນສະຫງ່າງາມ ຂອງກໍາລັງປ້ອງກັນຄວາມສະຫງົບສຸກຂອງປະຊາຊົນ. ຈາກນັ້ນຍັງຍົກໃຫ້ເຫັນເຖີງມູນເຊື້ອການຕໍ່ສູ້ອັນພິລະອາດຫານຂອງປະຊາຊົນຊາວຫວຽດນາມ ແລະ ຍຸດທະສາດ, ກົນອຸບາຍຂອງຈັກະພັດອາເມລິກາຕໍ່ຫວຽດນາມຈົນໄດ້ຮັບໄຊຊະນະ ແລະ ຍັງໄດ້ຮູ້ຈັກກັບປະຫວັດຄວາມເປັນມາ, ການເຄື່ອນໄຫວຂອງທ່ານ ເລນິນ ຮູ້ເຖີງມຸນເຊື້ອອັນດີງາມ, ຜົນງານ ແລະ ຄຸນງາມຄວາມດີຂອງທ່ານ.
ພາບ - ຂ່າວ: ນ. ລັດຕະນາພອນ ນາບຸນແພງ
ປະເພດຂ່າວ: